استفسار من ملاك جين 2 عن الردياتير

**amz2011** · 26-10-2014 11:45 AM

العربيه بتاعتى النسر بومه 2007 شاريها من الزيرو و عامله عداد 160000 المهم اول ردياتير كان بتاعها الاصلى ضرب من القميص البلاستيك اللى فوق بعد 100000 كم و غيرت القميص البلاستك اللى فوق بواحد صينى بعدها بسنه ضرب القميص البلاستيك اللى تحت رحت سالت فى التوكيل على ردياتير جديد قالولى ب 3500 طبعا كان هيغمى عليا من الخضه رحت عند سوسو اللى فى المريوطيه و اشتريت ردياتير استيراد ب 450 جنيه و عدى عليه سنه و لسه القميص اللى فوق ضارب دلوقتى
مش عارف اعمل قرفت من العربيه بسبب الردياتير . اركب قميص ب 200 جنيه تانى و لا اشترى استيراد تانى ولا اشترى جديد و لا اعمل ايه؟. مش عارف ازاى عربيه يابانى كل شويه الردياتير فيها يضرب. حاسيس ان راسى بتطلع دخان

انا عملت الموضوع اللى فوق و فى احد الاعضاء قالى ام جين 2 الردياتير بتاعها نفس الردياتير بتاع ميتسوبيشى فكنت عايز اسال الردياتير بتاع الجين 2 فيه مشاكل زى عربيتى

**madel00** · 26-10-2014 04:13 PM

انا جين 2 ومركب ردياتير لانسر مفهوش مشاكل بس لما تشترى استيراد انزل حرفيين السلام احسن

**carrier** · 26-10-2014 08:05 PM

انت المشكلة ان عربيتك هيا اللى بتاكل ريداتير

بمعنى
ان اضعف حته هيا الى بتضرب مع الوقت
مرتين
فى القديم
ومرة
فى الجديد الاستيراد

ودا مش طبيعى عالج السبب بالكشف على معدل الحرارة ودا بيكون فى التوكيل
او
مركز خدمة كان اللى فيه شغالين فى التوكيل الاول

**tutankhamoun** · 29-10-2014 06:34 PM

رادياتير الجين 2 أكبر في الحجم من بتاع اللانسر .
دي معلومة عرفتها من واحد غيره في الجين برادياتير اللانسر و كان بيتسبب في تسخين العربية .
أنا ما شوفتش حاجة بعيني .. انا نقلتلك اللي سمعته .

**amz2011** · 23-11-2014 08:15 PM

الردياتير الجديد ضرب

**D . a .\ AYMAN** · 11-12-2014 12:26 AM

المشاركة الأصلية كتبت بواسطة amz2011

الردياتير الجديد ضرب

طيب كان نوعه إيه ؟؟

كدة يبقى انت عندك مشكلة فعلا في دورة التبريد ... لأن حتى بتاع اللانسر في اللانسر مش بيضرب كدة كل شوية

أكيد في سدد أو ضغط زيادة بيحصل في دورة التبريد بيخلي الرادياتير يضرب كل شوية ... لازم تكشف على الدورة والخراطيم نفسها كويس

**abdoumahros** · 11-12-2014 08:17 AM

المشاركة الأصلية كتبت بواسطة tutankhamoun

رادياتير الجين 2 أكبر في الحجم من بتاع اللانسر .
دي معلومة عرفتها من واحد غيره في الجين برادياتير اللانسر و كان بيتسبب في تسخين العربية .
أنا ما شوفتش حاجة بعيني .. انا نقلتلك اللي سمعته .

زميلي العزيز
في موضوع بدائل قطع الغيار المثبت في زميل كاتب ان ردياتير لانسر البومه بيركب للجين 2
وسعر الردياتير ده تايواني حوالي 1000 جنيه وزميل اخر قال انه جربه وكويس ولم يؤثر علي درجه حراره الموتور وطبعا انا برضه زي حضرتك
بنقل اللي قرأته وليس عن تجربه
ياريت حد من الزملاء يؤكد صحه المعلومه دي
وتحياتي