عايزه نصيحتكوا
ايهما افضل الأفيو ولا التيجو . أوتو مستعمل . ليا كبنت
والتيجو تكون فى رينج كام
عرض للطباعة
عايزه نصيحتكوا
ايهما افضل الأفيو ولا التيجو . أوتو مستعمل . ليا كبنت
والتيجو تكون فى رينج كام
صعب المقارنه لان الـ 2 من فئات مختلفه
حضرتك حددى طبيعه و ظروف الأستخدام - المتطلبات من العربيه و بعد كده الأختيار هيكون سهل ان شاء الله
انا عايزه عربيه تخدمنى ومتبهدلنيش وكل احتياجى منها اروح بيها شغلى اللى بيختلف مكانه احيانا كتير بس فالنهايه هو جوه المدينه وخروجات برده جوه المدينه وتكون موفره فالبنزين وقطع غيارها ومتوقفنيش عند الميكانيكيه واصلا هبتدى فى تعليم السواقه فيها وتكون فى رينج السعر بتاعى ويكون صالونها معقول مش صغير وثااااابته ويكون موديلها حديث .. ولو انى خايفه من الصينى وكذا حد حذرنى . منه.. بس الفكره انى بقالى مده بدور ومحتاسه ومتقيده برينج المبلغ و محتاجاها ضرورى فى اسرع وقت
يبقى افيو
لو كان اﻻختيار لرجل كنت رشحت لحضرتك التيجو
التيجو تفصل 3 عربيات من اﻻفيو
لكن اﻻفيو او الفيرنا افضل لحالتك
بالتوفيق
بس لو المبلغ زاد شوية صغيرين كمان فكرى و شورى الناس فى الماتركس , هى افضل من الاتنين دول وتمشى بناتى اكتر
بس التيجو مش اقل من 80 الف علشان تلاقي حاجه نضيفه
ومانيوال الافضل مش اوتو
تابلوه الجين فقير ماشى بس مقبول نوعا ما و بعد تركيب dvd الشكل بيختلف خالص
و البيكانتو صغيره بس الحجم ده جميل و حلو جدا فالمدينه
نفس الكلام الـ i10 بس مشكلتها ان قطع الغيار مش متوفره خارج التوكيل بس هى عربيه جميله بجد و سواقتها ممتعه جدا جدا و لما بسوقها مش بحس انها صغيره خالص و وضعيه القياده ممتازه و افضل
عموما ان شاء الله نمشى خطوه خطوه و نقارن و نشوف ايه الأفضل
كل العربيات المستعمله سعرها زاد بشكل ملحوظ و اوقات كتير بشكل مبالغ فيه
الماتريكس كان سعرها من فتره قريبه معقول لكن فجأه زاد
شراء عربيه مستعمله حاليا بقى حاجه صعبه جدا جدا و اسعار مبالغ فيها جدا و نصب و غش كتير
لو البيكانتو واردة فى الاختيارات , فهى أفضل من الأفيو طبعا بكتيير
[/color][/size]عموما ان شاء الله نمشى خطوه خطوه و نقارن و نشوف ايه الأفضل
يامسهل
كل العربيات المستعمله سعرها زاد بشكل ملحوظ و اوقات كتير بشكل مبالغ فيه
الماتريكس كان سعرها من فتره قريبه معقول لكن فجأه زاد
شراء عربيه مستعمله حاليا بقى حاجه صعبه جدا جدا و اسعار مبالغ فيها جدا و نصب و غش كتير[/quote]
اتفق معاك 100 بال 100
طيب اول حاجه فكرت فيها البيجو ... قالولى اياكى عشان قطع غيارها نار ومش موجوده اصلا
تانى حاجه فكرت فيها الفورد فوكاس ... قالولى ﻷ عشان بردو قطع غيارها مش شغاله .. وللأسف اسعار العربيه نفسها مستعمل عاليه اوى
قولت طيب الجراند بونتو ... قالولى اياكى فيها مشاكل وقطع غيارها ناقصه
قولت طيب ابيزا 2006 .. قالولى مفيش منها أوتوماتيك اصلا ولو فى بيبقى متغيرلها فتيس وموتور ونادره اصلا
قولت طيب بريليانس ... قالولى ايااااكى تقربى ﻷى حاجه صينى اصلا
قولت طيب الميجان ... قالولى اوعى مشاكلها كتير وتقيله وبتاكل عفشه كتير و قطع غيارها عاليه اوووى
والبيكانتو شكلها مش حباه والجين تو مش مريحنى التابلوه بتاعها وال i10 مش هتنفعنى ﻷنها صغيره موت وصالونها صغير أوى واللوجان شكلها الخارجى بالنسبالى فقير وقديم جدا
وباقى العربيات المحترمه اللى خرجت من اختياراتى بسبب اسعارها التى لا تقل عن 85 ( مازدا - سوبارو - ياريس - سانديرو ستيب واى - سيراتو )
متبقاش قدامى غير أفيو :( اللى فيها حاجه من كل حاجه بنسبه متوسطه ( شكل خارجى مش بطال وتابلوه شغال وحجم البودى جيد جدا متوسط لا كبير ولا صغير وعاليه عن المطبات ) اللى بردو بلاقى منها بالعافيه فحدود المبلغ المتاح
والنيو اكسنت بردو كانت فى الليسته وخرجت بسبب اسعارها
ايه رأيك فى اللوجان ..
