برجاء تسعير سيارتى لانى بفكر ابيعها

**gaafar13** · 28-10-2008 05:43 PM

برجاء تسعير سيارتى لانى بفكر ابيعها واجيب جديد بس مش عارف اتكلم فى كام

هيا هوندا سيفك 92 متسقطلها موتور sir 1600 cc 175 hp

هيا اصلا ex فيها كل الكماليات ماعدا فتحت السقف

وفيها جنط 17 نيكل كروم

و لامبو دور ( مفصلات بيبان )
وزنون و فوانيس كرستال ورا وقدام وفرش كامل من جوه ابيض

ودهان جلاتسرو (انا جايبو ب 3000 جنيه )

يعنى العربيه وقفه عليا ب 100 الف بس مش عارف ابيع بكام او سوق المتعدل بكام

**KoDaK_Gti** · 28-10-2008 10:18 PM

ربنا يحسنلك بيعها
انا فى رأيى مش هتعدى 65 الف لأن موديل 92 بيعمل 45 الف فى السوق لو سليمة جدا وفابريقة داوخل
مع شوية التعديلات والمصاريف ممكن تعمل من 15 ل 20 الف زيادة

**waled369** · 28-10-2008 10:33 PM

فعلا يا ريس زي ما حسام قال لك كده بالظبط .
بس ليه بتفكر تبيعها و انته عامل فيها الشغل ده أنا فاكرك اعتقد انك أحمد ( أو محمد مش فاكر بالظبط ) بتاع الاسماعيلية و عربيتك لونها أحمر و انته نشرت صورها .
بجد خسارة تبيعها بعد الشغل الجامد اللي فيها .
عموما ربنا يوفقك و يحسن لك بيعها و يبارك لك فيها .

**kaboo4** · 30-10-2008 11:55 AM

نصيحة بلاش تبعها
لان السايرة فعلا سعرها ميتجوزش 45000 فى الحالة الجيدة جدا
موضوع الباب دة حيزودلك تمنها 2000 ولا حاجة تكلفتة اصلا ب3000 فى بورسعيد و الزينون و الفوانيس مش حيزودوا اكتر من 2000 و حط عليهم تعديل الجنوط و المتور قول كمان 5000 متنساش انها اصلا كدةكدة بمتور و عجل يعنى محدش حيفكر انه يزود اكتر من كدة و بالنسبة لموضوع الدهان دى حاجة بتعتك انت لو عملت ايه محدش حيحسبك عليها و الى بيشترى عربيه بيعتبر ان عدة الصوت هديه يعنى من الاخر 57000 قول 60000 لو حد دخلة دماغة اوى خلى بالك الى بيشترى العربية دى لحد دلوقتى بيدور انه يعدلها على مزاجة مش يخدها متعدلة و بعدين العربية دى بزات الى بيخدها بيدور انوا يشتريها من واحدة ست استيراد لكن يخدها من شاب دة مستحيل نصيحة متبعش احسن لو مريحاك و بعدين التكلفة الى انت متكلفها دى محدش حيعوضك عليها لسبب واحد 100000 الى بتقول عليها تجيب نيسان صنى زيرو و تجيب جين تو اوتوماتيك فول باكدج و سبورت 2009 و تجيب بلاوى و ارخص كمان من 100000 و زيرو يا معلم و ال 70 تجيب بى ام موديل 93 318

**wallid5shafey** · 30-10-2008 05:36 PM

ربنا يحسن بيعها بس أنا متفق تماما مع كلام الأستاذ كابو وأسأل مجرب أكيد ممكن تكونوا فاكرين موضوع عربيتي ال 205 أنا أشتريتها ب 45 و صرفت عليها 40 وفي الأخر بعتها ب 49 ألي هيجي يشتري عربيتك هتكون عجباه جدا لكن هتسمع الجمل دي دي عربية متسقطلها _ شيل الجنط وعدة الصوت _ دي موديل قديم _ وكلام من هذا القبيل هيحرق دمك في النهاية أنصحك شوف حد من أصحابك ألي عارفين العربية كويس أو خليها متبيعهاش خساره وأوعي ت

**wallid5shafey** · 30-10-2008 05:38 PM

وأوعي تنزل بيها السوق لأنك هتكره نفسك و هتكره العربية وأسف لو طولت

**gaafar13** · 30-10-2008 07:26 PM

المشاركة الأصلية كتبت بواسطة kaboo4

نصيحة بلاش تبعها
لان السايرة فعلا سعرها ميتجوزش 45000 فى الحالة الجيدة جدا
موضوع الباب دة حيزودلك تمنها 2000 ولا حاجة تكلفتة اصلا ب3000 فى بورسعيد و الزينون و الفوانيس مش حيزودوا اكتر من 2000 و حط عليهم تعديل الجنوط و المتور قول كمان 5000 متنساش انها اصلا كدةكدة بمتور و عجل يعنى محدش حيفكر انه يزود اكتر من كدة و بالنسبة لموضوع الدهان دى حاجة بتعتك انت لو عملت ايه محدش حيحسبك عليها و الى بيشترى عربيه بيعتبر ان عدة الصوت هديه يعنى من الاخر 57000 قول 60000 لو حد دخلة دماغة اوى خلى بالك الى بيشترى العربية دى لحد دلوقتى بيدور انه يعدلها على مزاجة مش يخدها متعدلة و بعدين العربية دى بزات الى بيخدها بيدور انوا يشتريها من واحدة ست استيراد لكن يخدها من شاب دة مستحيل نصيحة متبعش احسن لو مريحاك و بعدين التكلفة الى انت متكلفها دى محدش حيعوضك عليها لسبب واحد 100000 الى بتقول عليها تجيب نيسان صنى زيرو و تجيب جين تو اوتوماتيك فول باكدج و سبورت 2009 و تجيب بلاوى و ارخص كمان من 100000 و زيرو يا معلم و ال 70 تجيب بى ام موديل 93 318

فهمنتى ازاى اقول الموتور ب 5 بس يعنى الموتور sir ب 5 بس ولا ايه

**kaboo4** · 02-11-2008 02:42 AM

لا يا باشا انت فهمنى غلط انا اصدى لما حتيجى تبيع و يجى حد يشترى كل ما حتقلوا انا عامل حاجة مش حيقيمهالك بقيمتها الحقيقيه و بعدين لما تسقط متور مش زى لما تجى العربيه بالمتور دة و حاجة كمان انا اقصد فى كلامى الى حيشترى لو حط فى دماغوا موضوع المتور مش حيزود اكتر من 5 تلاف على تمن العربيه اسألنى فى الموضوع دة اخر العربيه المتظبطة فى مصر انها تجيب احسن من تمن عربيه من نفس الموديل بسنضيفة ب10000 انا علشان محبطحش مزود اكتر من 14000