هو دة الطبيعى فى المستشفيات الحكومية ؟؟

**ramymechanics** · 27-10-2014 08:39 AM

خالى من أسبوع جاله مرض الحمرة فى رجله و اتنفخت وبقت تجيب مية وهو مريض بالسكر بس مهمل فى العلاج جدا ومش بياخد الانسولين

وديناه مستشفى الدمرداش لأنه ميقدرش على مصاريف العلاج الخاص للأسف و لأنه مش متزوج فمفيش مرافق قاعد معاه ... كل يوم نروح نلاقى الدوا عالكومدينو ومش بياخده ومحدش بيغير على الجرح و الدكتور قال احنا مش بنعمل حاجة المرافق هو اللى يديه الدوا و يغيرله عالجرح ولو ملقيتهلوش مرافق هنمشيه من المستشفى ... حاولنا ندى فلوس للمرضة عشان تهتم بيه قالت انا مسؤولة فى شيفت 8 ساعات عن 100 حالة لو كل واحد خد عشر دقايق مش هخلص و بردو معملتلوش حاجة .. و اضطرينا نخرجه و نوديه البيت

المصيبة بقا مش كل دة .... التحاليل اللى خدناها من الدمرداش رحنا بيها هى هى لدكتور تانى برة قال لنا نسبة البولينا مرتفعة جدا عنده ازاى هناك مقالولكوش الكلام دة ؟؟

انا بجد مصدوم و بدعى ربنا انى لو كتب عليا المرض فى يوم من الأيام انه يقبضنى من غير بهدلة لأن واضح ان اللى معهوش مصاريف العلاج الخاص (اللى هو أذل و أسوأ بردو و بيستغلوه تجارة) يبقى يرتاح الراحة الأبدية أحسن

**Hanan Ahmed** · 27-10-2014 10:12 AM

المشاركة الأصلية كتبت بواسطة ramymechanics

خالى من أسبوع جاله مرض الحمرة فى رجله و اتنفخت وبقت تجيب مية وهو مريض بالسكر بس مهمل فى العلاج جدا ومش بياخد الانسولين

وديناه مستشفى الدمرداش لأنه ميقدرش على مصاريف العلاج الخاص للأسف و لأنه مش متزوج فمفيش مرافق قاعد معاه ... كل يوم نروح نلاقى الدوا عالكومدينو ومش بياخده ومحدش بيغير على الجرح و الدكتور قال احنا مش بنعمل حاجة المرافق هو اللى يديه الدوا و يغيرله عالجرح ولو ملقيتهلوش مرافق هنمشيه من المستشفى ... حاولنا ندى فلوس للمرضة عشان تهتم بيه قالت انا مسؤولة فى شيفت 8 ساعات عن 100 حالة لو كل واحد خد عشر دقايق مش هخلص و بردو معملتلوش حاجة .. و اضطرينا نخرجه و نوديه البيت

المصيبة بقا مش كل دة .... التحاليل اللى خدناها من الدمرداش رحنا بيها هى هى لدكتور تانى برة قال لنا نسبة البولينا مرتفعة جدا عنده ازاى هناك مقالولكوش الكلام دة ؟؟

انا بجد مصدوم و بدعى ربنا انى لو كتب عليا المرض فى يوم من الأيام انه يقبضنى من غير بهدلة لأن واضح ان اللى معهوش مصاريف العلاج الخاص (اللى هو أذل و أسوأ بردو و بيستغلوه تجارة) يبقى يرتاح الراحة الأبدية أحسن

مصر هي دولة help yourself
وده في التعليم والصحة والكهرباء ( اشترى مولد وانفيرتر) واحمى نفسك من التحرش والسرقة والبلطجة .... في كل حاجة في حياتك كمصرى Help Yourself :)

**shiko85** · 27-10-2014 12:14 PM

للأسف ده اللى بيحصل طول الوقت
و الموضوع مش هيفرق اذا كنت قادر تدفع ولا لأ
فالحالتين كله غش و اهمال و استغلال
اتصل حضرتك بأى برنامج و اعرض الشكوى يمكن يكون فيه امل

**EngAhmedSayed** · 27-10-2014 12:34 PM

انتا
فى بلد مطلوب منك متعيياش
خلى بالك من الكلمة دى

**طارق _عبد السلام** · 27-10-2014 02:52 PM

فيه فى البلد دى نوعين من البشر .. بشر عايش.. وبشر كويس انه عايش..

