عندي سماعة بيونير 550 فيتنامي شغالة تويتر بس ممكن تتصلح ولا السماعة مكملتش سنة ونص وشغالة من غير جي ام
عرض للطباعة
عندي سماعة بيونير 550 فيتنامي شغالة تويتر بس ممكن تتصلح ولا السماعة مكملتش سنة ونص وشغالة من غير جي ام
يعنى اي شغالة تويتر؟
يعني شغالة صوت من غير bass
لو مش بتسمع بيس خالص اتأكد من اطراف ال+ و ال- يمكن مقلوبين و كمان من الطرفين اللي من داخل السماعة الي طرفين التوصيل الخارجيين !!!! اما لو تمام يبقا الكويل ضرب و ملهاش كدة حل
السماعة تقريبا اتحرقت بس مش عارف ايه السبب دي مكملتش سنة ونص
بص حط ايدك علي الرق بتاع السماعة تمام و انتا مشغل حاجة فيها بيس لو حسيت بحركة ولو خفيفة يبقي السماعة محروقة اما لو مفيش حركة خالص خالص يبقا ممكن عيب توصيل داخلي ممكن تتحل ... كمان جرب تزق الرق و السماعة مش شغالة لتحت و شوف في صوت حشرجة ولا مفيش ولو مفيش خبط خفيف بصبعك لو سمعت خبطة الرق بس مش خيطة صوتها زي الحاجة الكسورة يبقي السماعة الكويل سليم
شغالت اغاني فيها بيس بس مفيش بيس خالص
بص يا سيدى قبل ماتفقد الامل فى السماعة وترميها فى حاجة تتأكد بيها ان كان فى امل انها تشتغل تانى ولا لأ .. اول خطوة هادوس على رق السماعة بصباعك وتشوفها محجرة يعنى مش بتنزل ولا بتطلع ولا العكس ان كانت فى وضعها العادى تنزل وتطلع يعنى يبئا فى امل انها تشتغل تانى وهتقوم حضرتك بمكواة لحام عادية وتسيح اللحام الاسود اللى بيبئا فوق اسلاك التوصيل بتاعت الملف ( اللى جايه من ملف السماعة وماشية راحة لاطراف التوصيل )هتلاقى شعرتين صغيرين جيين من الملف و100% طالما بيونير وشغالة على كاسيت بس مش جى ام اكيد ملفها لسه سليم وهتلاقى طرف من طروف الملف دول فاصل ومجرد متوصله مع طرفه التانى هتشتغل معاك ان شاء الله وآسف على الاطاله (رغاى بئا )
وحتى لو السماعة ملفها محروق بيتغير وبترجع زى الاول تانى