للناس اللى هاجرت او بتفكر ايه رايك فى المقولة دى

**zorg** · 25-10-2014 06:14 AM

ده اخر موضوع ليا هسأل فيه عن الهجرة
ماهو رايك بالمقولة القائلة:
(اهم حاجة تحط رجلك فى البلد انشالله لو هتيجى زيارة او سياحة وانتا هتعرف تلاقى سكة - سيبك من اللى بتقراه فى المواقع و المنتديات و اللى الناس بتقولوا لك)
ياترى هل فى حد ممكن يعمل كده
ببساطة انا تعبت من البحث بقالى سنتين على الانترنت وفى النهاية انا قررت انى همشى بعد كام شهر مش عارف هروح فين بس همشى وخلاص
---
بعض الناس ممكن تكلمهم ويقولك سيبك من القوانين ومن الدنيا دى كلها وتعالى و حط رجلك وانتا هتعرف تتصرف او احنا هنساعدك هناك
الواحد يائس لدرجة انه ممكن يمشى ورا كلام هو مش مقتنع بيه - حاولت اسمع اغانى وطنية عشان اضحك على نفسى بس الواقع مفعوله اقوى بكتير ومدمر :d

**hesham fawzy h** · 25-10-2014 06:59 AM

الواحد محبط فعلا

ربنا يكرمنا جميعا

**د.محمود صلاح** · 25-10-2014 08:26 AM

لازم تطلع على عقد واضح وامور واضحه والا هتتعب هناك وممكن ترجع زي ما جيت

**prof2013** · 25-10-2014 12:26 PM

انا ساعات بحسبها بطريقه تانيه
لو معاك فلوس هنا ودخلك كويس ممكن تحل المشاكل اللي بتواجهها بالفلوس
نحسبها واحده واحده
نيجي لمشكله الكهرباء (ممكن تتحل بمولدات كبيرة تشغل البيت كله سواء انفرتر بقى او بنزين او طاقه شمسيه المهم انه بالفلوس ممكن تجيب مولد نضيف)
مشكله انقطاع المياه (ممكن تتحل بخزانات ميه عندك في البيت + موتور لسحب المياه في حاله فراغ الخزان من المياه)
مشكله التلوث في الميه والاكل (ممكن تتحل بمياه معدنيه تشتريها تشرب منها وتغسل بيها الاكل او فلاتر لتنقيه المياه)
مشكله التعليم (ممكن تودي عيالك مدارس اللغات افضل من المدارس الحكوميه)
مشكله المواصلات (تتحل بأنك تاخد عربيه ملاكي مخصوص توديك اي مكان مش تشتري عربيه حتى لا تتحمل مشكله عدم توافر البنزين ومشاكل الطرق اللي تخليك كل شوي تصرف ع العربيه)
مشكله الانترنت (تجيب خط 2 ميجا لوحدك وعيش يامان)
بالنسبه للمرض والعلاج (بالفلوس تروح المستشفيات الكبيرة ام 5000 الاف في اليوم هههههههههه) ياغلبي ياني المهم نلاقي رعايه كويسه وربنا يكفينا شر المرض)
بالنسه بقى للحريه والديمقراطيه والكلام ده فميشغلناش المهم مزاجنا وخلاص لان كده كده مش هنعرف نغير الكون وهي البلد اتبرمجت على كده خلاص هنعمل ايه كان نفسنا بس عادي بقى حياتنا مش هتقف عليها
ايه تاني ياربي ...
لما افتكر حاجه تاني هقول
عموما اي مكان في العالم فيه سلبيات وفيه ايجابيات عمرك ما هتلاقي بلد كامله ابداااا وده عن تجربه بحث عميقه عن كل الدول
والكلام اللي فوق ده يقدر عليه اللي معاه فلوس بس اما الغلابه مالهمش مكان هنا للاسف

**lonedoctor** · 25-10-2014 12:32 PM

خلى عندك صبر والجاى احسن ان شاء الله
مصر ام الدنيا وهتبقى اد الدنيا
تقبل تحياتى

**drcobra** · 25-10-2014 12:44 PM

والله لو معاك فلوس الدنيا مش هترتاح فى البلد دى
مصر بقت غابة

واللى شايف نفسة يقدر يمشى الامور بيقعد فيها
واللى مش عارف يهاجر بيقعد فيها

كان نفسى اهاجر بس الحمد لله ربنا كرمنى وشغلى كويس بس نفسيا تعبان جدا ومش قادر اقعد فيها
كل يوم بيعدى على بتعب اكتر
اللى مقعدنى فى البلد اولادى

