برجاء من سيادتكم تسعير c280 موديل 2008 فايريكه بالكامل حاله جيده عداد ٨٥ الف كيلو
عرض للطباعة
برجاء من سيادتكم تسعير c280 موديل 2008 فايريكه بالكامل حاله جيده عداد ٨٥ الف كيلو
متابع
ايه يا رجاله فين الخبراء
حضرتك أنا أشتريت العربية دي في شهر 7/2013 وبعتها في شهر 12/2013 أستخدمتها حوالي 5 شهور ... كنت شاريها غالية شوية علشان كان العداد بتاعها 65 ألف وكان فيها زيادة زينون و طارة أبانوس والفرش الكونياك ومكانتش راشة نهائي غير الأكصدامات وكانت حالتها فوق الممتازة بصراحة كان أستخدام راقي جداً وكانت عربية سوبر وكأنها زيرو ...
بالنسبة للعربية اللي حضرتك بتسأل عليها أنت مش مدي وصف تفصيلي لحالتها ... فمن كلام حضرتك كده واضح أن حالة العربية متوسطة على العموم أن من قرأيتي للسوق هيا مش هتخرج برة ال 240 إلى 260 ألف وليك الحكم النهائي الرش بيفرق حالة الكاوتش أستخدام العربية يعني صاحبها بيحافظ عليها ولا لأ الصيانات منتظمة و في التوكيل ولا في مراكز خارجية الحالة العامة للفرش الداخلي ... في مده متبقية في الترخيص ولا لأ ... كل دي أمور ممكن تفرق في سعر العربية ...
خلي بالك العربية دي رسوم تسجيلها حوالى 7 ألاف جنيه علشان3000cc و 6 سلندر وخرجت من نطاق التجميع المحلي ... وكمان ضريبتها السنوية غاليه ...
كمتور لا خلاف عليه في السحب حاجة مش طبيعية 231 حصان بس المشكلة غير موفرة في البنزين على الأطلاق داخل البلد حوالي 14 لتر لكل 100 كم ولكن على الهاي واي بتبقى موفرة جداً حوالي 10 لتر أو أقل لكل 100 كم ... عربيه فيها كل الكماليات وقطع غيارها متوفرة جداً ومش غاليه أنا غيرت تيل خلفي بالحساسات ب 500 جنيه ... عيوبها من وجهة نظري سخونه المحرك زياده جداً علشان 6 سلندر عفشة رياضيه فناشفة جداً ... وتحت أمرك في أى أستفسار أخر.
أهم نصيحة أوعى تشتري من غير الكشف في التوكيل وما تستخسرش مش مهم ال 1500 جنيه بتوع الكشف علشان قياس الشاسية والتأكد من مطابقة العداد وأنه مش ملعوب فيه ...
الف شكر يا معالي الباشا
بس هو الكشف في التوكيل بكام بالظبط واحد صاحبي قالي ان الموديلات قبل خمس سنوات ب الفين جنيه والتي مضى عليها خمس سنوات فقط بالف جنيه
وبالنسبه لاستلاك الوقود انا معايا c180 موديل ٢٠٠٤ ومتوسط استهلاك البنزين داخل المدينه والزحمه حوالي ١٢او ١٣ لتر لكل ١٠٠ فبالتالي دي مش فارقه كثير