اذمه ضمير واذمه اخلاق ..

بس ازاى المرافق هو اللى يغير على الجرح للمريض ؟! المطلوبه من كل مرافق على كده شهاده تمريض على الاقل... وشهاده تانيه من المريض انه بعد مايطلع من المستشفى يقول فيها حرمت اتعب تعانى... لاحول ولا قوه الا بالله العلى العظيم

**drcobra** · 27-10-2014 07:23 PM

ربنا يعفو عنة ويشفية

**Dr_Smart** · 27-10-2014 08:03 PM

ده جزء لا يتجزأ من حال مجتمع كامل بكل جوانبه

يعني المسألة مسألة ضمير ليس إلا .. ممكن تروح مستشفى خاص وتدفع مبالغ كبيره ومايكونش فيه ضمير

وممكن تروح مستشفى حكومي ويكون فيه ضمير وإخلاص في العمل لكن بيبقى فيه نقص امكانيات

ومش بناخد من وزير الصحة غير شو إعلامي فقط .. منظومة الصحة في مصر عايزة معجزة

مين فينا مثلا على سبيل المثال لا الحصر ماراحش التوكيل ودفع قد كده وخرج بعربيته عيوبها زي ماهي وممكن تؤدي لحوادث وارواح ناس برضو

عموما ربنا يشفيه ويعافيه وانصحك تحجزه في مستشفى تانيه عشان واضح من كلامك ان حالته محتاجه متابعه واهتمام لتلافي مضاعفات خطيره لا قدر الله

**Dr_Smart** · 27-10-2014 08:20 PM

نقطه برضو عايز اضيفها

الدمرداش دي مستشفى جامعي تابعه لوزارة التعليم العالي

والمفروض انها في اي حته في العالم تعتبر tertiary referral center

يعني لما الحاله تروح المستوصف او الوحده الصحيه وتكون محتاجه امكانيات اعلى تقوم تحول علي مستشفي عام حكومي ولو الامكانيات هناك لا تسمح ومحتاجه مستوى اعلى من الخبرات والامكانيات سواء للتشخيص او العلاج تقوم تحول على مستشفي الجامعه

لكن عندنا في مصر بزرميط .. مستشفي الجامعه بتستقبل اي حاجه .. نظرا لأن مستشفيات الصحه تعبانه مافيهاش استشاريين ذوو خبره وكفاءه ولا فيها امكانيات عاليه للتشخيص او العلاج ( في معظم المستشفيات ) وبالتالي الحالات معظمها بيحول للجامعه او المرضى بيروحو مباشرة من بره بره

والدمرداش مش بتستقبل حالات من القاهره فقط ولكن من مصر كلها

اديني عقلك !!

كل ده ازدحام واعداد مهوله من المرضى واستنزاف لقدرات المستشفى وطاقم العمل بها .. ضيف بقى على كده قلة الضمير من البعض وقلة النظام وقلة الامكانيات

لنا الله .. مرضى وأطباء

-

الموضوع: هو دة الطبيعى فى المستشفيات الحكومية ؟؟

LinkBack

أدوات الموضوع

عرض

-

-

-

-

-

المواضيع المتشابهه

ازاى اروح المستشفيات دى ؟ا

ايه هي كورسات ادارة المستشفيات ؟؟

استفسار بخصوص محاسبة المستشفيات !

قائمة بأسماء المستشفيات المعدة لأستقبال حالات h1n1

قائمة بأسماء المستشفيات المعدة لمواجهة وباء انفلونزا a h1n1

الكلمات الدلالية لهذا الموضوع

المفضلات

المفضلات

ضوابط المشاركة