انا حسيت قد ايه صوتها عالى بعد ما جبنا كيا ريو لمراتى
السلام عليكم ... حبيت انضم معاكم علي اساس انى بفكر جديا ف العربيه دى .. مش عارف بقى هبقى العضو التالى ولا ايه .. ده متوقف معايا على كام سؤال ياريت الناس المحترمه اللى هنا ترد عليه خاصه انى انضميت وحبيت اشارك لما لاقيت ان الناس اللى هنا بسم الله ماشاء عليهم خبره وصادقين
السؤال بقى...اولا انا بفكر ف spaceback هل قطع غيارها هتبقى هيا هيا قطع غيار السيدان؟
السؤال التانى/ الفئه التانيه انا شوفتها على ارض الواقع..لما فتحت الكابوت ملقتش عازل حراره ف الصاج..ولا غطاء للموتور..ممكن يكون ده سبب ان صوت الموتور يكون عالى حسب ماشوفت تعليقات الناس على الصوت العالى
السؤال الثالث/ انا شوفت الخليجى والوكيل .. لاقيت الخليجى التابلوه بتاعو احلى .. لو امكن حد يقولى ايه الفرق من حيث الصيانه بعد كده .. يعنى من الاخر هتفرق معايا ف ايه لو اشتريت خليجى .... غير الضمان !
معلش لسه شويه وادينا كلنا بنستفيد :_Alshmokh15[1]:
السؤال الرابع / انا متعملتش مع اى توكيل او مركز سكودا ... ياترى الناس اللى بتفهم ف اسكودا فين احسنهم اذا كان توكيل او مركز
معلش هانت اهى
السؤال الخامس / من حيث بقى الفنيات وقطع الغيار واعاده البيع والاستخدام والعمر وكل حاجه هى ولا استرا !!
اخيرآ/ انا بفكر اركب وانسى فهل اختيارى كده مناسب .. ياريت النصيحه .مع العلم انى بقالى سنه مستنى اشترى
اسف لو طولت عليكم ... اخوكم حسام
انا عايز اعرف انا معايا سكودا رابيد سبيس باك اليجانس لو جبتلها الكاسيت الشاشة اللي فيه كل حاجة المفروض اني ده اللي بينزل معاها بس الوكيل مش بينزلو فيها ينفع يركب ولا لا ومين اللي يركبو
موجود في التوكيل تمنه ٨٠٠٠ جنيه و هما بيركبوه ، بس مافيهوش gps ،
وفى ماركات تانيه زى سوني وبايونير و غيرها بس بتحتاج فريم عشان تاخد شكل الفراغ المخصص للكاسيت وبتحتاج قطع في الاسلاك وعمل وصلات جديده لان وصلاتها غير مصممه للسكودا و ده بيخلي العربيه تخرج من الضمان،
وكمان فيه انواع صيني تقليد الاصلي ولا تحتاج فريم لانها نفس شكل الاصلي بالظبط ، وكمان بتركب مباشرة بدون قطع اسلاك او عمل اي وصلات اضافيه لانها مصممه للسكودا و الفولكس و السيات وفيها gps كمان وبتخرجش العربية من الضمان و تمنها في حدود ٣٥٠٠ جنيه لكن بصراحة انا ماجربتهاش وماعرفش مدى جودتها ، وطبعا اللي بتشترى من عنده هو اللي بيركبهولك .
ارجوا اني اكون افدتك .
اهلا بيك يا استاذ حسام ، وطبعا تشرفنا بانضمامك ، و مبروك مقدما
انا حاحاول ارد على بعض اسئلتك قدر المستطاع :-
اولا :-) قطع الغيار الخاصة بالميكانيكا و العفشة ومعظم الصاج ومعظم الزجاج واحده ، ماعدا الاختلافات البسيطة في الشكل زي الفوانيس الخلفية و الزجاج الخلفي و الزجاج الجانبي الثابت (الهوايات) .
ثانيا:-) انا عندي عازل حراره في الصاج لكن مافيش غطاء للموتور وده في جميع السيارات اللي شوفتها حتى الان ، جايز يكونوا شالوا العازل الحراري في الدفعات الجديده ، لكن غطاء الموتور مش موجود غير في الموتور Tsi 1.4 فقط .
ثالثا:-) الفرق الوحيد هو الضمان فقط ، ويمكن بعض مراكز الصيانه الخاصة افضل من التوكيل ، وقطع الغيار الاصلية موجوده في كل مكان ، واللي مش موجود ممكن تجيبه من التوكيل .
باقي الاسئلة حاتركها لباقي الساده الزملاء الاكثر مني خبره ، وحاحاول اجيب معلومات اكتر قريبا انشاء الله .
هى الرابيد او الاسبيس باك مفيهاش aux ولا usb !!!