تسقيط موتور كامل للباسات 2010

**mshamy** · 24-10-2014 10:29 AM

السلام عليكم ورحمة الله وبركاته
بعد ان عملها الفتيس معايا...با فكر جديا اني اسقط مكنة 2000 cc بالفتيس بتعها...والسؤال هنا ما هو احسن موتور يتسقط و ياريت يكون بيشتغل ببنزين 92 ومين احسن واحد يسقطة و الموضوع ممكن تكلفته توصل قد ايه؟
وشكرا جزيلا

**Mohamedjetta** · 24-10-2014 11:39 AM

ولله العظيم الواحد اتقرف من الفتيس ده وكل يوم بخاف اكتر علي عربيتنا
انا شايف ده حل مناسب اللي هتعمله
انت قصدك موتور fsi 2000 مع الفتيس الست سرعات صح؟
خلي بالك 2000fsi يعني لازم 95
وانشاء الله استاذ احمد يفيدك
بس ياريت تقولنا ايه اللي حصل في الفتيس
ربنا معاك

**hany63** · 24-10-2014 01:06 PM

المشاركة الأصلية كتبت بواسطة mshamy

السلام عليكم ورحمة الله وبركاته
بعد ان عملها الفتيس معايا...با فكر جديا اني اسقط مكنة 2000 cc بالفتيس بتعها...والسؤال هنا ما هو احسن موتور يتسقط و ياريت يكون بيشتغل ببنزين 92 ومين احسن واحد يسقطة و الموضوع ممكن تكلفته توصل قد ايه؟
وشكرا جزيلا

والله زي ما يكون التاريخ بيعيد نفسه
اصلي كنت فكرت في كده لما كان الفتيس بيرعش بس شغال و لحقت نفسي و بعتها على وضعها
بص حضرتك اعتقد الموضوع هيعمل من ١٠ ل ١٥ الف و خصوصا انك هتسيب موتورك
بس اعمل حسابك ان العربيه هتقل قيمتها جامد على اساس انها مش استوك
رائيي انك تشوف الجزء اللي بايظ في الفتيس و تجيبه استيراد و تبيعها و ربنا يعوض عليك باللي احسن منها

**mshamy** · 24-10-2014 02:03 PM

والله التوكيل بعتلي الونش بعد ماكلمتهم ب 25 دقيقة بالظبط و نت راركن عند بوابة الجونة
العربية حتتصلح على حسابهم و هما فعلا بعتوا يجيبوا الميكا ترونيكس من المانيا....و في هنا في توكيل الغردقة 6 عربيات بنفس المشكلة
انا ان شاء الله ناوي اسقط وابيع المكنة و الفتيس بعد ما يتصلح لاني اتاكدت ان الموضوع ممكن يتكررر في اي وقت

**Ahmed Saad** · 25-10-2014 02:32 AM

بص ياباشا نصيحه اخ ماحدش هيعرف يسقطلك حاجه في الباسات دي بالذات كمان انها TSI فهما اصلا بالعافيه فاهمينها الموضوع علي فكره كبير اوي وهيفتح معاك فلوس كتير يعني مبدايا لو بتفكر في التسقيط يبقي تدور وتجيب نص امامي بتاع عربيه بالمواصفات اللي انت عاوزها لان مبدايا كدا هتغير موتور بضفيره وكنترول وقواعد وفتيس بضفيره وكنترول وكونسول نقلات وعدادات وكبالن وموال كبير رايي المتواضع العربيه تتصلح بيع علي طول واخلص منها ومن قرفها لانك ممكن تقتح معاك وتدفع 30000-40000ج وماتتظبطش معاك فبيعها وهي شغاله بعد ماتتصلح ان شاء الله وشوفلك بي ام او اودي a4 وعلي فكره الاودي برقبه الباسات الb6 والB7 مليون مره عربيه بجد ومفيهاش اعطال شائعه والقديم فتايسها ZF والجديد فتيس CVT مفيش اودي A4 فتيسها DSG خالص وربنا يوفقك للاصلح وان شاء الله خير

