العربية بتستهلك بنزين كتير اوي

**dr_abooody** · 28-10-2008 05:25 PM

معايا 128 موديل 85 1100 سي سي
العربية صوتها حلو و ناعمة جدا و بتسحب في المطالع كويس
الموتور عاملة 90 الف كيلو

دلوقتي بحط بنزين 80
و حسبت اد اية العربية بتستهلك بنزين
لقيت ان ال 23 ليتر بنزين بيعملوا 170 كيلو بالظبط

مع اني مغير طقم الكهربا كلة و عامل صيانة للكربراتير و نضفتة و سلكت مداخل الهوا كويس

بس في كام ملاحظة كدا
انا مركب جنوط عريضة 185 14
بسوق سواقة سريعة يعنة بحب ادوس بنزين جامد بس في المعقول
العربية بتكركر لما ادوس بنزين جامد بس سألت الميكانيكي قالي كدا طبيعي عشان دة بنزين 80

هل هذة العوامل ممكن تخلي العربية تسحب بنزين بالشكل دة مع العلم اني بركب العربية لوحدي دايما و مش بحمل فيها حاجة

يا ترى الاستهلاك دة كدا طبيعي و لا اية ؟
معلش طولت عليكم

**loay2008** · 28-10-2008 05:40 PM

بص يا ريس انا هقولك على حاجه فى الجون بس هيئثر على السحب والجرى غير البوجيهات خليها شمعه واحد بس وده هيقلل من البنزين جامد ومش هتكلف الاربع ب حاجه وستين جنيه

**dr_abooody** · 28-10-2008 08:16 PM

المشاركة الأصلية كتبت بواسطة loay2008

بص يا ريس انا هقولك على حاجه فى الجون بس هيئثر على السحب والجرى غير البوجيهات خليها شمعه واحد بس وده هيقلل من البنزين جامد ومش هتكلف الاربع ب حاجه وستين جنيه

الموضوع ان العربية بتاكل بنزين و دة مش طبيعي

و المفروض ان العربية بطبيعتها بالبيجوهات العادية ال 20 ليتر بيعملوا 240 كيلو

لكن انا مكملتش حتى 200 كيلو

**msobhy** · 29-10-2008 04:25 PM

باشا انا كان معاية 128 وكانت عندى نفس المشكلة ولازم حضرتك تراجع كذا حاجة
1- فيه ريحة بنزين فى الكبوت / يبقى فيه خرطوم مشقق وعايز يتغيير
2- فيه فلاتر بنزين اضافية موجودة بالعربية / لازم تتغير ومش تتنظف
3- البوجيهات لما بتفكها بيكون عليها سواد / يبقى لازم تظبط الكاربرتير
4- العربية فى السلانسية صوتها عالى / لازم توطى العربية
6- سحب العربية وحش / لازم تظبط الكاربرتير + كهربة العربية
وبعد الرغى ووجع الدماغ اللى صدعتك بيه ده المشكلة هاتكون فى الكاربرتير لأن تقريبا فى 2 بس فى القاهرة اللى بيعرفوا يظبطوا الكاربرتير صح واحد عند سور مجرى العيون ومش عارف اسمة والتانى تقريبا اسمة الحج ابراهيم حسن وده فى شبرا (اسف لأن المعلومات ديه من اكتر من 3 سنين)
عربيتى كانت بتعمل 140 كيلو فى الصفيحة وبعد ظبطها بقت 220 فى الصفيحة 1100 سىسى