هو فى الغالب همشى فى السكة دى وربنا يستر
عيبها انى هشترى وبعدين هدور على الاقامة بس مابيد حيلة
فقد فاز بالملذات كل مغامر (او ممكن ميفوزش عادى يعنى )
عرض للطباعة
المهاجر غير الشرعي في استراليا - على عكس امريكا - بيتسجن لحد ما يتبت في قضيته
بلاش هجرة غير شرعية لاستراليا لانهم ما بيهزروش
و السجون في جزيرتين في دول تانية عشان يبقى غير خاضع للقانون الاسترالي و لا جمعيات حقوق الانسان تعرف تقول بم
و بيطلعوا @#$@# أم الناس في السجن ده ....... ده الستات بيدوهم الفوط الصحية بالطابور و واحدة كل يوم يالعدد (قال ايه عشان ما يولعوش بيها حريقة)
قريت سابقا ان فى معاهدة مابين امريكا وبعض الدول (منها مصر و الاردن ودول خليجية) - بتسمح لرعايا تلك الدول بالحصول على الاقامة فى امريكا باستثمار مبلغ 100 الف دولار و الاقامة لمدة سنة تجدد سنويا الىحين الحصول على الاقامة الدائمة بس صراحة مركزتش فى التفاصيل
تعقيب صغير:
انا مش عارف بأى حق المهاجرين فى الدول اللى زى كندا وامريكا واستراليا يحطوا شروط تعجيزية للمهاجرين التانيين بدون الذكر ان دول اصلا مهاجرين زيهم زينا مش سكان اصليين (كلنا عارفين قصة ابادة الهنود الحمر)
انا بؤمن ان الاوروبيين جايز من حقهم يبقوا عنصريين فى بلادهم ويحطوا القوانين اللى هما عايزينها بس بتوع كندا واستراليا دول +++++++ انا لو روحت هناك ولو انى اشك وقابلت واحد عنصرى هديه بال+++ واقوله متنساش اصلك - الموقف ده حصلى فى احد المنتديات الخاصة بكندا وامريكا كنت اخدت شهادة وكنت بسال اذا كانت تنفع للشغل هناك او لا المهم واحد عنصرى داخل عليا يقولى متجيش كندا واحنا مش ناقصينكم وانتوا بتاخدوا وظايفنا الخ الخ - روحت انا مصدقت مسحت بيه الارض وقولت له الكلمتين اللى فوق دول وفى الاخر طلع ابوه من النمسا وامه من روسيا :) - انا بفكر الجأ لمحكمة العدل الدولية مطالبا بنصيبى من الاراضى الكندية و الاسترالية و النيوزلاندية و الامريكية :) - من الاخر حتة ارض فى كل دولة
حقا دوام الحال من المحال
سمعت ان هناك امريكان يحاولون التنازل عن جنسيتهم لعد رضائهم عن قانون جديد يسمح للدولة بان ترث نسبة من التركة..لا اعرف التفاصيل حاليا
اما بالنسبة لاوروبا و القيود التي تضعها للهجرة اليها...ستنتهي ...فلقد بدأوا في التناقص ......
اتفضل
Mandatory detention in Australia - Wikipedia, the free encyclopedia
كله ...... القانون بيقول كده ..... حتى لو كنت جوة البلد بفيزا قانونية و خلصت و قدمت لجوء ......