:girlsthink:
انا متفق معاهم (بيجو - فوكاس - جراند بونتو - ابيزا- بريليانس - الميجان)
كل عربيه فيها مميزات و عيوب طبعا و الأعضاء الأفاضل قالوا رأيهم (سواء ملاك العربيات او رأى السوق فالعربيات المذكوره) و هم بيقولوا النصحيه بأمانه و جزاهم الله خير
الـ i10 مش صغيره خالص
انا عندى النترا و لما بسوق الـ i10 مش بحس انها صغيره بالعكس حجمها معقول جدا و سواقتها افضل من الألنترا (وضعيه قياده افضل) و موفره فالبنزين (عيبها ان قطع الغيار مش منتشره خارج التوكيل)
افيو و نيو اكسنت اللى مش متوفرين فالسعر ده غير عربيات محدوده
بس سؤال, مش عاجبك شكل بيكانتو ليه ؟؟؟؟!!!!
الجين 2 التابلوه فقط اللى مش عاجبك ؟؟
طيب لو هنقارن بين البيكانتو و الجين 2 و الـ i10 مع بهدله المواصلات مين احسن ؟؟!!
انا لو مكانك اجيب جين 2 , تقريبا الوحيدة اللى اسعرها مفرقتش عن زمان + وسائل امان مش موجودة لافمتركس ولا بيكانتو ولا اكسنت
أنا رأيي تضمى ال بي واي دي f3 للقائمة لأنها عربية عملية جدا وحمارة شغل وقطع غيارها متوفر وفيها وسائل أمان وصالونها واسع وكفاية أنها شغالة تاكسي من عدة سنوات
بالنسبه للبيكانتو وال i10 مش حباهم ليه عشان البدى بتاعهم الخارجى صغير زياده عن اللزوم وانا مبحبش العربيات اللى بتمشى تدحرج فالشارع :D
الجين تو اه التابلوه خانقنى اوى
بالنسبه للمقارنه i10 خارج حسباتى تماما والاتنين التانيين لو هبص داخليا تبقى البيكانتو ولو هبص خارجيا تبقى الجين تو والمشكله انى مش قادره اتغاضى عن حاجه منهم بره او جوه :(
هههههههه اقصد يعنى مبحسش ان فى فرق بين وشها من ضهرها
عامة مش ازمه بس زى ما قولتلك سيباها ﻷخر ما اغلب مع انى زهقت
بالنسبه لعوامل الأختيار للأسف المبلغ المتاح مش قادر يوفرلى عوامل تانيه كنت محتاجاها ومالا يأخذ كله لا يترك كله
بس ملحوظه فى حد من شويه قالى على فولكس كروس فوكس ايه رأيك فيها ؟؟
انا شوفت صورتها وافتكرتها شكلا حلوه وعاليه عن الارض وحجمها مناسب بس معرفش حاجه عن قطع الغيار والثبات والاداء ولو فيها مشاكل ؟
انا عاوز اقول لحضرتك حاجه واختصر عليكي الطريق علشان متابع مواضيعك من زمان وشايفك محتاره
بالطريقه دى والله عمرك ما هتشترى عربيه
مفيش عربيه فى العالم مفيهاش عيوب
شوفى ايه العربيه اللى ممكن تضحى بالعيب بتاعها وتوكلى على الله فيها
انا اعرف واحد بقاله اكتر من 10 سنين عاوز يشترى عربيه ولسه مشتراش وماشى تقريبا بنفس طريقتك
وكل ما يشوفنى يقولى ايه رايك فى دى يا محمد طب دى يا محمد طب دى يا محمد وسعرها بقى بكام يا محمد وانا اقوله حلوه وخلاص علشان يشترى بس والله فى حياته مهو شارى
انا داخل انام دلوقتى علشان هاصحى الصبح بدرى وعاوز ارجع بكره بعد الظهر الاقيكى اختارتى عربيه .. انتى سامعه ..
مستر شيكو المفروض الاختيار يكون ازاى ؟
وبالنسبه انى مش عايزه اضحى
لو حضرتك كنت خدت بالك من كومنتى اللى قبل الاخير ان قلت المبلغ المتاح هيخلينى اضحى بحاجات كنت عايزاها