سعر جرام الفضة

**Mahmoud_Lutfi** · 17-12-2014 01:12 PM

المشاركة الأصلية كتبت بواسطة macaronaa

الفضه المصرى الجرام فيها عامل حوالى من 10 ل 12 جنيه ودى انا شخصيا ما انصحكش بيها لانها بتسود
اه لما بتتنضف بترجع تلمع تانى بس انا شخصيا مش بفضلها

الفضه الايطالى بتبقى متميزه جدا وفيه منها المطلى وفيه اللى مش مطلى والمطلى منها بتبقى مطليه بماده بتديها لمعان والايطالى سعر الجرام فيه عامل فى رينج من 20 لحد 27 جنيه
وطبعا انا شخصيا بفضل المطلى هى اه الفضه الايطالى اغلى لكن اشيك وشكلها شبه الدهب فى نضافته وشياكته

سؤال طيب

اعرف ازاي الفضة المصري من الايطالي ؟

**Macaronaa** · 17-12-2014 09:29 PM

المشاركة الأصلية كتبت بواسطة mahmoud_lutfi

سؤال طيب

اعرف ازاي الفضة المصري من الايطالي ؟

من قال لا أعرف فقد أفتى

بصراحه أنا معرفش ازاى نفرق بينهم ولما بروح محل وقطع معينه تعجبنى بسأل البائع دى نوعها ايه فيقولى مصرى او ايطالى بس اللى بلاحظه ان الايطالى بتبقى بتلمع أوى وشكلها شبه الذهب الأبيض عشان بتبقى مطليه ماده بلاتين والشغل فيها بتحسه دقيق أوى وشيك اوى لكن فيه برضه ايطالى مش مطلى وفى الحقيقه ده انا معرفش افرق بينه وبين المصرى ازاى

**Mahmoud_Lutfi** · 18-12-2014 09:56 AM

المشاركة الأصلية كتبت بواسطة macaronaa

من قال لا أعرف فقد أفتى

بصراحه أنا معرفش ازاى نفرق بينهم ولما بروح محل وقطع معينه تعجبنى بسأل البائع دى نوعها ايه فيقولى مصرى او ايطالى بس اللى بلاحظه ان الايطالى بتبقى بتلمع أوى وشكلها شبه الذهب الأبيض عشان بتبقى مطليه ماده بلاتين والشغل فيها بتحسه دقيق أوى وشيك اوى لكن فيه برضه ايطالى مش مطلى وفى الحقيقه ده انا معرفش افرق بينه وبين المصرى ازاى

طب ماهو كدا الواحد ممكن يتغش

دبلة الجواز بتاعتي مفروض اني جايبها فضة ايطالي

بس اللمعة بتاعتها انطفت بعد فترة بسيطة من الخطوبة

و رحت لمعتها عن خال المدام ( بصفته جواهرجي ) و رجعت احسن من الجديدة

بس اللمعة راحت تاني و فيها تجريح كتير

**Macaronaa** · 18-12-2014 11:05 AM

المشاركة الأصلية كتبت بواسطة mahmoud_lutfi

طب ماهو كدا الواحد ممكن يتغش

دبلة الجواز بتاعتي مفروض اني جايبها فضة ايطالي

بس اللمعة بتاعتها انطفت بعد فترة بسيطة من الخطوبة

و رحت لمعتها عن خال المدام ( بصفته جواهرجي ) و رجعت احسن من الجديدة

بس اللمعة راحت تاني و فيها تجريح كتير

أنا عندى حاجات فضه لو ماكانش اتضحك عليا فيها فهى من المفترض انها ايطالى برضه
لكن لمعتها ما اتغيرتش هى بس مع العرق وكده بيتكون عليها طبقه كده فبغسلها بمسحوق غسيل الهدوم او بيكربونات وبترجع بتبرق تانى

وعندى حاجات فضه مصرى دى بقى مع العرق بتسود لكن بنفس طريقه الغسيل بتنضف وترجع للونها

و اما بالنسبه بقى لحكايه اننا نتغش فهى وارده جدا الا اذا كان فيه حد هنا يقدر يعرفنا ازاى نفرق بين أنواع الفضه واحنا بنشتريها

**Mahmoud_Lutfi** · 21-12-2014 12:56 PM

المشاركة الأصلية كتبت بواسطة macaronaa

أنا عندى حاجات فضه لو ماكانش اتضحك عليا فيها فهى من المفترض انها ايطالى برضه
لكن لمعتها ما اتغيرتش هى بس مع العرق وكده بيتكون عليها طبقه كده فبغسلها بمسحوق غسيل الهدوم او بيكربونات وبترجع بتبرق تانى

وعندى حاجات فضه مصرى دى بقى مع العرق بتسود لكن بنفس طريقه الغسيل بتنضف وترجع للونها

