المشاركة الأصلية كتبت بواسطة m_zizo620
انا معايا النترا 2010 وكنت حطيت موضوع قبل كده ان عندي مشكله في قطمه الدريكسيون و طبعا لفيت كتير في محاوله للتصليح بدون تغيير القطمه لان سعر القطمه الجديده 15 الف جنيه و الاستيراد حوالي 2000 و يمكن اكتر المهم بعد لف اسبوعين تقريبا لقيت كهربائي في شارع ديودار في حدائق القبه امام مول السوق الكبير اسمه عماد و الشهاده لله هو راجل محترم تم فك القطمه و تصليحها اختفى صوت الطقه اللي في الدريكسيون تماما و خد 200 جنيه
الحاجات الي ضايقتني بعد كده :
1 الدريكسيون تقل شويه
2 عدله الدريكسيون معوج حاجه بسيطه و انا ماشي علي العدل بس قولتله وقالي اعدي عليه و هايظبطهالي و الله المستعان
انا نزلت الموضوع لاني لاقيت اكتر من حد في المنتدي بيعاني من نفس المشكله و مالقاش حل او عمل حل مؤقت بالتشحيم عند حد مش في القاهرة فياريت نشر الموضوع و تثبيته لان ده عيب في الالنترا عامه و في بعض عربيات الكيا الي بها باور كهرباء او زيت من انواع اخرى