استفسار هام عن المرحلة اﻷولى من مشروع اﻹسكان المتوسط

**mk3** · 25-10-2014 11:22 AM

المرحلة اﻷولى من مشروع اﻹسكان المتوسط

شقق تبدأ من 250 الف فى مناطق زى اكتوبر والقاهره الجديده والشروق .....الخ

السؤال

المبلغ بتاع الشقه قليل جدا على مناطق مميزه فى اكتوبر وفى نفس الوقت مبلغ كبير جدا على مناطق عشوائيه فى اكتوبر...اعرف مكان المشروع ازاى ؟؟!!

**Mostafa Bedo** · 25-10-2014 12:06 PM

حضرتك بتشتري كراسة الشروط لما يفتحو باب الحجز وبيبقي مكتوب فيها المنطقة والاماكن بتاعت الشقق بتاعتها فين وكل حاجة هتبقي محتاج تعرفها وكراسة الشروط ب 200 جنيه ﻻتسترد

**mk3** · 25-10-2014 01:55 PM

على اى اساس يتم تحديد الدخل لصاحب سجل تجارى ؟!

**fifo2011** · 25-10-2014 02:21 PM

صور ونماذج وحدات الاسكان المتوسط وموقعها بالمدن الجديدة‏

ننشر أول صور لنماذج مشروع الاسكان المتوسط.. والاعلان عنه غداً ب...

**fifo2011** · 25-10-2014 02:38 PM

المشاركة الأصلية كتبت بواسطة mk3

المرحلة اﻷولى من مشروع اﻹسكان المتوسط

شقق تبدأ من 250 الف فى مناطق زى اكتوبر والقاهره الجديده والشروق .....الخ

السؤال

المبلغ بتاع الشقه قليل جدا على مناطق مميزه فى اكتوبر وفى نفس الوقت مبلغ كبير جدا على مناطق عشوائيه فى اكتوبر...اعرف مكان المشروع ازاى ؟؟!!

شوف حضرتك الموقع في الرابط اللي بعته واللي يتضح منه من وجة نظري أن مواقع اكتوبر عادية لانها بعيد عن زايد واميز المواقع في اكتوبر زي: توسعات شمالية-الحي المتميز والقري السياحية- غرب سوميد - الحي الاول مش مميزة . غالباً شكلها هتكون في منطقة حدائق اكتوبر اللي فيها عدد من المشروعات الجديدة المدعمة من الدولة بتاعت محدودي الدخل وان كانت معمولة كويس على شكل كمبوندز بس المساحات صغيرة

**Boriooo** · 25-10-2014 02:53 PM

كراسه الشروط بتحدد كل الي بتسأل عليه ، والقاهره الجديده سعر الشقه ال 100 متر هيتخطى ال 400 الف ، من بق وزير الاسكان ، المكان هو الي هيحدد ، الي ب 250 ديه هتلاقيها ال 100 الارضي مثلا ، لانهم بيقولوا تبدأ من 250 .

**fifo2011** · 25-10-2014 03:21 PM

بالفعل تم التلميح في اكتر من لقاء اعلامي ان القاهر الجديدة هتكون الاغلى سعرا ويتوقع ان سعر المتر يكون في حدود 4000 جنيه او ازيد شوية والهدف ظبط السوق ومنافسة نفس المستوى اللي موجود هناك والي سعره يطراوج بين 5 الى 6 الاف جنيه للمتر نص تشطيب. لان وحدات الحكومة هتكون متشطبة وتسلم بحد اقصى 18 شهر وبحيث تقل عن سعر مثيلتها بالسوق بمعدل في حدود 25%

**Ahmedabm** · 25-10-2014 04:12 PM

طيب يا جماعة يا ترى ايه ترتيب الأماكن من حيث الأفضلية وهل ضرورى ان الواحد يكون من سكان المحافظة نفسها

**fifo2011** · 25-10-2014 04:26 PM

المشاركة الأصلية كتبت بواسطة ahmedabm

طيب يا جماعة يا ترى ايه ترتيب الأماكن من حيث الأفضلية وهل ضرورى ان الواحد يكون من سكان المحافظة نفسها

بالنسبة للشروط العامة مش ضروري تكون من سكان المحافظة اللي عايز تشتري فيها

بصراحة انا لاحظت انهم مختارين في القاهرة الجديدة اميز المواقع في منطقتين القرنفل بالقرب من الرحاب ومنطقة الجامعات والمعاهد بالقرب من الجامعة الامريكية واالي هيكون ليها مستقبل حلو وعليها طلب شديد فوق ما تتوقع عشان كدة مش مدعمين السعر بتاعها اوي وهي اغلى مناطق الوحدات المتوسطة ولكن اقل نسبيا من سعر السوق في نفس المنطقة بحوالي 25%