كوعة الترموستات بتنقط مايه

**Hamroosh** · 24-10-2014 10:47 AM

عندي كوعة الترومستات بتنقط ماية من مكان ربطها في الموتور.

التنقيط بيكون ملحوظ وهي بارة فقط.. يعني مثلا لما ارجع من مشوار بتكون ناشفة تماما لكن تاني يوم الصبح مثلا بيكون فيه تنقيط واضح لدرجة بيكون فيه بلل تحتها تمام (على جسم الفتيس من فرق).

حاولت اربط على ال3 مسامير كويس انما لسه فيه تنقيط.

أرجو الافادة لحل المشكلة مع العلم ان الكوعة بلاستك، وجواها ترموستات، وجوانها كان على شكل استك وقت تركيبها من سنة.

**sakr_skoda** · 24-10-2014 10:52 AM

المشاركة الأصلية كتبت بواسطة hamroosh

عندي كوعة الترومستات بتنقط ماية من مكان ربطها في الموتور.

التنقيط بيكون ملحوظ وهي بارة فقط.. يعني مثلا لما ارجع من مشوار بتكون ناشفة تماما لكن تاني يوم الصبح مثلا بيكون فيه تنقيط واضح لدرجة بيكون فيه بلل تحتها تمام (على جسم الفتيس من فرق).

حاولت اربط على ال3 مسامير كويس انما لسه فيه تنقيط.

أرجو الافادة لحل المشكلة مع العلم ان الكوعة بلاستك، وجواها ترموستات، وجوانها كان على شكل استك وقت تركيبها من سنة.

عندى كام سؤال ياريت تجاوبنى عليهم ::

1-اخبار الحرارة ايه ؟؟

2- اخبار منسوب الماء فى القربية بيقل شكل فظيع ؟؟؟؟

3- اخبار غطاء القربة بتسمع صوت فسسسسسسسسسسسسسس بعد ما تقف بالعربية؟؟؟؟

**Mecha** · 24-10-2014 12:13 PM

حل الكوعه ونضفها ,شيك ع الترموستات او غيره واستخدم سليكون حراري ع الاستك
واربط , املا الميه وخد هوا
وشوف الحراره او نفخ لكبس الماتور - علامة مشكلة هد

**sakr_skoda** · 24-10-2014 01:58 PM

المشاركة الأصلية كتبت بواسطة hamroosh

الحرارة اعلى سنة بسيطة من اللي انا متعود عليه والماية طبعا بتنقص بس مش بطريقة فظيعة انما اكتر مماكنت متعود، وغطا القربة بيفس بعد المشوار

تمام كدا يبقى فك الكوعه وركب ليها جوان جديد (ممكن انتا تعملها اشترى قطعة جرنجريد من عند بتوع قطع الغيار ) وميمنعش شوية سيلكون واربط بحذر بنظام التجميع وانشاء الله تنتهى المشكلة تماما***

**ehab mobarak** · 25-10-2014 09:12 AM

انا برضو كانت بتسرب وده نتيجه لوجود شرخ صغير فيها قمت بتغيير الجزء اللي راكب فيه حساس الحرارة وبعد ما ركبت كانت جايبه ميه من عند الحساس حطيت سيلكون جوانات حوالين الحساس وركبته ومنعت والحمد لله غير الكوعه وجرب

**aw2100** · 26-10-2014 01:55 AM

ركب كوعه كامله افضل علشان المشكله ان الفيبر بيتعوج مع الزمن والحرارة ومهما تربطه مش كيمنع المية من التنقيط ركب كوعه كاملة جديدة او استعمال بس على التجربة وغير لها الترموستات او الغيها افضل !!!!