حمى البيع واستطلاع هل الاسعار هترخص

اخوانى انا شايف فيه عدوى انتشرت بين الجميع والكل عاوز يبيع عربيته

وانا فى اعتقادى ان التفسير لهذه الظاهره هو مااشيع عن ان اسعار الزيرو هترخص وانا شايف ان ده مش هيحصل وان حصل هيكون نسبه بسيطه فقط مش كثير

ايضا اللى عنده مستعمل عاوز يبيع دلوقت علشان يشترى زيرو لما يرخص وهو فاكر كده

لكن المشكله انه ممكن يلاقى نفسه خسران لما يبيع رخيص دلوقت على امل ان الزيرو هيرخص

طيب بفرض ان الزيرو مانزلش يبقى هو خسر عربيته وكمان مش هيعرف يعوضها بزيرو

كمان حكايه الازمه العالميه خوفت الناس فالكل عاوز يبيع وفاكر انه لو ماباعش دلوقت مش هيعرف يبيع بعدين وخصوصا ان الكل مترقب الازمه الماليه

لذلك انا كتبت هذا الموضوع وارجوا مساهمه الجميع فيه برأيه

احنا داخلين فى نفق مظلم محدش عارف حاجة الكل بيتخبط ماحدش عارف كمان ساعة ممكن يحصل اية علشان كدة تلاقى الناس فريقين
الفريق الاول...متفرج وبيراقب وبيشوف ولا بيبيع ولا بيشترى مكفى نفسة بالى عندة
الفريق الثانى...حاسس انة هيخسر فبيفكر انة يبيع دلوقتى على امل انة هيكون هو الكسبان
وطبعا محدش يعرف اى من الفريقين صح

آحسن خللي الناس تبيع فالعرض يكون آكبر من الطلب فتنهار آسعار المستعمل
لآن الناس كانت بتستعبط في الآسعار و كانت العربيات السبعينات كهنة ولا لها سعر و يطلبولك ٣٠ و٤٠ الف وهي متساويش وزنها حديد
وفي وقت وصلت فيه الـ١٢٨ لـ الف٢٤ يبقي ده سوق ؟؟؟؟

اللي مهتم بالبيع غالبا واخدها تجارة
اما اللي مستفيد بعربيتة و مقضي بيها حياتة و شغلة و اسرتة زي حالتنا ما تفرقش معاه _ ممكن يقعد بالعربية 10 سنين و اكتر _ و اللي يرخص يرخص و اللي يغلي يغلي ما هياش فارقة معاه - (مع العلم ان رخص الأسعار في مصلحة الكل - تلوث اقل - شوارع ماشية من غير اعطال و لا عربيات بايظة توقف الشارع - رخص قطع الغيار - لو عاوز عربية لابنك او مراتك المتبهدلين هتقدر تجيب)
لكن المضاربين و الفهلوية اللي ملوا البلد هما اللي بيخافوا من الغلو او الرخص- و ربنا يجعله عامر

علشان خايف من الازمه الماليه جداااااااااااااااا

أنا شايف من وجهه نظري أن السبب في ذلك الازمه الماليه العالميه هي السبب وراء حمي البيع وذلك لتصور الناس ان أسعار العربيات الجديد حتنزل وبالتالي أسعار القديم سوف ينهار ويكون ليس له اي سعر مثل ما كان في السابق

;)انا شايف ان احنا فاههمين غلط، لان اسعار الجديد هتغلي وده بعد ما اعلنت VW و BMW و Opel خفض الانتاج لاكتر من ٣٠ % وبالتالي حتبقي عايزه تعوض الفرق ده علشان متبقاش الخسارة كبيرة ومتضرش تفصل عمال فيها.

اللي غلي مابيرخصش تاني وانا من اكتر من عشر سنوات قبل ماشتري اول عربية في حياتي وانا الكل كان بيقولي استني علشان اتفاقية الجات هاترخص العربيات واديني اهو سلملي عالجات ممكن تكون جات ومشيت ههههه

كل حاجه هترخص بالعافيه
بس المشكله مش هيبقى فيه فلوس تشترى
الموضوع شرحه طويل
بس النتيجه واحده

انا بنبيع عربيتين اكسنت بتاعتى والانترا الشكل الجديد بتاعت والدى وده علشان ربنا كرمنا بارض فى اكتوبر وبنبنى ومحتاجين فلوس وعاوزين نبنى قبل انتهاء المده وكمان فرصه الحديد رخص

السوء عرض وطلب وربنا يعدى الايام الجايه على خير

يا اخى كلمة السوء ليست بهذا السوء وتكتب هكذا السوق
شكرا:beatdeadhorse5:

اللي غلي مابيرخصش تاني

اقتباس:

