استفسارات بخصوص كيا سيراتو 2010

**CeratoOwner** · 25-10-2014 10:14 AM

يا شباب انا من 3 أيام اشتريت كيا سيراتو مستعملة موديل 2010 حالة شاذة جداً
العربيه عاملة 38 الف كيلو , اشتريتها بـ 120 الف جنيه
المهم انا حاسس ان فى كذا مشكلة فى العربية
- لما يبقى طريق فى نقر كتير و ببقى ماشى بسمع صوت صفارة من الكوتش او من العفشة عموماً
- التكيف حاسس ان الكفاءه بتاعته مش كويسة يعنى امبارح كانت الساعة 3 الظهر و الشمع كانت طالعة كنت مشغل التكيف على Low و المروحة على اعلى حاجة و الجو جوه الكابينه مش ساقعة , علماً فى سيارات اصحابى لما بعمل التكيف على 22 او 23 ببقى متلج
- انا خايف من موضوع سرقة السيارة فـ لو حد يقولى اخر التطورات علشان حوار رقم الشاسية اللى تحت القزاز ده و المفتاح اللى بيتعمل يقولى الجديد علماً ان السيارة بصمة و start engine
- انا عايز اعرف العربية خليجى ولا وكيل اعرف منين ؟؟
- لو عايز اروح اعمل Check up على العربية فى مركز صيانة ابو رواش هيتكلف كام بالظبط و العربية هتقعد عندهم اد ايه ؟؟

ارجو الرد علشان انا حاسس انى اتضحك عليا فى العربية دى

**mnashat77** · 25-10-2014 11:53 AM

معلش مش هقدر افيدك ف كل الاسئله
موضوع النكيف اعتقد انك محتاج تنظف فلتر التكيف،روح لاي كهربائي ب ٥ جنيه ينضفهولك
موضوع انها خليجي او وكيل انت وبتستلمها هو ادالك معاها كتيب الضمان ام لا ،،عموما ف موقع مكتوب هنا ف المنتدي هتلاقيه ف مواضيع سابقه بتكتب رقم vin للسياره وبيقولك هي موجهه لاي بلد
موضوع سعر العربيه اي كانت رخيصه او غاليه ميهمكش انت استمتع بعربيتك وخلاص هتلاقيها فرقت الفين فوق او الفين تحت مش فارقه المهم ان حالتها كويسه
صوت الدب ده موجود ف السيراتو بتحث بيه ف العفشه الخلفيه ولكن لا يوجد اصوات لصفاره او اي شئ اخر
جرب تحط نيتروجين ف الكاوتشات والموضوع هيتحسن معاك بس الاول اطمن علي الكاوتشات انها سليمه عشان لو طلعت سفر ولا حاجه
ممكن تروح تعمل صيانه ف اي توكيل من توكيلات كيا لو عاوز
مبروك العربيه

**CeratoOwner** · 25-10-2014 12:28 PM

المشاركة الأصلية كتبت بواسطة mnashat77

معلش مش هقدر افيدك ف كل الاسئله
موضوع النكيف اعتقد انك محتاج تنظف فلتر التكيف،روح لاي كهربائي ب ٥ جنيه ينضفهولك
موضوع انها خليجي او وكيل انت وبتستلمها هو ادالك معاها كتيب الضمان ام لا ،،عموما ف موقع مكتوب هنا ف المنتدي هتلاقيه ف مواضيع سابقه بتكتب رقم vin للسياره وبيقولك هي موجهه لاي بلد
موضوع سعر العربيه اي كانت رخيصه او غاليه ميهمكش انت استمتع بعربيتك وخلاص هتلاقيها فرقت الفين فوق او الفين تحت مش فارقه المهم ان حالتها كويسه
صوت الدب ده موجود ف السيراتو بتحث بيه ف العفشه الخلفيه ولكن لا يوجد اصوات لصفاره او اي شئ اخر
جرب تحط نيتروجين ف الكاوتشات والموضوع هيتحسن معاك بس الاول اطمن علي الكاوتشات انها سليمه عشان لو طلعت سفر ولا حاجه
ممكن تروح تعمل صيانه ف اي توكيل من توكيلات كيا لو عاوز
مبروك العربيه

شكراً لردك
انا واخد مع العربية كتابين ضمان
كتاب من كيا و ده مش مكتوب فيه ولا اى كلمة خالص الكتاب ابيض مفيهوش اى معلومة عن العربية و ده معناه انه مراحش التوكيل
و كتاب من شركة صيانة اسمها Trust و ده عمل فيه صيانة 10000 و 20000
فا غالباً العربية خليجى ..

**mnashat77** · 25-10-2014 01:38 PM

حتي ولو خليجي مفيش مشكله لان كده كده حتي لو كانت بضمان كان اكيد ملها شهرين ثلاثه ويخلص ف مش هتفرق معاك ف حاجه

**CeratoOwner** · 25-10-2014 04:00 PM

المشاركة الأصلية كتبت بواسطة mnashat77

حتي ولو خليجي مفيش مشكله لان كده كده حتي لو كانت بضمان كان اكيد ملها شهرين ثلاثه ويخلص ف مش هتفرق معاك ف حاجه

بص انا مبسوط فى العربية جداً
بس هما حاجتين اللى مضايقينى
التكيف اللى انا حاسس ان كفائته مش عاليه زى اليابانى و الالمانى
و الصفارة الغريبة اللى بسمعها دى
مش عارف اروح لمين للتوكيل ولا لمركز صيانه برة التوكيل
ياريت تفيدنى

شكراً مقدماً

**ahmedelrayan** · 25-10-2014 04:01 PM

ممكن حضرتك تقول العربية الفئة الكام او مواصفتها ايه بالظبط ولو عايز تعرف اذا كانت خليجى ولا لا اول ما تفتح باب السواق هتلاقى صاجة كدة مكتوب عليها كلام مثلا لو خليجى هتلاقى مكتوب وفقا للمواصفات السعودية كدة يعنى

**shiko85** · 25-10-2014 04:10 PM

المشاركة الأصلية كتبت بواسطة CeratoOwner

يا شباب انا من 3 أيام اشتريت كيا سيراتو مستعملة موديل 2010 حالة شاذة جداً
مبروك و ربنا يديلك خيرها و يكفيك شرها
- التكيف حاسس ان الكفاءه بتاعته مش كويسة يعنى امبارح كانت الساعة 3 الظهر و الشمس كانت طالعة كنت مشغل التكيف على Low و المروحة على اعلى حاجة و الجو جوه الكابينه مش ساقعة , علماً فى سيارات اصحابى لما بعمل التكيف على 22 او 23 ببقى متلج
لو مش بيسقع خالص يبقى الكمبريسور مش شغال لكن لو بيسقع بس ضعيف يبقى التكييف محتاج شحن فريون او تنظيف الفلتر
- انا خايف من موضوع سرقة السيارة فـ لو حد يقولى اخر التطورات علشان حوار رقم الشاسية اللى تحت القزاز ده و المفتاح اللى بيتعمل يقولى الجديد علماً ان السيارة بصمة و start engine
ممكن تركب وحده فصل طلمبه البنزين او اداره المحرك
- ارجو الرد علشان انا حاسس انى اتضحك عليا فى العربية دى
كان المفروض تكشف على العربيه قبل الشراء مش بعد الشراء