**hany63** · 25-10-2014 01:00 PM

المشاركة الأصلية كتبت بواسطة ahmed saad

بص ياباشا نصيحه اخ ماحدش هيعرف يسقطلك حاجه في الباسات دي بالذات كمان انها tsi فهما اصلا بالعافيه فاهمينها الموضوع علي فكره كبير اوي وهيفتح معاك فلوس كتير يعني مبدايا لو بتفكر في التسقيط يبقي تدور وتجيب نص امامي بتاع عربيه بالمواصفات اللي انت عاوزها لان مبدايا كدا هتغير موتور بضفيره وكنترول وقواعد وفتيس بضفيره وكنترول وكونسول نقلات وعدادات وكبالن وموال كبير رايي المتواضع العربيه تتصلح بيع علي طول واخلص منها ومن قرفها لانك ممكن تقتح معاك وتدفع 30000-40000ج وماتتظبطش معاك فبيعها وهي شغاله بعد ماتتصلح ان شاء الله وشوفلك بي ام او اودي a4 وعلي فكره الاودي برقبه الباسات الb6 والb7 مليون مره عربيه بجد ومفيهاش اعطال شائعه والقديم فتايسها zf والجديد فتيس cvt مفيش اودي a4 فتيسها dsg خالص وربنا يوفقك للاصلح وان شاء الله خير

و ده برضه كان رائيي و خصوصا ان التوكيل هيعملها ببلاش يعني مفيش تكلفه تقوم انت مدخل نفسك في مصاريف و مواويل لا اول لها ولا اخر ؟!!!

**mshamy** · 25-10-2014 01:25 PM

والله العربية تحفة و صعبان عليا ابيعها علشان انا شاريها زيرو و عامل لها ابجريد زي ما قال الكتاب.
غالبا ممكن احتفظ بيها بعد التصليح لحد ما اتاكد من الباسات الجديدة b8 اشوف حتنزل بنفس الفتيس ولا حيغيروا

**Ahmed Saad** · 25-10-2014 03:32 PM

المشاركة الأصلية كتبت بواسطة mshamy

والله العربية تحفة و صعبان عليا ابيعها علشان انا شاريها زيرو و عامل لها ابجريد زي ما قال الكتاب.
غالبا ممكن احتفظ بيها بعد التصليح لحد ما اتاكد من الباسات الجديدة b8 اشوف حتنزل بنفس الفتيس ولا حيغيروا

لا الباسات الb8 هتنزل بفتيس dsg 7 بس هل بقى اتعدل عيوبه ولا ايه نظامه الله اعلم بس في فيديو ريفيو ليها انا رافعه في موضوع وبيأكد أنها نازله dsg7

**Mohamedjetta** · 25-10-2014 03:38 PM

المشاركة الأصلية كتبت بواسطة mshamy

والله العربية تحفة و صعبان عليا ابيعها علشان انا شاريها زيرو و عامل لها ابجريد زي ما قال الكتاب.
غالبا ممكن احتفظ بيها بعد التصليح لحد ما اتاكد من الباسات الجديدة b8 اشوف حتنزل بنفس الفتيس ولا حيغيروا

طبعا العربيه روعه بس فيه اختيارات بديله زي الانسيجنا و البيجو و لو نزلت السوناتا مصر 1.6 تربو
حضرتك بتفكرني ببابا محتفظ بالجيتا ومش عاوز يبعها وفي الاخر مش هيبعها الا لما هي تندل معاه وتقل بأصلها ويقوم بايعها d:

**Besov** · 25-10-2014 08:34 PM

انا شايف ان حضرتك لو حابب العربيه يبقى الصح انك تسقط على حد يجبلك ربع كامل و تنقل كل مسمار بالملى و عاوز اقولك ان فى ناس كتير مسقطه الموتور ال 2000 tsi فى عربيات جيتا و باسات فى القاهره و طالما جايب ربع بكل حاجته اى حد هينقلك الحاجه مش محتاجه خبره يعنى بس عاوز اقولك ان الموتور دا حكايه و هتحس انك راكب عربيه تانيه دا غير الموتور ال v6 ال 3.6 دا من غير تيربو بس بيديلك ال 300 حصان و ساعتها مش محتاج اقولك الباسات دى هتبقى عامله ازاى

الموضوع: تسقيط موتور كامل للباسات 2010

LinkBack

أدوات الموضوع

عرض

تسقيط موتور كامل للباسات 2010 - انشر الموضوع فى :

-

-

-

-

-

-

المواضيع المتشابهه

ايمهما افضل تسقيط موتور 1300 انجكشن ولا موتور 1600؟؟؟؟؟ شاركونى بارائكم

استفسار بخصوص تسقيط موتور بولو 2001 1400 اتوماتيك كامل بكل حاجته

ما هو أفضل زيت موتور للباسات 2008 الأوتوماتيك الخليجي

جنوط 16 للباسات اصلى للباسات من ارابكوم بالكاوتش

الشيفرولية بليزر s10 موديل 1997 6 سلندر هل يمكن تسقيط موتور مرسيدس أو أي موتور أخر

الكلمات الدلالية لهذا الموضوع

المفضلات

المفضلات

ضوابط المشاركة