---

المشاركة الأصلية كتبت بواسطة ruqi

آحسن خللي الناس تبيع فالعرض يكون آكبر من الطلب فتنهار آسعار المستعمل
لآن الناس كانت بتستعبط في الآسعار و كانت العربيات السبعينات كهنة ولا لها سعر و يطلبولك ٣٠ و٤٠ الف وهي متساويش وزنها حديد
وفي وقت وصلت فيه الـ١٢٨ لـ الف٢٤ يبقي ده سوق ؟؟؟؟

---

كلامك مضبوط فعلا فى اسعار مستعمل تجنن تلاقى الفيات131 موديل78 يعنى قفلت التلاتين سنه وعايز فيها 35000 ..لييييييييييييه..والبيجو ال504 برضه سبعينات بتعدى 40000 ولا ال128 دى اللى حكايتها حكايه موديل التمانينات بتاعها بيعدى ال25000 وتلاقيها مغيره موتور و رشه20 مره واتنفخت من جديد والناس عليها زى النمل
بجد حاجه تغيظ ده لو مثلا البيجو 504 دى فى الخليج ممكن تدخلها راس براس مع علبه سجايروتدفع الفرق



..mokhtar..

أنا قرأت في جريدة الحياه هنا في السعوديه من حوالي 5 أيام ان أسعار السيارات هتنزل 20% وده كان خبر مؤكد نظرا لتطورات الأزمه الماليه العالميه بس الله أعلم في مصر العجيبه أيه اللي هيحصل .

يا جماعة انا مش خبير اقتصاد بس بقولكم ان مصر لا ليها دعوة بالأزمة سلبا ولا ايجابا البلد الوحيدة اللي الدولار لسة بيرتفع فيها برغم الظروف العالمية
اللي مش في نيته يبيع ينسى الموضوع ده ومايشغلش نفسه بحاجة

يا جماعه انتو محيرين نفسكم ليه لو الزيو نذل المستعمل كمان هينزل بنفس النسه يبقى محصلش حاجه
وانا اعتقادى ان العربيات مش هتبزل بل هتغلى والسوق المصرى ملوش دعوة بالعالمى ولا بأى حاجه وملوش عير مقياس واحد اللى غلى مبيرخس

المعروض من العربيات كتر سواء الزيرو او المستعمل وده بيعمل منافسه للبيع فلازم العربيات ترخص

العربيات الصيني جاية بكامل قوتها وبتقتحم السوق رغم عن انف الكبار ولازم العربيات ترخص

رغم كل ما يشاع عن التحسن الاقتصادي في البلد الا ان الحالة الحقيقية للمواطن مازالت كما هي بل الى اسوأ نظرا لعوامل التضخم وارتفاع الاسعار رغم انخفاضها في العالم كله واللي ركب عربية بالقسط لعن سنسفيل اليوم اللي عمل فيه العملة السودة دي فالفئة اللي فاضلة وما ركبتش عربيه فئة محتاجة اسعار حنينة فلازم الاسعار تنزل

حالة الترقب والانتظار لحالة السوق بعد وصول العربية الرينو ميجان مخليه ناس كتير محجمة عن الشراء ومنتظرة ولحين وصول هذه السيارة الله اعلم امتى لازم الاسعار تنزل

تطبيق قانون المرور الجديد ورفع رسوم ترخيص السيارات خلت ناس كتير تحجم عن الشراء لانهم مبيعرفوش يسوقوا اصلا وخايفيين يتلبوا مخالفة من ام الف جنيه..

حالة الطرق والتكدس في الشوارع خلى القيادة عملية مقرفة حتى لو راكب مرسيدس

طريقة التسعير للسيارات في مصر غلط×غلط والسيارات بتسعر فعلياً بأكثر من قيمتها بكثير واللي يعرف الاسعار برا يعرف كده كويس واحنا بنشتري وساكتين على استغلال التجار واتفاقهم على المشتريين بالتسعير العالي. والي بيزود من حده الكلام ده انه في ناس كتير مش محتاجين عربيه فعلاً ولكن ممكن يكون في بكل اسرة سيارتين او ثلاثة للمنظرة والوجاهة الاجتماعية الكاذبة (الفشخرة عفوا يعني) وده رفع الطلب على السيارات في فترة ما ولكن هماك الان نوع من التشبع (بين القادرين على اقتناء سيارة) فلازم الاسعار تنزل.