و اما بالنسبه بقى لحكايه اننا نتغش فهى وارده جدا الا اذا كان فيه حد هنا يقدر يعرفنا ازاى نفرق بين أنواع الفضه واحنا بنشتريها

انتي تاني حد يقولي على موضوع البيكربونات دا

للدرجة دي بيلمع الفضة و يرجعها جديدة ؟

انا هبقى اسأل على موضوع ازاي نفرق انواع الفضة دي و يارب اوصل لنتيجة

**Macaronaa** · 25-01-2015 11:58 PM

المشاركة الأصلية كتبت بواسطة mahmoud_lutfi

انتي تاني حد يقولي على موضوع البيكربونات دا

للدرجة دي بيلمع الفضة و يرجعها جديدة ؟

انا هبقى اسأل على موضوع ازاي نفرق انواع الفضة دي و يارب اوصل لنتيجة

أيوه بيلمع الفضه وبيخليها بتبرق و الموضوع ده قالى عليه صاحب محل فضه
ولمع الفضه بيها قدامى

بيحط الفضه فى ميه عشان تبقى مبلوله وبعدين يطلعها من الميه و يجيب شويه بيكربونات ويدعكهم فى الفضه بالراحه فتعمل زى العجينه كده وبعد ما يخلص يغسل الفضه بالميه وينشفها كويس جدا

ولو عرفت ازاى نفرق بين انواع الفضه ياريت تعرفنى اكون شاكر جدا

**dedi** · 26-01-2015 12:09 AM

بالنسبة للكربونات ايوة بتلمع جدا جدا فرشاة اسنان تبللها بماء ثم تنزلها فى الكربونات وتدعك بها الفضة ثم تشطف بماء وتنشف فى نشارة خشب او بفوطة
لمعرفة عيار الفضة يمكن قرايتة على جنب مدموغ على كل قطعة 600 اقل عيار و800 الشائع فى مصر و 900 او 925 مستورد او مصرى بس قليل جدا
طبعا فية طرق كتير للنظافة الفضة - براسو - silver polish - كربونات - فوطة مبللة ومشبعة بسائل يدعك بها الفضة فتعود جديدة وطبعا فى الورش موتور وفرشاة وقماطة

**abokoko** · 26-01-2015 03:00 PM

حتي الفضه اللي مكتوب عليها925
بتكون مش واحد
و عن تجربه لاني معي 3 خواتم فضه. واسرتي جايب لهم خواتم وكمان حلقان للاذن فضه
بس مش كلهم بيلمعوا بنفس الدرجه علي نفس الشخص

ملحوظه الفضه عموما بتتاثر بالشخص جايز بالعرق او زي ما بيتقال بالراحاله النفسيه

كمان معلومه فيه ابلاتيت وبيكون اغلي طبعا

**Macaronaa** · 27-01-2015 07:03 AM

المشاركة الأصلية كتبت بواسطة dedi

بالنسبة للكربونات ايوة بتلمع جدا جدا فرشاة اسنان تبللها بماء ثم تنزلها فى الكربونات وتدعك بها الفضة ثم تشطف بماء وتنشف فى نشارة خشب او بفوطة
لمعرفة عيار الفضة يمكن قرايتة على جنب مدموغ على كل قطعة 600 اقل عيار و800 الشائع فى مصر و 900 او 925 مستورد او مصرى بس قليل جدا
طبعا فية طرق كتير للنظافة الفضة - براسو - silver polish - كربونات - فوطة مبلله ومشبعة بسائل يدعك بها الفضة فتعود جديدة وطبعا فى الورش موتور وفرشاة وقماطة

شكرا جدا ليك

بس هل تعرف سعر جرام الفضه الايطالى او السويسرى اللى هو غالبا بيكون 925 كام النهارده؟
وازاى قبل ما انزل اشترى اعرف سعر الجرام فى الاسواق بدل مايتضحك عليا
وهل تعرف محلات فى مدينه نصر تكون بتبيع فضه حلوه ومش بيخموا فى الميزان؟

**abokoko** · 27-01-2015 08:22 AM

للاسف انا مش في القاهره
كمان سعر الجرام مش ثابت
وبيتوقف علي الشغل اللي القطعه وفي قطع عليها احجار كريمه برضه السعر بيختلف
كمان لو لقيت حد معرفه هتستفاد جامد لانه هيدي لك بضاعه جيه وسعر كويس
عموما الفضه الايطالي ليها لمعه جميله ومفيش في القطعه اي غلطه يعني بتبقي فنش ممتاز ممتاز
لو لقيت القطعه مش بتلمع او فيها شقوق او زيادات او اي حاجه مش مظبوطه يبقي ابعد عن القطعه وعن المحل كله