الاسعار بدأت فى الانهيار

**amir_ezzat** · 28-10-2008 07:52 PM

انا والله احترت جدا الواحد مش قادر يحدد بس على اى حال لازم الازمه دى تاثر على السوق المصريه احنا مش عايشن فى العالم لوحدنا
الاكيد انها هتاثر بس سكل التاثير ايه هو ده اللى صعب تتوقعه فى السوق المصريه
يعنى ممكن بعد ده كله الاسعار تزيد الله العلم

ابتسم انت فى المحروسه

**MoToRiZeR** · 28-10-2008 07:54 PM

المشاركة الأصلية كتبت بواسطة mody_abou_halawa

اعتقد ان الاسعار دى بتاعت 2008 يعنى تصفية موديلات 2008 علشان ال 2009 نزلت

انا بقول كدة برضه

**KHALED AYMAN** · 28-10-2008 07:58 PM

طيب يا جماعه لو فاكرين فى معرض الاهرام كانت الفيكترا التوب لاين ب 205000 و انا سالت بنفسى مندوبه المبيعات الى واقفه مع العربيه و بعد كده الاقى العربيه ب 218000 زادت 13000 جنيه ليه باه عشان بيقولك اليورو سعره زاااااد و بعد كده اليورو نزل و منصور منزلش سعر العربيه عمل عليها خصم 3000 جنيه و المندوب يحسسك ان الخصم ده عشان خاطرك مع انه ميعرفكش و لا ليك خاطر عنده نزول اليورو ده مكسب فى جيب منصور و كل الى بيستوردو العربيات باليورو

**shanodaa** · 28-10-2008 11:53 PM

اللي ممكن ينزل سعره بواقي موديل 2008

**yoyo_saleh** · 04-12-2008 04:17 AM

أنا متهيالي أن الأسعار هتغلي مش هتقل ... لو حد هيسألني ليه هقولوا
(عشان أنت أكيد في مصر)

أولا: السوق المصري لا يعكس باي حال من الأحوال الأسواق العالمية .. الأسعار بره تطلع تنزل أحنا ملناش دعوة
ثانيا: جشع الوكيل و أستحواذ القلة علي معظم التوكيلات يجعل الأسعار أحتكار و ليس منافسة
ثالثا و ده الأهم: سعر الجنيه المصري في النازل امام الدولار و لسه هينزل كمان و طبعا الوكيل مش بيستورد بالجنية ولكن بالدولار.

ديه وجهة نظري الشخصية.

**ZAKI32** · 04-12-2008 05:19 AM

المشاركة الأصلية كتبت بواسطة ToYoTa

هذه اشاعات من كل اللي باعو الـ 128 بتاعتهم او 504 بعد ما سعرهم وقع في الارض بسبب قوانين المرور الجديدة وقاعدين مش عارفين يركبو حاجة فبيتسلو وبيقولو الكلام ده متخيلين ان الناس اللي معاها عربيات حديثة هتبيع لهم عربياتهم بسعر اقل وهي دي فهلوة المواطن المصري الغلبان

طبعا الاسعار اللي حاضرتك كاتبها غلط تماما لان
ماتريكس 1.6 الاوتوماتيك ب 100000
ماتريكس 1.6 المانيوال هي اللي ب 93000

وطبعا الفرق واضح بين المانيوال والاوتوماتيك
واللي قالك كدة حاجة من اتنين:
1- فتح الجرنان مرة عينه جات ع الاوتوماتيك لقيها ب 102000 وجه بعديها باسبوع فتح الجرنان فعينه المرة دي جات ع المانيوال لقيها ب 93000
2- واحد فهلوي بيتوهم ان اسعار العربيات في مصر ممكن تنزل بسبب الاشاعات

مع احترامى طريقتك فى التعبير عن هذا الموضوع لم تعجبنى .

بقى اصحاب السيارات القديمة هيطلعوا اعشاعة عشان سيادتك تبيع لهم العربية التويوتا بالرخيص.

العربيات القديمة اللى مش عجباك ( 128 / 132 / 125 / 504)

اكيد التويوتا بتقف تضربلها تعظيم سلام عشان تعديه الاول بدل ما القديم اللى مش عاجبك يخبطك ويكلفك الغالى.

واحب اقول لحضرتك انا منتظر حتى يهدأ سوق الاسعار

ولما اجى اشترى اول شئ افكر فيه يا سيفيك ياماذدا3 يافولكس باسات

ولن انظر لتويوتا 2008 اللى طوب الارض اشتكى من الفتيس بتاعها . وكفاية البشر اللى بيقولوا بتتقلب عند سرعة 120 وان الثبات بتعها زى الزفت.

والاختلاف فى الرأى لايفسد للود قضية

**ahmad7610** · 04-12-2008 10:04 AM

المشاركة الأصلية كتبت بواسطة ZAKI32

مع احترامى طريقتك فى التعبير عن هذا الموضوع لم تعجبنى .

بقى اصحاب السيارات القديمة هيطلعوا اعشاعة عشان سيادتك تبيع لهم العربية التويوتا بالرخيص.

العربيات القديمة اللى مش عجباك ( 128 / 132 / 125 / 504)

اكيد التويوتا بتقف تضربلها تعظيم سلام عشان تعديه الاول بدل ما القديم اللى مش عاجبك يخبطك ويكلفك الغالى.

واحب اقول لحضرتك انا منتظر حتى يهدأ سوق الاسعار

ولما اجى اشترى اول شئ افكر فيه يا سيفيك ياماذدا3 يافولكس باسات

ولن انظر لتويوتا 2008 اللى طوب الارض اشتكى من الفتيس بتاعها . وكفاية البشر اللى بيقولوا بتتقلب عند سرعة 120 وان الثبات بتعها زى الزفت.

والاختلاف فى الرأى لايفسد للود قضية

ليا تعليق بسيط بس على الجزء الأخير .. علشان الأمانة
التويوتا كورولا من أحسن العربيات اليابانى فى مصر ... ليس لانها أفضلهم أداء لكن
علشان قطع غيارها منتشرة .. اعادة بيع ممتازة .. وأداء جيد جدا بالنسبة لشوارعنا
(أنا بتكلم عن أى كورولا يابانى ) مليش دعوة بالجنوب أفريقى
-
لكن عن تجربتى مع كورولا 95 و 2004 .. عربية أخويا عربية واحد من أقاربنا
ان عفشة التويوتا ناعمة جدا لكنها مش معمرة .. يعنى بتستهلك مع شوارعنا مهما حافظت عليها .. وفعلا ثبات العربية لحد موديلات 2004 كان عادى مقارنة بعربية زى الامبريزا وحتى المازدا ..
-
مجربتش الجنوب أفريقى كفاية علشان أحكم عليها لكن انتشارها أكيد دليل انها مش وحشة قوى كده
-
أعتقد خرجنا عن الموضوع الأصلى .. لكن كان لازم أوضح وجهة نظرى