اسعار البنزين والقرف الي الواحد بيشوفه في المحطات عشان يمون من الامور اللي خلت ناس كتير تعيد نظر في شراء سيارة لان مش كل الناس عندهم خلق ولا وقت تقف في طابور البنزينة بالساعات حتى في وقت الفجر عشان تمون وعلى فكرة الارتفاع الاخير في اسعار البنزين ده مجرد مقدمة ووسعر البنزين حيزيد تاني وفي وقت مش بعيد لانه الدوله بتدفع على البنزين دعم وكفايه انه بيقولو ان لتر البنزين 80 لازم يكون فوق 3 جنيه (على ما سمعت) عشان نرفع الدعم من عليه ونوجهه لأوجه التنمية الأكثر الحاحا !

لازم الشركات تخفض الاسعار لمواجهة انخفاض المبيعات بما لا يقل عن 18% وده مش كلامي ده كلام وتوقع الخبير الألماني فيردناند دودنهوفر مدير مركز أبحاث السيارات التابع لجامعة ديوسبور الألمانية في ظل الازمة المالية العالمية الحالية، غلازم الأسعار تنزل.

سجل سير حركة المبيعات خلال الشهر الماضي انخفاضا كبيراً في نسبة المبيعات بلغ‏7.4% فس سوق العربيات الزيرو في مصر وده نقلا عن المهندس صلاح الحضري أمين عام رابطة مصنعي السيارات في مصر.

زيادة تنافس البنوك على منح تسهيلات ائتمانية خلت العربيات (رطرطت) في السوق فلازم الاسعار تنزل يعني النهارده اللي دخله 2000 جنيه ممكن يركب عربية زيرو، يبقىليه افكر في استعمال وانا ممكن اركب زيرو فالاستعمال سيقل الطلب عليه تدريجيا وعشان يتباع لازم اسعاره تنزل.

انا من واقع عملي بدخل الجمرك والمنطقة الحرة ولا تتخيلوا كمية العربيات الواقفة من شهور ولسه عايزة ملايين الجنيهات عشان تتجمرك والتجار للي استوردوها ليس لديهم سيولة وعمالين يدفعوا عليها ارضيات وبيخسروا كل يوم لانهم كانو متوقعين الهوجة تستمر ويبيعوا اي كميات لان السوق لسه فيه مكان ولكن الواقع يتحدث عن نفسه، فلازم الاسعار تنزل عشان يبيعوا، واللي يدل أكثر على ذلك ما قرأناه ان بعض اصحاب التوكيلات يضغطوا على التجار لسحب عدد أكبر من السيارات وعرضها (هه يمكن ربنا يكرم)، فلازم الاسعار تنزل...

يا جماعة انا مش خبير اقتصادي ولا ادعي ذلك بس مجرد ملاحظ الامور سابقة الذكر تأكد اننا داخلين على مرحلة جديدة بالنسبة لسوق السيارات المصرية ولا أحد يدري مدى عواقبها الا الله.

حتنزل حتنزل حتنزل حتنزل حتنزل حتنزل حتنزل حتنزل

آسف على الإطالة..

اتفق معك استاذ shankosi فيما لخصته من واقع السوق
ولكن اختلف معك فى انخفاض سعر الزيرو والذى لم ينخفض حتى الان رغم الازمه العالميه
فكان من المفروض ان ينخفض سعر الزيرو ولكن ماحدث هو شئ غريب وهو خفض الشركات المنتجه لحجم المبيعات فقط اى انها خفضضت عدد السيارات المنتجه وقامت بتسريع بعض العماله اى ان سعر السياره سيبقى ثابت ولكن المعروض فقط هو الذى قل
وهذا يدل على انهم ليس لديهم نيه لخفض السعر

وهنا تكمن المشكله لان المفروض ان سعر السيارات المستعمله يكون متوازى مع سعر الزيرو اى ان اى انخفاض فى سعر الزيرو يجب ان يقابله انخفاض فى سعر المستعمل وهذا هو الطبيعى
اما مايحدث الان فهو غير طبيعى

السووووووق عرض وطلب
والسوق فعلا بهذا السوء والايام الجايه تحكم يا اخ hafez35
وحافظ على نفسك من الايام القادمه لانها اسوء مما تتصور
انا غير متشائم بس حالت البلد بتوحى بكدة دة الواقع

المهم انا داخل فى البيات الشتوى لحد ما يبان للبلد العبيطة دى حل


لا منطق فى هذا الوطن و كل حاجة بتحصل فى البلد دى بتبقى لمصلحة كبار القوم

في حاجة والدي علمهالي زمان لما كنت أقوله نشتري حاجة استعمال

فكان يقولي لو المستعمل تمنه اكثر من نص الجديد اشتري الجديد أحسن

ايه رأيكم في الحكمة الأبوية دي ولا لا تنطبق على السيارات؟؟؟

بس انا شايف انه منطقي لان لو المستعمل حيكلفني وحيقرفني وانا دافع فيه أكتر من نص الجديد اذن فتكلفة المستعمل الفعليه عالية جدا بالنسبة للوفر في الذي سأحققه من شراء المستعمل...

