الموضوع: تنبيه من واحد خلاص بيفكر يسيب البلد دى علشان قرف بجد و جاب أخره من اللى بيشوفو

المشاركة الأصلية كتبت بواسطة محمد يوسف

فى الدول المحترمة بيبقى الضرر المعنوى أخطر كثيرا من الضرر المادى

ضرر معنوى ؟؟؟؟ ههههههههههههههه ضحكتنى الله يسامحك

هو ايه فالبلد دى مش ضرر معنوى ؟؟ اما تسمع الفاظ فالشارع انا كراجل عندى 30 سنة اتكسف اقولها دة مش ضرر معنوى ؟؟ اما بتروح مصلحة الموظف فيها بيقطع مرتبه من جلدك وبيتنطط عليك و تتحايل عليه وتبوس ايديه عشان ورقة معفنة ملهاش تلاتين لزمة دة مش ضرر معنوى يا مؤمن مرة فى مرور السلام الموظف فتح الخزنة نص ساعة متأخر اللى هى اساسا بتشتغل ساعتين بالعدد و اما الناس اللى مستنية قالتله ليه بياخد من جوة الشباك ومش بياخد من الطابور قالهم مش شغال وقفل الشباك والناس فضلت تحايل فيه و تترجاه يرجع يشتغل ؟؟ أما سواق ميكروباص ولا توكتوك يخبطك ويبقى عاوز منك فلوس تصليح دة مش ضرر معنوى ؟؟

بلد قذره ... الله يرحمنا

حمد الله على سلامه الموبايل
مصر بلا قانون

طعم المرارة يشتد

الحمدلله على سلامة زوجة حضرتك
للأسف دي تعليمات عليا. ربنا يزيح الغمّة دي و تخلص على خير

يا باشا هي الشرطه والدخليه كدا ......رايحه في داهيه ....الجميل بقي انها بتسيب الحرامي وتلبسها في البرئ
ححكي لحضرتك سريعا حكايه لسه حاصله معايا الاسبوع اللي فات.....انا كنت رايح حاجه زي تدريب كدا في موقع من مواقع الشغل عندنا المهم علشان اطلع الموقع دا لازم بيعمللي تصريح من الداخليه اني معنديش اى قضايه ولا مشاكل جنائيه.....المهم الشركه بتاعتي بعتت للداخليه علشان يستعلموا .....المهم ردوا عليه وقالوا ان انا عليا قضيه وحبس سنه وغرامه ....طيب فين يا عم في سوهاج.....سوهااااج انا عمري ما روحت هناك واخري الجيزه
من هنا لهنا....المهم عرفت اوصل لضابط من اللى بيبقوا واقفين في الاكمنه....ومعاهم الجهاز اللي بيكشف علي البطاقه.....اديته اسمى ورقم بطاقتى.....المفاجئه انه ملقاش حاجه لا الاسم ولا رقم البطاقه....يا عم دور تاني قالي مفييييييش......خليت الراجل المسئول عن موضوع التصاريح دا يبعت صورة البطاقه تاني....ولا اي حاجه وطلع التصريح
تقول ايه بقي في موقف زي دا ......انا قعدت علي اعصابي بتاع 4 ايام ....بيلبسوني تهمه من لاشئ......والحرميه سايبنهم يبلطجوا علي الناس