اللي رافع قضية لجوء او رفض لجوء بيرفعها من سجن الهجرة اللي في ناورو او اللي في بابا نيو جيني
https://www.immi.gov.au/media/fact-s...citizens.htm#e
لا ...... الامريكان اللي بتقول عليهم اللي عايشين برة امريكا و القانون الجديد بقى بيحاسبهم على دحلهم و هما مواطنين بس مش مقيمين ....... و بيبقى معاهم جنسيات تانية
اوروبا مين اللي بيتناقصوا ؟؟؟؟؟ الكلام ده مش صحيح و الهجرة مازالت مقفولة بالضبة و المفتاح لاعلب اجزاء اوروبا
علي فكرة
انا لما با قول عاوز اهاجر وكدة
ده مجرد تعبير عن غضبي وحزني ورفضي وقرفي من اللي بيحصل في مصر
لكن الواقع الفعلي
اني عمري ما ح اهاجر
ح افضل قاعدلهم زي الشوكة ف حلقهم
مش ح اسيبها لهم ابدا
ح افضل فيها وقاعد علي قلبهم
واللي يعرفني ف الواقع وعارف وزني ح يفهم اني ح افطس اشكالهم
و يوم ما هيتناقصوا ....... مش هيفتحوا الباب على مصراعيه
هيعملوا برامج هجرة انتقائية زي كندا و استراليا و نيوزيلاندا ....... عشان ياخد احسن الناس باحسن المؤهلات الخ الخ الخ
هيفتح الهجرة داخليا من شرق اوروبا من الدول العضوة في الاتحاد الاوروبي (هما من حقهم كده كده يعيشواى في غرب اوروبا ... هيديهم امتيازات عشان ييجوا و يستقروا)
هيدي امتيازات ضريبية و مالية للي يخلف اكتر
مش معنى التناقض الاوروبي ان هنلاقي الطيارات واقفة بتحمل في مطار القاهرة "نفر اوروبا .... نفر اوروبا" و اي حد عايز يروح هيروح
كالمعتاد بشكر كل اللى ردوا فى الموضوع ما عدا م/ أحمد كمال
بشمهندس احمد احب اقولك فعلا انك فاهم جدا جدا جدا لأقصى مدى فى موضوع الهجره لأستراليا
تشرفت امبارح انى اتكلمت مع م/ أحمد وبجد راجل فاهم كل كلمه هو بيقولها - كلامه منظم جدا وفعلا لأول مره احس انى بدأت احط رجلى على اول الطريق
طبعا اسمح لى انى هارخم عليك كل شويه بمكالمه
واسمح لى انى هاكتب ملخص الخطوات اللى هابدأها ان شاء الله علشان الكل يستفاد
بصراحه انا كنت مستغرب جدا لطلبك اننا نتكلم لايف احسن - لكن لما اتكلمت معاك فعلا الدنيا اختلفت وعرفت انه كان مستحيل انك تكتب كل الكلام اللى حضرتك قولته
بجد عاجز عن الشكر بشمهندس أحمد كمال :_Alshmokh22[1]:
على الطريق انى :7_6_5v[1]: من مصر (يا رب)
طيب ما تقولنا على ملخص المكالمه - او تديلنا نمره المهندس احمد :B4_556:
انا الناهرده خطر فى ذهنى خاطر
الاول اعرفكم على نفسى - انا مهندس برمجيات خبره 10 سنين و متزوج - نفسى اطفش على كندا بس للاسف عقبال ما الواحد حقق الضمان المادى كان النوك بتاعى اتقفل للسنه دى و حستنى للسنه الجديده و انا و حظى مع Express Entry
و انا امتحنت امتحان IELTS يوم 1 نوفمبر و لسه النتيجه ماطلتعتشى بس متوقع انى حجيب فى حدود 5.5 يعنى مش ححق الحد الادنى للفيدرال - ده غير انى اصلا كنت عاوز اجيب (18 نقطه فيها مش 16 زى الحد الادنى)
المهم افتكرت الناهرده ان كندا ليها برنامج هجره للحرفيين (بس بصراحه مش لاقى لنك لشروطه ) فإيه اللى يمنع ان الواحد يقدم فيه ؟؟؟ لإنى اذكر ان الحد الادنى للايليتس بتاعه كان 5
هل الواحد لو راح لكندا بالطريقه دى ممكن تؤثر سلبيا على مستقبله هناك ؟؟ او تمنعه من انه يشتغل كمهندس برمجيات هناك (مهنه مش ريجيولاتيد )
مش هتعرف تهاجر كحرفي من غير ما نثبت تدريب عملي معتمد + خبرة عملية في المجال
مش اي حد يقول لهم انا لحام و لا سباك ياخدوه