وعلى فكره يا جماعة انتوا ليه خايفين من نزول الأسعار؟

في كل الدنيا نزول الأسعار معناه زيادة التنافسية وده في صالح المستهلك أولاً ولو نزلتأسعار المستعمل لازم حتنزل أسعار الزيرو كمان والعكس صحيح أيضا لأنهم الاثنين منافس مباشر لبعض.

تحياتي ..

[quote=shankosi;481830]في حاجة والدي علمهالي زمان لما كنت أقوله نشتري حاجة استعمال

فكان يقولي لو المستعمل تمنه اكثر من نص الجديد اشتري الجديد أحسن

ايه رأيكم في الحكمة الأبوية دي ولا لا تنطبق على السيارات؟؟؟

بس انا شايف انه منطقي لان لو المستعمل حيكلفني وحيقرفني وانا دافع فيه أكتر من نص الجديد اذن فتكلفة المستعمل الفعليه عالية جدا بالنسبة للوفر في الذي سأحققه من شراء المستعمل...

وعلى فكره يا جماعة انتوا ليه خايفين من نزول الأسعار؟

في كل الدنيا نزول الأسعار معناه زيادة التنافسية وده في صالح المستهلك أولاً ولو نزلتأسعار المستعمل لازم حتنزل أسعار الزيرو كمان والعكس صحيح أيضا لأنهم الاثنين منافس مباشر لبعض.

وتأكدوا ان اللي بيروج للأسعار العاليه خايف على قيمة سيارته تنزل وحتى لو مش ناوي يبيع او تاجر (مضروب) في السوق مش عارف يلم فلوسه لانه ركب الموجة.

تحياتي ..

والله مش خايفين ياريت ترخص

بس المشكلة ان بيع المستعمل متوقف تماما اليومين دول بسبب ان ماحدش فاهم حاجة ولا عارف ايه اللي هيحصل ناس تقولك دي الاسعار هتقل بسبب ان مصانع السيارات سرحت العمال اللي فيها وناس تقولك بالعكس الاسعار هتزيد بسبب نقص انتاج المصانع بسبب برده نقص العمال فهيعوضو نقص الانتاج بزيادة السعر
بدليل ان كل موديلاات 2009 نازلة غالية حبتين

أوصت الشعبة العامة للسيارات بالاتحاد العام للغرف التجارية وكلاء وموزعي وتجار السيارات بعدم الاحتفاظ بمخزون كبير لديهم وسرعة التصرف في المخزون الحالي الذي سيؤدي حتماً إلى خسائر كبيرة -لو استمر موجوداً لديهم - حيث من المتوقع انخفاض أسعار السيارات بسبب الأزمة المالية العالمية.
ومن المتوقع أن شركات ومصانع السيارات العالمية سوف تطرح كميات كبيرة من إنتاجها في الأسواق بأسعار أقل بكثير من الأسعار الحالية لمواجهة حالة الركود التي خلفتها الأزمة، حسبماذ كرت وكالة أنباء الشرق الأوسط .
جاء ذلك خلال اجتماع الشعبة برئاسة السيد حسن سليمان رئيس الشعبة حيث تم بحث أثر الأزمة المالية العالمية على صناعة وتجارة السيارات في مصر، وترقب دخول أول سيارة مغربية إلى مصر قريباً.
وحذرت الشعبة من تعرض سوق السيارات خلال المرحلة المقبلة مما اسمته "حرق البضاعة" للتخلص من المخزون الذي يعتبر راكداً إذا طرحت الشركات والمصانع العالمية المخزون لديها بأسعار أكثر انخفاضاً، خاصة وأن أسعار البترول انخفضت بنحو 50 % مما يؤثر على باقي الصناعات ومن بينها السيارات لأن الاقتصاد العالمي أصبح "منظومة واحدة".
وقالت أنه بالنسبة للموديلات الجديدة لعام 2009 فقد بدأ طرحها بالفعل فهذه الموديلات تم فتح الأذون الاستيرادية لها منذ ثلاثة أو أربعة أشهر .
وصرح سليمان بأن الأسعار لن تنخفض مرة واحدة بل سوف تنخفض تدريجياً وخلال الشهور القليلة القادمة سوف يشعر المستهلك بهذا الانخفاض مع تزايد معدلات الركود الاقتصادي العالمي لأن تصريف المخزون الكبير لدى مصانع السيارات يقابلة تأثير في الجمارك والمبيعات والضرائب، وذلك شأن أي منتج آخر وسوف يتأثر السوق المصري لأننا سوق مفتوحة.
إذا انخفض السعر عالمياً فإنه سوف ينخفض بالضرورة في السوق المصري لأن أي مستورد يمكنه الشراء بالأسعار المنخفضة وينزل بها السوق وينافس.
رينو لوجان.. أول سيارة مغربية تدخل مصر قريباً
وأوضح السيد حسن سليمان بأن الشعبة ناقشت خلال الاجتماع كذلك السيارة "رينو لوجان" التي يتم تصنيعها في المغرب الشقيق ، وسوف تدخل السوق المصري قريباً بموجب اتفاقية اغادير (بين مصر والمغرب وتونس والأردن) التي تسمح بدخول أي منتج بين الدول الأربعة بدون جمارك بشرط أن يكون 40 % على الأقل من مكونه وطني المنشأ.
وطالب أعضاء الشعبة بأن تعامل دول الاتحاد الأوروبي مصر نفس معاملة المغرب التي تتمتع بالحصول على أي منتج ومن بين ذلك الصناعات المغذية للسيارات بدون جمارك ولها الحق في أن تحولها إلى "مغربية المنشأ".
وهكذا يمكن للمغرب أن يتجمع لديها أكثر من 40 % من مكونات السيارة مما يسمح لها بتصديرها إلى دول "اغادير" ومن بينها مصر.
يذكر أن السيارة "لوجان" كان يطلق عليها "داتشا" وكانت تنتجها رومانيا واشترتها شركة رينو الفرنسية وغيرت اسمها إلى "رينو لوجان" ومنحت المغرب تصريحاً بتصنيعها.
وطالب أعضاء الشعبة بتشكيل لجنة من كل الشعب واللجان المعنية بصناعة وتجارة السيارات في الغرف التجارية والصناعية تكون قراراته ملزمة للمنتجين والتجار وتكون بمثابة حلقة وصل مع الجهات الرسمية ولاسيما جهاز حماية المستهلك وتتولى حل جميع مشاكل التجار والصناع مع المستهلكين دون حاجة إلى اللجوء إلى القضاء أو تعرض أي منتج أو تاجر للعقوبة أو الحبس

