تنبيه من واحد خلاص بيفكر يسيب البلد دى علشان قرف بجد و جاب أخره من اللى بيشوفو
انا حبيت احذر لانى كنت فى موال يوم الخميس من الساعة 7 مساء الى 3 صباحا
المدام كانت ماشية و الموبيل اتسرق منها سامسونج جلاكسى ميجا
الحرامى لما جه سرق منها الموبيل صوتت فى الشارع و صرخت من الخضه
المهم كان فى شاب واقف فى الشارع بيسألها مالك و هى مش عارفه ترد عليه المهم قعد يهديها
قالتالو عاوزة اتصل بجوزى راح مطلع الموبيل و اتصل بيه و هى كلمتنى و منهارة طبعا ربنا ليوريكم الخضة اللى انا اتخضيتها مش فاهم منها حاجة قالتاله موبيل مين دة قالتالى شاب ماشى فى الشارع طب هاتى اكلمه فى الوقت دة كنت بجرى خارج الشغل علشان اكسب وقت المهم كلمته قالتالو سألته هى كويسة و سليمة قالى متقلقش هى كويسة مفيهاش حاجة هى بس من الخضة طب المكان فين قالى من عند الاشارة بتاعة نفق الملك الصالح ناحية جامع عمر بن العاص و حتة حيوية جداااااا
المهم قالى تعالى على مهلك و انا و كيل نيابة عسكرية ومتقلقش و مش هسيبها الا لما تيجى طيب انا فى السكة المهم روحت سلمت عليه و اطمنت عليها لقيتها الحمد لله كويس و لقيتو شاب محترم جدا لسة البلد فيها ناس جدعان المهم قال تعالى قالى فى واحد عارف بيت الحرامى ههههههه تعالى المهم دخلنا المنطقة المهم اللى عارف البيت قبلنا بشاب تانى ابن بلد قالو خير قالتالو مراتى اتسرق منها موبيل من نص ساعة لقيتو بيقولى يادى النيلة هو كل يوم كدة اية القرف دة فا وكيل النيابة بيقولو الموبيل هيجى و له مش هيجى قاله لا هيجى بس هو مين اللى سرق الواد اللى شافهم قاله (بنى و شنكل) قاله مش فسقية يعنى قاله لا بنى و شنكل طيب قعد يسال و يتصل بناس كتيرة و يسأل عليهم المهم راح البيت بتاعهم قابلنا امه سلام عليكم يا حاجة بنى فين قالتاله دة فى شرم الشيخ بيعمل اية فى شرم الشيخ بيشتغل هناك راح الشاب بتاع المنطقة اقالها اتصلى ببنى و قولولو هات التليفون اللى انتا سرقته من ساعة و الله يبنى دة مش هنا دة فى شرم الشيخ واحد من ضمن اللى واقفين قالها شرم الشيخ اية دة مسجل و عليه قضية هيسافر ازاى و الله يبنى ما اعرف
قالها طيب على القهوة ورجعنا اتصل بأبو شنكل دة فى المقطم قاله ابنك سرق تلفون يا يرجع التلفون يا 3500 جنية يجو روحت راديت عليه وهو بيتكلم فى التلفون يا هجيب رقبته و بلطجة ببلضجة فا ظاهر بيقولو مين دة قاله جوز صاحبت التلفون كان بقى صحابى تجار فى المنطقة جم بقى و كلمه واحد صحبى قاله مينفعش بنت خالتى تيجى و تتسرق هنا الراجل قاله خلاص يا التليفون يا 3500 جنيه هيجيلك بس ادينى وقت قالتالو هروح المدام و هرجع ووكيل النيابة اعتذر علشان واره موعيد و شكرته و قالى ابقى طمنى روحت ورجعت تانى لقيت اخت بنى جت خير ياجماعة راح راديت عليها صحبى قالها اخوكى سرق تلفون بنت خالتى قالتالو انتا من عائلة فلان قالها ايواااااا فا التليفون هيرجع و له مش هيرجع قالتالو لا هيرجع بشرط مش عاوزين حكومة و محاضر و الكلام دة قالها و انا اوعدك ادينى ساعة رجعت و معاها الموبيل و خدو منها و مشينا
الغريبة بقى
لما كانت المدام بتصوت و بتصرخ فى الشارع جت عربية دورية شرطة مالك راح ردت عليه و كيل النيابة العسكرى بيقولو موبيل اتسرق منها و احنا عارفين بيت الحرامى هنا قاله انتا عارف الاجراْءات يابشا تروح تعمل محضر فى القسم و بتقولى سابونا و مشيو على طول
الغريبة انى قبل اسبوع انا و المدام كنا شايفين الاتنين دول سرقو موبيل من واحد تحت النفق
هتقولى اشمعنا تحت النفق اللى ماشى فى النفق دة هيفهم تحت النفق بين الطرقيين فى عمدان
الواد بيجى بيقف بين العمدان و بيستخبى انتا تيجى جنب منه مبتشفهوش يلطش منك و يركب موتسيكل واره صحبه تيجى تفتح باب العربية علشان تجرى واره الباب يخبط فى العمود
انا الصراحة مش عارف اية لازمة الشرطة طيب انتا مدام مش عاوز تعمل حاجة طيب بتاخد مرتبك ليه من الضرايب اللى بتستقطع من مرتبى و بتركب عربية و بتحرق فى بنزين ليه على حساب الشعب مدام انتا مش هتعمل حاجة
دة الظباط بتوع الدخلية بقى عندهم كروش من كتر القعدة و الانتخها
و دى كانت وقعة ليا بردك مع الحكومة
علشان عارف الناس هتدخل تقول حرام عليك مبلغتش لية انتا كدة هتسيبهم يسرقو من الناس انا كنت ممكن اسلمهم فى القسم تسليم اهالى و هعرف اجيبهم بس اية اللى هيحصل هتبهدل فى الاقسام و عرض على النيابة و فى الاخر هيطلعو براءة
ايواااااااااااااااااااااا اااااااا هيطلعو براءة
لانى قبل كدة سلمنا حرامية سرقو منى شنطة و قفشناهم و سلمناهم للقسم و فى الاخر خدو افراج و انا دوخت علشان اجيب شنطتى سلام يا حكومة اقرا الموضوع ده و انتا هتفهم http://www.nilemotors.net/Nile/302558-a.html
و من ساعت الموضوع دة حلفت انى مليش علاقة بالحكومة
ربنا يهدى
و كل واحد يخلى باله من النفق دة ياجماعة
ربنا يستر
تنبيه من واحد خلاص بيفكر يسيب البلد دى علشان قرف بجد و جاب اخره