**zorg** · 25-10-2014 12:44 PM

المشاركة الأصلية كتبت بواسطة prof2013

انا ساعات بحسبها بطريقه تانيه
لو معاك فلوس هنا ودخلك كويس ممكن تحل المشاكل اللي بتواجهها بالفلوس
نحسبها واحده واحده
نيجي لمشكله الكهرباء (ممكن تتحل بمولدات كبيرة تشغل البيت كله سواء انفرتر بقى او بنزين او طاقه شمسيه المهم انه بالفلوس ممكن تجيب مولد نضيف)
مشكله انقطاع المياه (ممكن تتحل بخزانات ميه عندك في البيت + موتور لسحب المياه في حاله فراغ الخزان من المياه)
مشكله التلوث في الميه والاكل (ممكن تتحل بمياه معدنيه تشتريها تشرب منها وتغسل بيها الاكل او فلاتر لتنقيه المياه)
مشكله التعليم (ممكن تودي عيالك مدارس اللغات افضل من المدارس الحكوميه)
مشكله المواصلات (تتحل بأنك تاخد عربيه ملاكي مخصوص توديك اي مكان مش تشتري عربيه حتى لا تتحمل مشكله عدم توافر البنزين ومشاكل الطرق اللي تخليك كل شوي تصرف ع العربيه)
مشكله الانترنت (تجيب خط 2 ميجا لوحدك وعيش يامان)
بالنسبه للمرض والعلاج (بالفلوس تروح المستشفيات الكبيرة ام 5000 الاف في اليوم هههههههههه) ياغلبي ياني المهم نلاقي رعايه كويسه وربنا يكفينا شر المرض)
بالنسه بقى للحريه والديمقراطيه والكلام ده فميشغلناش المهم مزاجنا وخلاص لان كده كده مش هنعرف نغير الكون وهي البلد اتبرمجت على كده خلاص هنعمل ايه كان نفسنا بس عادي بقى حياتنا مش هتقف عليها
ايه تاني ياربي ...
لما افتكر حاجه تاني هقول
عموما اي مكان في العالم فيه سلبيات وفيه ايجابيات عمرك ما هتلاقي بلد كامله ابداااا وده عن تجربه بحث عميقه عن كل الدول
والكلام اللي فوق ده يقدر عليه اللي معاه فلوس بس اما الغلابه مالهمش مكان هنا للاسف

طيب المستشفيات اللى بفلوس برضه بقت زفت وعايزين فلوس وخلاص و الكام سنة الاخيرة كنا بنقرى ونسمع عن برضه الاهمال و الرعاية الزفت اللى فيها
المواصلات مش هتقدر هتلاقى نفسك بتتفاعل بشكل تلقائى
ده غير اكبر مشكلة همجية وبربرية وانعدام الاخلاق
طيب بالنسبة للمستقبل فين؟ جواز اولادك او حتى انتا؟العادات و التقاليد الزفت؟الخ الخ الخ
طيب بالنسبة للاستثمار؟ ياترى تجيب شقة او ارض وتلاقيها اتاخدت منك و بالقانون افتح التليفزيون واتفرج على المكالمات عن اللى ارضه وشقته بتتسرق انا شخصيا بعانى من المشكلة دى
عشان تعيش فى البلد دى لازم يبقى معاك طقم بلطجية + طقم كومبارسات عشان لو حبيت تعمل فيلم هندى على حد + طقم محامين وده بتلجأ له فى الاخر + ممكن عاهرة عشان لو احتجت لاستخدامها فى ضد اعدائك + ومش عايز اقول انك احتمال تحتاج بيكاتشوا او يمكن جرندايزر :d
طيب الناس الغلابة تعمل ايه؟
للاسف اللى معاه فلوس وابن ناس مش هيعرف برضه يتعامل
الا اذا اتكلمنا على طبقة محدثين النعمة اللى ظهرت ودول هما اللى معاهم فلوس وبحكم اصولهم اللى مش قد كده تلاقيهم عارفين يضبطوا نفسهم ومتدربين على الاساليب القذرة

**zorg** · 25-10-2014 12:52 PM

المشاركة الأصلية كتبت بواسطة باسم يوسف

لازم تحدد انت عايز تروح انهي بلد و عايز تشتغل ايه هناك و لازم تكون متعلم لغه البلد دي كويس اوي قبل ما تعمل اي خطوه و تروح السفاره تجمع المعلومات اللي انت عاوزها

بالنسبة للغة مصر اخرنا هنتعلم انجليزى ويمكن فرنساوى او انجليزى غير كده هنضطر نتعلم هناك فى البلد اللى هنروحها ومتقوليش اتعلم من الانترنت اللغة عشان ده هيبقى تضييع وقت
السفارة اشك هيعبروك الا اذا كان فى واسطة تقدر توصلك لحد مسئوول جوة السفارة غير كده معتقدش هيفيدوك ده على الاقل فى السفارات الاوروبية اعرف ناس متجوزة و ماخدوش حق ولا باطل من سفارة الزوجة
للاسف فى طرق ممكن حد يكلمك عليها بس انتا متقدرش تحكم اذا كانت صح او غلط
انا كنت فى دورة وقابلت واحد من جنوب السودان عايش فى سويسرا وكان يجتمع هو والسودانيين ويقولهم على طرق واساليب غريبة عشان يروحوا يقعدوا فى اوروبا
وكان دايما يقولى نفس الجملة: حط رجلك فى البلد اللى انتا عايزها و انتا هتعرف تتصرف وتلاقى سكة

**أحمد كمال** · 25-10-2014 02:09 PM

امشي عدل يحتار عدوك فيك

خش البلد بورق سليم و حط صباعك في عين التخين و اي مشكلة تحصل لك في شغلك او في اي حاجة ماتبقاش خايف تروح للشرطة او للسلطات ......

انما هتخش شمال هتفضل طول عمرك خايف و بتبص وراك و هتتركب و هيروح حقك