السلام عليكم يا شباب

أنا كنت بدور من حوالى شهر على عربية مناسبة ليا وهاتش باك ، شوفت واحد عارض الجريت وول بيرى 2009 وكلمته ودفعت له مبلغ لحجز السيارة وعلى نهاية الأسبوع هنكمل اجراءات وهكمله بقية المبلغ:

أنا قلقت جدا من كام موضوع فى المنتدي بيتكلم عن الجريت وول ، فمش عارف أقرر دلوقتى .. أكمل ولا لأ .. وخاصة انى محوش كل فلوسى عشان اشترى عربية تليق بيا تقعد معايا 3 سنين .

المميزات اللى انا شوفتها فى العربية .. ما شاء الله العربية كسر زيرو .. مفيهاش الا خدشتين ورا والفوانيس الأمامية عايزة تصنفر .. فيما عدا ذلك مفيش اى حاجة .. مشيت 26الف كيلو.

العيوب بقى: اللى هيقعد ورى هيرتاح بالعافية .. الكلام اللى انتوا بتقولوه عن قطع الغيار .. سعرها اللى انا اتفقت عليه عالى 38الف أخره.

اللى انا دخلت المنتدي هنا علشانه : كام سؤال وأتمني انى الاقى اجابة عندكم:

الأول: سعر العربية 2013 أو 2014 جريت وول بيرى كام؟؟؟
الثانى: العربية دي موديل 2009 فيها عيوب مشهورة؟؟؟ ايه اللى بيبوز فيها بسرعة؟؟
الثالث: قطع الغيار غالية ولا فى متناول الايد؟ وهل فعلا مالهاش قطع غيار دلوقتى وهجيب كله من عربيات وموديلات تانية؟؟
الرابع: بتحطولها بنزين كام؟ وبتستهلك بنزين ولا عشان هي 1300 سم3 ما بتستهلكش؟
الخامس: أشترى العربية ولا ما أشتريهاش .. احنا فيها ولسه ع البر؟؟ بجد محتاج آراءكم.
السادس: ولو اشترتها فعلا متوقع انها تقعد معايا 3 سنين ان شاء الله لو حافظت عليها؟؟؟

أتمني ألاقى اجابات بسرعة على المشاركة المجعلصة أوى دي