عرض للطباعة
عايز ارأكم يا رجاله ايه احسن لون في الشارك لان معرووض عليا ٣ الوان بس، انا بحب الفيراني بس مش لاقيه في اي حته للفئه التانيه الالوان المتاحه قدامي السيلفر والدهبي والنبيتي، انا ميال للنبيتي شويه بس حاسه بناتي شويه" مع احترامي للملاك والله مش قصدي حاجه" انتو ايه رأيكو؟
دور علي اللون اللي انت عايزة و هتلاقية
الذهبي جميللكن في النهاية انت اللي هتركب وانت اللي هتدفع فلازم يكون اللون على مزاجك انت
وأتعب ودور على اللون اللي في بالك وهتلاقيه زي ما قال زميلنا
والفيراني فعلاً فيها هيكون جميل جداً
ومبروك مقدما
الابيض تحفه الصراحه
والاسود خرافه بس مقرف اوي في النضافه مطلع عيني بس الصراحه شياكه
ربنا يخليكو يا رجاله على الردود المشكله اني مش لاقي اللون الفيراني في اي معرض، فا شكلها هترسى على الفضي او النبيتي، الاسود تحفه بس مشكلته زي ماحضرتك قلت في التنضيف
انا طبعا مع الفيرانى يليه السلفر
بصراحة الابيض حلوووووووووووووو اوووووووووووووي
وممكن النبيتي
مجرد رأي شخصي
شكرا
الابيض جميل والله برضه بس عايز جنط وبودي كيت حلو كده عشان يبان، متشكر عالردود يا رجاله
اشيك لون فى الى حضرتك قولتة هو الدهبى لانة فاتح و بيبقى حلو قوووى بليل
اللالوان كلها عليها حلوه الصراحه
طيب والنبيتي ايه رأيكو فيه
بحس انه بناتى شويه بس كشكل مش وحشاقتباس:
المشاركة الأصلية كتبت بواسطة mhmd_farouq
لو مش الفيراني يبقي الفضي
يا باشا انت عامل احلى انتشار في المنتدى والله، فعلا زي ماحضرتك قلت الفيراني او الفضي، حاولت اقنع نفسي بالوان تانيه. بس مفيشاقتباس:
المشاركة الأصلية كتبت بواسطة s o p h o s
ربنا يعزك يا فندم
عن تجربة لاني جربت اللوان كتير ومعايا فضي وعربية تانية نبيتي
النبيتي حلو وشيك بس عامل زي الاسود
لازم تلمع العربية علطول علشان بيلم تراب وبيبان فيه الاتساخ والتجريح
عكس الفضي قولت اقول لحضرتك علشان تبقي عارف عيوب اللون
لكن لو العربية بتتلمع كل يوم ومفيش خرابيش بيبقي شيك جدا واحد الالوان الفخمة فرأي
تحياتــي ليك .. ّ
فعلا لاحظت ان النبيتي عامل زي الاسود وبالذات لاقدر الله لو فيه خبطات اللون بيتبهدل اوي، والفيراني والفضي بيدارو العيوب دي، تحياتي لحضرتك يا فندم.
مفيش فكره عند حضرتك هل الشارك ال ٢٠١٥ هتكون تقفيل ياباني ولا لأ؟
بصراحة لا
بس لو غيروا التقفيل يبقي بيشيلوا ميزة تانية من العربية
بص انا كنت هموت على النبيتي الفئة الاولى والمعارض غلبوني وكانوا بيلاقوني عايز لون معين يقولولي ده نادر هنجبهولك ازيد في السعر الف جنيه...... كلهم نصابين فضلت مسحول معاهم ١٠ ايام وفي الاخر كلمت دايموند موترز نفسهم لقيت عنده اللون والفئة من غير اي زياده... اخدت فلوسي ورحتله دفعت واخدت العربية ومشيت في اقل من ساعة......
كانت عندي بقى مشكلة تانية اني عايزها نبيتي فرش اسود ودي مالقتهاش ف رضيت بالنبيتي الفرش بيج....
مبروووووك يا باشا، ممكن اعرف من حضرتك روحتلهم انهي فرع؟ ومعندكش فكره ال ٢٠١٥ هتنزل امتا واسعارها؟ مشكووووراقتباس:
المشاركة الأصلية كتبت بواسطة hamada524
انا النهاردة شفت عربيتين نبيتى.... واحدة الفرش الداخلى كله اسود والثانية اسود فى بيج تفسير ده ايه ؟
دايموند موترز الي في بيع عربيات هو فرع طريق مصر اسكندرية الصحراوي فقط لاغير اي حد تاني بيبقى موزع معتمد وانا تجربتي كانت سيئة مع الوزعين المعتمدين واشتكيت في دايموند انهم مش عايزين يجيبولي اللون وانهم عايزين يزودا في السعر....
ماعنديش اي فكرة عن موديل ٢٠١٥ انا جتيب عربيتي من شهر ونص وماكنش فيه غير ٢٠١٤
بنسبة لحوار لون الفرش هو فعلا البيج بيبقى في جزء من التابلوه اسود...
انا تعبت اني الاقيها فئة اولى نبيتي بفرش اسود ولما سالت في دايموند قالولي ان ماعندهومش ومش مضمون اني لو استنيت الدفعة الي بعدها لما تيجي انه يكون فيها نبيتي/احمر فئة اولي بفرش اسود.... ف قررت اني اخدها فرش بيج وخلاص...
طب ممكن حضرتك تبعتلي رقمهم الله يكرمك، ربنا يكفيك شرها ويكرمك فيهااقتباس:
المشاركة الأصلية كتبت بواسطة hamada524
حضرتك متأكد انهم نفس الفئه؟ وهل الاتنين وكيل ولا فيه خليجي؟اقتباس:
المشاركة الأصلية كتبت بواسطة لانسر دايما
دايموند موتورز رقمهم ١٦٦٠٦
وده رقم الاستاذ محمود المسئول عن البيع ٠١٢٢٣٨٩٩٩٠٦ بس لو هتكلمه يكون في مواعيد الشغل مش فاكر بالضبط من امتى بس هم بيخلصو ٥ ومش فاكر اجازة جمعة وسبت ولا جمعة بس....