زيوت كاسترول بتتعبى تحت بير السلم

انا واقف دلوقتى فى بنزينة طاقه اللى فى شارع اللبينى بعد نزلة المريوطيه امام اولاد رجب
وعرفت ايه سبب ان الزيت زى الزفت
العمال اللى هناك بيملو عبوات الزيت الفارغه بزيت زباله
العامل وانا بغير الزيت طلبت منه عبوه مغلفه قال لى ان العبوه اللى عنده اخر واحده
وفتح لى الغطا وقال بص متبرشم
اول لما خرجت من البنزينه ببص على الجركن لاقيته مليان اوساخ
رجعتلهم وانا متوقع انهم هاينهاروا ... ولا فارق معهم
روحت جبتلهم عبوه تانيه من على الرف مفتوحه ومتعبيه ..... قالوا كلها كده
خرجت لاقيت عبوات مغلفه طلبت انهم ينزلوا الزيت باحترام ويحطوا زيت سليم رفضوا
وانا واقف دلوقتى مستنى الشرطه فى البنزينه
340 جنيه فى الارض
ربنا يكرم واخد حقى منهم بجد

ايه التهريج ده حتى فى البنزينة امال نجيب ام الزيت منين

وتتفرج على العصابه اللى شغاله
اول لما قولت على موضوع الزيت كلهم تنحوا وسكتوا
وبعدها كلهم عايزين يمشونى من البنزينه

وده ف كل البنزينات ولا دى بس ..

ربنا يكرمك اوعي تسيب حقك

فعلا اتعملت معاهم من سنة بيعملو شغل 3 ورقات
بس انا اصرت انه يفتح العلبة ادامي بيقولي انا لسه فاتحها و انت واقف قولتلوا مشفتش و كنت حمشي
و فعلا فتح واحده جديدة ادام عيني بس من ساعتها مروحتش تاني لاني مرتحتش للمكان
تحياتي

اسف على اللفظ
لكن كل ده لسه قاعد مع ولاد الكلب
انا عامل بلاغ من ساعتين وكل شويه يقولوا لى ان النجده فى الطريق اليك ولا حياة لمن تنادى

طب غبور بيبيع زيت شيل لمواتير ولا لا؟
اانا اشتريت منه زيت فتيس شيل بس مش عارف عنده زيت لمواتير ولا لا

ربنا معاك

عملت ايه طمنا عليك

حسبي الله ونعم الوكيل فى البلد بنت الم........... ديه

من الساعه 4.30 مستنى الشرطه
وصاحب المحطه مش موجود
الجميل انهم بيقفلوا المحطه

هو انت كان عندك امل

عاااااااااااااادى جدااااااااااااا االلى انت بتقول عليه انت فى مصر وصلت الفكرة و لا لسه

انت تعرف ان باقل من 340 جنيه طبعا من غير مصاريف الجمارك و الشحن تجيب اجود زيت على مستوى العالم amsoil فى مصر احنا مش عايشين على هامش الدنيا حتى

انا نفسي افهم الناس دي بتفكر ازاي
معلش مينفعش تروح انته على القسم تحرر المحضر وتشوف ممكن يعملو ايه
وان شاء الله تلاقي حل

هى جملة كنت كاتبها فى عنوان موضوع ليا ( بلد عايزة الحرق )
مش هقول اكتر من كده
لو بلد محترمه وطلبت النجده كانوا هيسيبوا اللى وراهم كلهم وهيجوا على طول بس هنعمل ايه بقى قدرنها اننا مصريين للاسف

البنزينة دى انا مغير منها اخر مرة

وهى موزع معتمد لانها تابعة للتوكيل

لو طلبيت النجدة تانى قولهم ان المكالمة مسجلة ولو محدش جه هتقدم شكوى لتفتيش الداخلية

فداك ياباشا ,,
روح يابشا و ربنا يعوض عليك و علينا ف اللى احنا عايشين فيه دا
تصرفك ايجابى جدا بس الظروف مش مساعده و انت عملت اللى عليك

ربنا معاك
بس ماظنش ان الشرطه هاتهتم بزيت مغشوش
مابيتحركوش في الخناقات الكبيره غير لما حد يتقتل
هايتحركوا علشان ناس بتغش زيت عربيات

الشرطة مش فاضيالنا....بتحارب الارهاب

الحمد لله الذى لا يحمد على مكروها سواه
تأكدت تماما ان الزيت مغشوش
وضيعت ازيد من 4 ساعات فى الينزينه على الفاضى
بكره هاحاول اعمل كذا شكوى
وهانزل الزيت ده بعد 1000 كيلو ولا حاجه
الغريبه انى دايما متعود انى افتح العبوه بنفسى
النهارده بسبب التعب والإرهاق وقلة النوم فعلا مكنتش مركز
والنبى يا اخواننا بلاش حد بعد كده يشتم فى الاخوان او السيسى او حسنى مبارك
البلد باللى فيها كلهم حراميه وكلهم مع الرصين

