مازدا 3 2015 احسن ولا الفلوانس 2015 المقارنة تبقي بين الهاي لاين في العربيتين وهل في حاجة تانية تتقارن معاهم ولا لأ انا محتار بس الصراحة انا مشدود للمازدا اكتر بس كله بيخوفني من موضوع الموتور والفتيس القديم وايه نظام قطع الغيار يا ريت تساعدوني .
عرض للطباعة
مازدا 3 2015 احسن ولا الفلوانس 2015 المقارنة تبقي بين الهاي لاين في العربيتين وهل في حاجة تانية تتقارن معاهم ولا لأ انا محتار بس الصراحة انا مشدود للمازدا اكتر بس كله بيخوفني من موضوع الموتور والفتيس القديم وايه نظام قطع الغيار يا ريت تساعدوني .
لو مكانك هبعد عن المازدا بسبب الماتور و الفتيس القديم وكمان بسبب قله انتشار العربيه
قدامك الفلونس و الكرولا و الامبريزا و الكروز و السيراتو وكلهم عربيات ممتازه فى الفئه دى
الموضوع مش محتاج مقارنه نهائى فلوانس الأول عن المازدا طبعا للأسف المازدا فزدا أبعد عنها نهائى
قطع غيار واعاده بيع يبقى كورى خصوصا لو هتصين بره الوكيل
ال 2008 حلوه بس اعاده بيع فى الضياع ومش منتشره و مش بإعتماديه الكرول و الامبريزا مثلا
انا لو مكانك و مش هيفرق بلنسبه ليك اعاده البيع يبقى امبريزا او xv لو عربيه عاليه
او ix 35 لو suv واعاده بيعها افضل كتير
افضل عربيه مقابل السعر هى الكروز نفس شاسيه وماتور و فتيس الاسترا الجديده و فيها Esp
الناس مش بتخوفك من موتور وفتيس قديم لأنهم بيبوظو
بس هدفع فلوس يبقى عالاقل اخد حاجه جديده وان كانت تكنولوجي
المازدا الجديده شفتها شكلها الخارجي وهمي بصراحه
لكن مابين الاتنين الفلوانس تكسب وكمان التوكيل اسمع انه محترم قوي
وفي الاخر انت اللي هتركب يعني اللي قلبك يرتاحلها
المازدا 3 لا تنافسها الا فورد فوكاس لو حضرتك مش متقبل فكرة الموتور النازلة بية يبقى توكل على الله فى الفورد فوكاس لان من وجهة نظرى اعلى وافضل عربيتين فى الفئة دة
ودة نبذة عن اسعار قطع غيار فوكاس 2014 :
http://nileup.com/up/uploads/nilemotors_14144087671.jpg
دة مشاركة ليا خاصة بموتور المازدا 3 - 2014
http://www.nilemotors.net/Nile/3875798199-post28.html
بعد موضوع فضيحة البنزين المضروب الي عندنا المفروض الواحد يبعد عن اي موتور جديد
وسيبك من التكنولوجيا الجديدة لان بلدنا مش بتاعة الكلام ده
واهم حاجة الموتور يبقى تمام ومفيش منه مشاكل
ما الكورولا والشارك مواتير من 2008 وما حدش قال تكنولوجيا قديمة
وفتيس الكورولا الخليجي والشارك اربع سرعات
شوف بقى المواتير الجديدة التربو ولا حتى الاسترا والشكاوى من البنزين