انا عاوز اعرف مواصفات الاكسنت والموديل والسعر المطلوب بالتفصيل

ممكن مواصفات الاكسنت والموديل والسعر

عايز اقول حاجة مهمة خطرت على بالي في موضوع الأسعار ده

المعادله كالتالي:

ارتفاع الأسعار = زيادة في مبيعات الصيني

يبقى كل تاجر حيضيع من ايده زبون بسبب ارتفاع اسعار الماركات الاخرى تأكد انه بنسبة 50% على الأقل ممكن يفكر الزبون ده في الصيني.

ده مجرد افتراض والله أعلم...

يا جماعة انا عايز اقول حاجة
انا والدى عاوز يبيع البيجو ال 504 ويشترى عربية جديدة موديل التسعينات كدة
راح لكذا واحد وقالو عشان يثمنها قبل ما ينزل السوق
قالولو ان اسعار المستعمل القديم بقى فى الارض وخصوصا ان قبل موديل 85 هيتلغى اجرة ووهينزل السوق ملاكى
وال 504 هتبقى مرطرطة
المهم فى ناس قالولو ان العربية ممكن تجيب 25 الف دا لو حالة السوق حلوة
العربية دى فى يوم من الايام التجار كانو بيتحايلو على ابويا عشان ياخدوها ووصل سعرها لحد 35 الف دلوقتى نزلت 10000 وياعالم ممكن تجيب ال 25 ولا لأ
انا رأيى فى الموضوع
ان اسعار المستعمل كلو نزل فعلا
بس الزيرو الله اعلم !
واعتقد انو مش هينزل دا بيعلى كل فترة
دا اللانسر (البوما) والياريس بقو فى السماء
الاسعار عليت 10000 مرة واحدة
انا رأيى اللى يلحق يبيع القديم ويشترى جديدة كمان دلوقتى يبقى عمل خير
واسف للاطالة

اخواني الافاضل ..اسعار السيارات الجديدة فعلا رخصت قوي فعلي سبيل المثال قام توكيل اوبل في مصر ..شركة المنصور بخفض اسعار الاوبل استرا2009 والفكترا ايزي ترونيك حوالي25 الف جنيه والمتسبوشي 1500 الجديدة نزلت اسعارها بس لا اعرف كام بالتحديد لمن المتسوبيشي1600 مواصفات مصرية نزلت حوالي 10 الاف جنيه ولسا ها تنزل تاني علي اول السنة الجديدة2009 وانا اري بعد نزولي شوق السيارات في مدينة نصر ان الاسعر للسيارات المستعملة في النازل ولكن معظم السيارات المعروضة غير صالحة للاستخدام بسبب وجود كسر في الشاسيه او انتشار البارومة في اساسيات العربية وكمان انصح الاخوة الراغبين في شراء سيارة عدم الجري وراء السيارات المعروضة بسعر منخفض وعليه رفع السيارة عند متخصص معرفته قبل الشراء

اليكم اخر الاخبار لسه جايه طاظه من الكونترول
وللامانه الخبر منقول
طالب أعضاء مجلس إدارة شعبة السيارات الوكلاء بعدم الإسراف في استيراد كميات كبيرة من السيارات في ظل عدم استقرار الأسعار خلال هذه الفترة الحالية ووجود تراجع في بيع السيارات بنسبة 40%.