ان شاء الله ربنا هيعوضك
بس نصيحه متسبش الزيت ده فى العربيه ل 1000 كيلو!! وتنزله فى اسرع وقت
لانك متعرفش ده زيت ايه واكيد ده ويت رخيص اووى عشان كده بيضربو بيه
نزله واستعوض ربنا فى حقه وهات زيت جديد وابعد الضرر اللى ممكن ياثر فيما بعد على موتور عربيتك
وكمان افضل طرييقه لشراء كاسترول اتصل بخدمة العملا وهتلاقى ليهم صفحة على الفيس بوك فيها رقمهم وبيناتهم وهما هيوصلولك الزيت فى المكان اللى انت فيه مجانا وبتجيلك عبوة نضيفه ومغلفه ومتبرشمه مفيهاش اى شك
وقدر الله وماشاء فعل

اقتباس:

---

المشاركة الأصلية كتبت بواسطة msobhy

الحمد لله الذى لا يحمد على مكروها سواه
تأكدت تماما ان الزيت مغشوش
وضيعت ازيد من 4 ساعات فى الينزينه على الفاضى
بكره هاحاول اعمل كذا شكوى
وهانزل الزيت ده بعد 1000 كيلو ولا حاجه
الغريبه انى دايما متعود انى افتح العبوه بنفسى
النهارده بسبب التعب والإرهاق وقلة النوم فعلا مكنتش مركز
والنبى يا اخواننا بلاش حد بعد كده يشتم فى الاخوان او السيسى او حسنى مبارك
البلد باللى فيها كلهم حراميه وكلهم مع الرصين

---

الموضوع غريب جدا !! ممكن حضرتك حصل سوء فهم فى الموضوع مثلا !!!
انا اشتريت من عندهم نفس المحطه دى كذا مره و الزيت كان متبرشم و ممتاز جدا .... خصوصا ان طاقه هى الوكيل بتاع كاسترول فى مصر !! هيضربوا الزيت ليه !!

حضرتك هات رقم طاقه و اعمل شكوى فورا لو حضرتك متأكد من الزيت العمال لعبوا فيه

أولا ربنا يكرمك أنك حاولت تغير حاجة في البلد ديه و تعمل الصح. أنا لو مكانك كنت مشيت و لا شرطة و لا غيرة. شرطة ايه يا باشا ده شقت حمايا اتسرقت و كان عاوز يكلم الشرطة و أنا أقنعته يكبر عشان مالوش لازمة ده لو جم أساسا.
المهم أحسن حاجة بقي كلم وكيل كاسترول و اعمل شكوي. ده رقمهم 010010046647

فعلا انا شاري منهم قبل كده لتر بكمل الغتغييره
هما باردين بس وكيل ما يقدرش يلعب

اتصلت بشركة كاسترول وعمل شكوى والمفروض انهم هايردوا عليه كمان ساعه
ودلوقتى حاولت اعمل شكوى فى حماية المستهلك قالوا لى انى اشتكى فى الرقابه على المنتجات

الحمد لله رب العالمين
كاسترول ايجيبت ردوا عليه
ردهم كالتالى
حضرتك الغلاف البلاستيك اتلغى خلاص
الغطاء الورقى اللى بيبقى ملزوق على العبوه سهل نزعه وممكن يتفك لوحده
هانبقى نروح ناخد عينه زيت من البنزينه ونحللها ونبقى نرد عليك
وبس

كلام كدب
الزيت بييجى ملفوف عليه غلاف بلاستيك حول العبوة كلها

والغطا متبرشم
الغطا الداخلى المونيوم او ورق ممكن اما اروح اشوفه

حسبي الله ونهم الوكيل
بقينا عايشين في الغش بس
ايه ده

لسه شاري من شهر ونص وكان متبرشم عادي
وانتاج 2014

عاجز عن الشكر لكل من حاول يقف جنبى خصوصا الاستاذ أحمد سعد
لو فيه خدمه ممكن رجالة المنتدى يدخلوا يعملوها
انا مقدم شكوى على الصفحه بتاعتهم وبطلوا يردوا عليه
هاستأذنكم كل واحد يدخل يرزعهم كلمتين يمكن يحسوا على دمهم
https://www.facebook.com/CastrolEgyp...8&notif_t=like

فيه جديد يا محمد بك من الشركة