الموضوع: رابطة مالكى سـكــــــــودا ربـيـد و سـبـيــــــس بـــــــــاك

السلام عليكم
انا معايا رابيد اليجانس 2015
اول حاجة لاحظتها طبعا صوت المتور العاااااااالي جدا
في شوية عيوب بسيطة زي الكاسيت ومسند الايد الي فوق الهاند بريك علطول -.-
كمان لاحظت دواسة النزين بطيئة شوية يعني ما بتبدأش تحرق الا بضغطة قوية يعني 50% مثلا من الضغط
المفروض الفئة التالتة تنزل بجنط 16 وازاز فيميه وطارة جلد على الاقل ..
لكن فيما عدا ذلك العربية ممتازة
سؤالي هو
هل بنزين 95 فعلا بيدي اداء احسن عن 92؟
وايه احسن زبطة لضغط الهوا للعجلات؟

العربية مابتدورش
المارش سليم و البطارية سليمة
طلمبة البنزين شغالة ودايرة البنزين سالكه والبنزين واصل للرشاشات
الفيوزات سليمة وثابتة في مكانها والكهربا واصلة للرشاشات
بافتح كونتاكت وبادور بيدور الموتور جزء من الثانية وبيطل فورا
مهندس وفني من التوكيل كشفوا وراجعوا علي كل حاجه ماعدا الكشف بالكمبيوتر ولم يعرفوا السبب !
منتظر مهندس تاني ييجي يكشف بالكمبيوتر
هل حد واجه مشكلة زي دي؟

الصراحة ماسمعتش عن المشكلة ديه قبل كده
عامتا حضرتك ممكن تخش تقول المشكلة ديه علي صفحة الرابيد علي الفيس بوك

https://m.facebook.com/groups/318035948400317

و تشوف كل المشاكل اللي اتعرضت اكيد هتفيدك

عايز أشتري الرابيد سيدان 2015 لكني مش عارف الفرق ما بين فئتها
فياريت لو حد يقدر يفيدني فرق الاوبشنز مابين الفئات ايه لاني مش لاقي بورشور لها

المشاركة الأصلية كتبت بواسطة fox_ah1

عايز أشتري الرابيد سيدان 2015 لكني مش عارف الفرق ما بين فئتها
فياريت لو حد يقدر يفيدني فرق الاوبشنز مابين الفئات ايه لاني مش لاقي بورشور لها

ممكن حضرتك تقرا الموضوع ده كل المعلومات فيه صحيحة ما عدا ان الاليجانس مافيهاش درج تبريد فى التابلوه


http://www.nilemotors.net/Nile/443589-2014-2015-a.html

كنت عايز أعرف فين مكان فلتر التكييف في الرابيد 2015 علشان الواحد ينضفه بنفسه باستمرار من غير ما أروح التوكيل ويقولي نغير فلتر التكييف وفي الأخر يطلع عليه شويه تراب

المشاركة الأصلية كتبت بواسطة am3h80

كنت عايز أعرف فين مكان فلتر التكييف في الرابيد 2015 علشان الواحد ينضفه بنفسه باستمرار من غير ما أروح التوكيل ويقولي نغير فلتر التكييف وفي الأخر يطلع عليه شويه تراب

ايه يا جماعة محدش يعرف مكانه

التجربة الشخصية مع مرور العجمي ولأول مرة أتعامل لتجديد سنتين ترخيص السيارة لرفع حفظ الملكية (والحمد الله)

المستندات المطلوبة (لرفع حفظ الملكية)
خطاب مخالصة من البائع ومعتمد ومختوم بشعار الجمهورية من إدارة المرور.
صورة البطاقة + صورة الرخصة وقلم جاف أزرق

بسم الله الرحمن الرحيم

يتم التوجه الي وحدة تراخيص الملاكي وتدي العسكري الرخصة علشان يطلع الملف ويوزعه
الموظف حا يحدد الحاجات اللي عايزها وهي كالتالي: -
·رسوم التجديد 217.40 جنيه للسنة والواحدة
·شهادة مخالفات 10 جنيه
·دوسيه أصفر 13 جنيه
·نموذج 251 متضمن مع الدوسيه
·7 طابع شرطة (هما خدو 4 بس) 7 جنيه
·بوليصة تأمين إجباري 104.5 جنيه للسنة الواحدة
·صورة البطاقة
الإجراء للحصول علي شهادة المخالفات:
كتابة طلب على ورقة من عند مكتب التصوير فيها (الاسم + رقم البطاقة + رقم العربية) وتعتمده من الظابطعلشان الاستعلام الأمني.
تستلم ورقة الاستعلام الأمني من أمين الشرطة فيها نفس البيانات بالإضافة الي الرقم العربية القديم إذا كان ليها رقم قديم وتعتمده من الظابط تاني وتروح تختمه بختم النسر.
والأحسن وانت بتعمل الاستعلام الأمني تشتري الدوسيه الأصفر وطوابع الشرطة ونموذج 251 وتدفع رسوم التجديد حسب المدة اللي تحددها من الخزنة اللي في وحدة تراخيص الملاكي وتجيب نموذج من مكتب التصوير أسمه (إنشاء بيانات) وتحفظه في الملف وتروح لمكتب تأمينات اللي موجود في المرور علشان تجيب بوليصة تامين بالمدة اللي تجدد بها. (كل ده طبعاً كل لما يكون بدري يكون أفضل علشان تحضر كل المطلوب في يوم واحد)
انا جددت في شركة وثاق للتامين ودفعت 209 جنيه عن السنين واللي قريته ان التامين بيكون 108 عن السنة الواحدة وكده تبقي واقف على شهادة المخالفات بس
وتطلع على المديرية القديمة اللي في صلاح الدين
تصور الرخصة والبطاقة وتسلمهم في نيابة المرور مع ورقة الاستعلام الأمني السابقة وانتظر لغاية لما يندهوا علي أسمك إما في شباك عدم وجود مخالفات أو شباك وجود المخالفات.
üإذا كان على شباك عدم وجود المخالفات تدفع 10 جنيه وتنظر لغاية لما تعتمد من وكيل نيابة المرور
üإذا كان في مخالفات طبعاً أنا معرفشي بس الأكيد انه تدفع المخالفات.
وبعد كده ترجع لمرور العجمي تاني إما في نفس اليوم وهما عموماً شغالين لغاية الساعة 2 ظهراً وده لو لاحقت وده طبعاً مستحيل
عموماً لاحقت او ملاحقتش تاخد الدوسيه الأصفر اللي جمعت فيه كل الورق المطلوب وبالإضافة الي شهادة المخالفات وتقدمه للموظفة تاني حا تراجعه وتديلك بعد كده نموذج (انشاء بيانات) ومعاه صورة المخالصة وتسلمهم في مكتب الكمبيوتر علشان يطبعوا الرخصة
وتطلع بره وأستنا وأستريح لمدة تتراوح بين نص ساعة وساعة لغاية لما يندهوا علي أسمك وتكون محضر أصل البطاقة علشان تستلم بيها
وكده نقول ألف مبروك علي التجديد سنتين وتكون التكلفة الاجمالية 690 جنيه بدون أي رشوة.

عقبال إجراءات الفحص كمان سنتين من تاريخه بأذن الله

والله ولي التوفيق للجميع