وطالب عفت عبد العاطي رئيس الشعبة البنوك بأن تعطي قروضا بضمانات لتنشيط سوق السيارت في مصر‏ ، كما طالب بأن تكون المعارض في مداخل ومخارج المناطق أو أطراف المدن أو المناطق الشهيرة والبعد عن المناطق الشعبية.وذلك حسبما جاء في صحيفة "الأهرام" يوم السبت.

‏جاء ذلك خلال اجتماع الشعبة برئاسة عبد العاطي لبحث مشكلات ركود السيارات ، وعدم استقرار الأسعار خلال هذه الفترة‏.

من جانبه ، قال وليد توفيق نائب رئيس الشعبة العامة للسيارات بالاتحاد العام للغرف التجارية إن الفترة المقبلة ستشهد انخفاض أسعار السيارات لأن أسعار الخامات انخفضت بشكل كبير بالإضافة إلى انخفاض أسعار البترول.

وحذر توفيق الوكلاء من استيراد كميات كبيرة في ظل الأزمة المالية العالمية الراهنة ، "حتى لا يحدث ركود في ظل انخفاض مبيعات السيارات في مصر‏".

كما طالب المجلس باستخراج التراخيص الخاصة بالمعارض على أن يتم تحديد المعرض بما لايقل عن‏60‏ مترا مربعا على أن يكون بين كل معرض وآخر مسافة لا تقل عن‏200‏ متر من جميع الجهات‏ ورأس مال المعرض مليون جنيه‏.

اقتباس:

---

المشاركة الأصلية كتبت بواسطة MOON5

اليكم اخر الاخبار لسه جايه طاظه من الكونترول
وللامانه الخبر منقول
طالب أعضاء مجلس إدارة شعبة السيارات الوكلاء بعدم الإسراف في استيراد كميات كبيرة من السيارات في ظل عدم استقرار الأسعار خلال هذه الفترة الحالية ووجود تراجع في بيع السيارات بنسبة 40%.

وطالب عفت عبد العاطي رئيس الشعبة البنوك بأن تعطي قروضا بضمانات لتنشيط سوق السيارت في مصر‏ ، كما طالب بأن تكون المعارض في مداخل ومخارج المناطق أو أطراف المدن أو المناطق الشهيرة والبعد عن المناطق الشعبية.وذلك حسبما جاء في صحيفة "الأهرام" يوم السبت.

‏جاء ذلك خلال اجتماع الشعبة برئاسة عبد العاطي لبحث مشكلات ركود السيارات ، وعدم استقرار الأسعار خلال هذه الفترة‏.

من جانبه ، قال وليد توفيق نائب رئيس الشعبة العامة للسيارات بالاتحاد العام للغرف التجارية إن الفترة المقبلة ستشهد انخفاض أسعار السيارات لأن أسعار الخامات انخفضت بشكل كبير بالإضافة إلى انخفاض أسعار البترول.

وحذر توفيق الوكلاء من استيراد كميات كبيرة في ظل الأزمة المالية العالمية الراهنة ، "حتى لا يحدث ركود في ظل انخفاض مبيعات السيارات في مصر‏".

كما طالب المجلس باستخراج التراخيص الخاصة بالمعارض على أن يتم تحديد المعرض بما لايقل عن‏60‏ مترا مربعا على أن يكون بين كل معرض وآخر مسافة لا تقل عن‏200‏ متر من جميع الجهات‏ ورأس مال المعرض مليون جنيه‏.

---

واضح إن الكنترول اللي بيجيبلك النتايج متأخر قوي !!
لأن الكلام دا منشور بالتفصيل في صفحة كاملة تقريباً من ملحق أهرام الجمعة

كل حاجه غليت اليومين دول
مش عارف فيه ايه
رغيف الفينو بقى بربع جنيه


فيه حاجه غلط فى البلد ديه

اقتباس:

---

المشاركة الأصلية كتبت بواسطة human12

كل حاجه غليت اليومين دول
مش عارف فيه ايه
رغيف الفينو بقى بربع جنيه


فيه حاجه غلط فى البلد ديه

---

معلش سعادتك يعنى بعيد عن العربيات و كلامها،انهى رغيف فينو سعادتك ده اللى بقى بربع جنيه ؟ و شكله ايه ؟ و طوله ايه ؟ و عرضه ايه ؟و بيتفتح ازاى ؟ بمشرط و لا بسكين عادى و لا بالايد ؟ و بيتباع فين ؟ انا باجيب الرغيف اللى يتاكل ب 0.40 ملطوش مصرى
معلش سعادتك،طولت على سعادتك :ymca::gnorsi:

هى اسعار الاوروبى بترخص عشان البورصات الاوروبية ماتأثرتش بالازمة المالية زى بورصات امريكا واليابان وبالتالى اليورو لايزال اقوى من الدولار
اما بالنسبة لليابانى فاهوا لازم يغلى لسببين
الاول ان الين قل بالنسبة للدولار نتيجة للانخفاض الكبير فى البورصات الاسيوية وبالاخص بورصة طوكيو والسبب الثانى ان اكبر سوق للسيارات اليابانية هوا امريكا يعنى اعلى4 مراكز للبيع فى امريكا هما شركات يابانية اعلاهم شركة تويوتا
بالتالى لازم تعلى السعر فى محاولة لتعويض انخفاض المبيعات لكن انا اعتقد انها حتكون لعبة النفس الطويل لان الشركات الاوروبية والامريكية حاتخفض اسعارها بنسبة كبيرة واللى بداتها شركة فيات اللى خفضت اسعارها بنسبة معقولة مبدأيا وشركة جنرال موتورز اللى خفضت اسعار الاوبل ايضا
وطبعا الشركات اليابانية والكورية حاتضطر تخفض اسعارها ان عاجلا او اجلا عشان تنافس
ملحوظة: الكلام دا مش فى الهجايص وللتاكيد اوبل نزلت اسعار عربياتها 10 الاف وفيات نزلت من 2,5 ل7 وحاتلاقوها فى اعداد الاهرام اللى فات واللى قابله

اقتباس:

---

المشاركة الأصلية كتبت بواسطة gemino

معلش سعادتك يعنى بعيد عن العربيات و كلامها،انهى رغيف فينو سعادتك ده اللى بقى بربع جنيه ؟ و شكله ايه ؟ و طوله ايه ؟ و عرضه ايه ؟و بيتفتح ازاى ؟ بمشرط و لا بسكين عادى و لا بالايد ؟ و بيتباع فين ؟ انا باجيب الرغيف اللى يتاكل ب 0.40 ملطوش مصرى
معلش سعادتك،طولت على سعادتك :ymca::gnorsi:

---

يا راجل!!! الرغيف اللى كنا بنجيبه ب 15 قرش صغير و معصعص
هما خلوه معصعص و صغير و بربع جنيه برضه لما سألت البواب ليه قاللى كل حاجه غليت
ماهى لما كل حاجه غليت يبقى ازاى العربيات هترخص بس؟ هو ممكن الرخص فى مكسبهم يعنى بدل مايكسب 20% هيكسب بس 18% و يمشى عماله و يوفر حوافز

و بعدين انا سمعت ان الريتش بيك غلى كمان :)

و يعنى سؤال ابو .40 ملطوش ده جاى حاف و لا محشى حاجه؟

اقتباس:

---

المشاركة الأصلية كتبت بواسطة human12

يا راجل!!! الرغيف اللى كنا بنجيبه ب 15 قرش صغير و معصعص
هما خلوه معصعص و صغير و بربع جنيه برضه لما سألت البواب ليه قاللى كل حاجه غليت
ماهى لما كل حاجه غليت يبقى ازاى العربيات هترخص بس؟ هو ممكن الرخص فى مكسبهم يعنى بدل مايكسب 20% هيكسب بس 18% و يمشى عماله و يوفر حوافز

و بعدين انا سمعت ان الريتش بيك غلى كمان :)

و يعنى سؤال ابو .40 ملطوش ده جاى حاف و لا محشى حاجه؟

---

لا ده حاف بس يفتح النفس قوى و شكله عامل زى العيش بتاع محلات الفاست فوود

منقول للفائدة:-

تشهد سوق السيارات المصرية حالة من الترقب انتظاراً لتراجع أسعار السيارات الجديدة على خلفية الأزمة المالية الراهنة التي دفعت العديد من الشركات العالمية، التى لديها وكلاء في مصر إلى تخفيض إنتاجها والبحث عن سبل متعددة لتصريف مخزونها من السيارات.

وقال متعاملون بالسوق المحلي لصحيفة "المصري اليوم" المستقلة يوم الأربعاء إن هناك تراجعاً طفيفاً فى أسعار بعض الماركات الحالية ما ترك انطباعاً لدى المستهلك المصري بأنه بداية لسلسلة من هبوط الأسعار بما يلبي طموح البعض في امتلاك سيارة جديدة.

وقد زاد من حالة الترقب الحالية في السوق ولدى المواطنين المقبلين على الشراء صدور قرارات بخفض الجمارك على مدخلات مكونات السيارات.

ومن جانبه قال عصمت دربالة، سكرتير شعبة السيارات في الاتحاد العام للغرف التجارية إن هناك ركوداً في سوق السيارات سواء الجديدة أو المستعملة، مشيراً إلى سيطرة حالة من الترقب على المستهلكين.

وأضاف دربالة أن سوق السيارات كانت نشطة خلال الفترة الماضية قبل بداية الأزمة المالية، إلا أن التداعيات الأخيرة أثرت سلباً على جميع الأسواق ومنها السيارات.

وتابع إن المواطن حالياً يفضل الاحتفاظ بالأموال بدلاً من شراء سيارة، خاصة أن الصورة حول المستقبل لم تتضح حتى الآن.

وحول وجود أى انخفاضات فى الأسعار قال دربالة إنه لم يتضح حتى الآن وجود انخفاضات فى أسعار السيارات سواء الجديدة أو المستعملة، مؤكداً أن هدوء حركة البيع والشراء ساهم فى كثرة اللغط خلال الفترة الماضية حول احتمالات انخفاض الأسعار، ما دعا المواطن إلى الانتظار.


الركود طال الجميع حتى مرسيدس
وبدوره أكد عفت عبدالعاطى، رئيس شعبة السيارات فى غرفة القاهرة، أن سوق السيارات المستعملة تأثرت سلباً بالأزمة المالية الأخيرة، وكذلك سوق السيارات الحديثة، إلا أن هناك غياباً ونقصاً فى البيانات الرسمية عن وضع سوق المستعمل فى مصر ما يؤدى إلى صعوبة تحليل وضع هذه السوق حالياً.

وأشار عبد العاطي إلى أن سوق السيارات حالياً يشهد حالة من الاستقرار إلا أن هناك ترقباً من جانب المستهلك في انتظار احتمالات انخفاض الأسعار الفترة المقبلة مع تغير أسعار العملات الأجنبية بالإضافة إلى انتظاره تحرك البنوك نحو منح تسهيلات إضافية أو عروض جديدة بهدف زيادة المبيعات.

رغم هذه الأزمة إلى أنه مازال يوجد صعوبات كبيرة في الحصول على قروض من البنوك لشراء السيارات وذلك على الرغم من الإعلان المستمر للبنوك عن سهولة الحصول على قروض السيارات لديها.

وتوقع رئيس شعبة السيارات فى غرفة القاهرة، أن تستمر حالة الانتظار لفترة إلى أن تتضح الصورة حول الأزمة المالية الحالية التي أثرت على دول العالم واستقرار أسعار العملة.

يذكر أن العديد من الشركات العالمية تواجه صعوبات حالية تتمثل في تراجع مبيعات سياراتها خاصة السويدية واليابانية والكورية الجنوبية والأمريكية والألمانية، ما دفع العديد من الشركات إلى خفض الإنتاج فضلاً عن طلب المساعدة من الحكومات في وقت تكابد فيه تداعيات الأزمة المالية وتدهور مناخ الاقتصاد بما يؤثر في ثقة المستهلك.
:10_1_102v[2]:

الغلط هناالحكومات كل ماتتزنق تطبع الورقه بمئتين جنيه والحسابه بتحسب وهذا بالضبط اشبه بما يفعله مزورى النقد مع الفارق ان هؤلاء يحميهم القانون والاخير لا والناس ياسيدى هم الذين يدفعون الثمن وللعلم هذه اللعبه تلعبها اكبر الدول من امريكا الى واق الواق والي يعيش ياما يشوف بكره تندم وتتحلف انه كان رغيق العيش بربع ولا حتى بخمسين قرش دا ان بقى حد يفتكر انه كان فى حاجه اسمها قرش اصلا وربنا يخليلنا رجال الاقتصادوعصاباته الرسميين فى كل مكان وعشان السياسين يقدروا يقولوا بالفم المليان انهم انجزوا ما لم يسبقهم فيه احد من الفضل والمنه انهم رفعوا مرتب سيادتك من 13 جنيه من ثلاثين سنه الى ستمائة جنيه دلوقت يبقى انت عايز ايه بقى مابتشبعش اجيبلكوا منين تانى ياجعانين مع (الاعتذار للجوعى الحقيقيقين)