عرض للطباعة
فى منصور المهندس ركب عربيتى يجربها اول مطلع بيها ووصل 140 لقا العربيه بتترج فقالى عربيتك عايزه ظبط زوايا و كاوتش جديد لان الى فيها تعب و عايزه (ترصيص) يعنى ايه باه ترصيص ؟؟؟؟؟؟ مش المهندس اول واحد يقولى كده كذا واحد قالى الموضوع ده انا رصصت قبل كده وانا بغير الكاوتش و بجنط بس مرضيتش اسال الراجل عشان ميحسش انى مش فاهم حاجه
يا ريت حد يتكرم و يفهمنى الترصيص ده اسف على الرخاااااااامه الى انا فيها و الاطاله
شفت قطع الرصاص الصغيرة اللي بتركب على الجنوط دي اللي بتظبط العجلة لأن لو قطع الرصاص دي مش موجود تلاقي العربية بترج بيك و كل ما زدت السرعة تحس بالرجرجة أكتر .اقتباس:
المشاركة الأصلية كتبت بواسطة wheals
آهي تركيب قطع الرصاص دي اسمها ترصيص
الترصيص دة بيركبوا رصاصات عبارة عن قطع رصاص بتركب فى الجنط
بيبقى فيه vibration فى الكاوتش عند سرعات معينة نتيجة ان الثقل فى الكاوتش مش متساوى فى كل الفردة وبيزودوا المكان الأخف برصاصة اى معدن الرصاص
الف شكر يا جماعه على المعلومات الجميله دى كده باه هسال الراجل الى بيرصص وانا مطمن
كتلة المادة اللى مصنوع منها الكاوتش مبتبقاش متساوية على محيط الفردة وبالتالى مع الدوران بسرعات عالية بتعمل عدم اتزان unbalance فى العجلة اللى بيظهر عندك على شكل رجرجة فى العربية
فا بتحط العجلة على جهاز الترصيص لتحديد اماكن عدم الاتزان ويتم معادلتها بوضع قطع رصاص امام الجزء اللى فية كتلة زيادة وطبعا على حسب مقدار الزيادة يعنى وزن القطع مش ثابت
خلى بالك لو انت مجنطاقتباس:
المشاركة الأصلية كتبت بواسطة wheals
لازم تعمل رينجات
علشان الكاوتش يبقى مظبوط
وبعدين الرجة دى ممكن يكون الوصلة المفصلية الى بين الطارة و الاسكترة
اه فعلا منا عملت رينجات للعربيه لان مكانش عنده مقاسها و هو الوصله الى حضرتك بتقول عليها دى هى البيض و لا اسمها ايه لان فى واحد قالى انها ممكن تكون من حاجه زى الى حضرتك بتقولها دى
الصليبةاقتباس:
المشاركة الأصلية كتبت بواسطة wheals
البيض فى منة نوعين بيض مقص وبيبقى فى طرف المقص ناحية العجلة
وبيض دريكسيون او بيض طرف وبيبقى فى طرف علبة الدريكسيون عند العجلة
انا مش عارف اشكركو ازاى على كم المعلومات الى حضاراتكو اديتهولى .
فعلا رجاله المنتدى
أفضل شيء في موضوع التجنيط ده هو تركيب نفس المقاس عشان الصرة تركب مظبوط وكمان عشان ميكونش حمل زايد على الموتور وأجزاء نقل الحركة
على فكرة لو الكاوتش قديم ، أنصحك تغير طقم الكةوتش حيظب العربية بشكل رائع
انا فعلا ناوى لو مش هبيع العربيه هجيب كاوتش و زينزن و فوانيس رينجات و هرش الجنط عشان متخربش كتييييييييييير
اسف اسمه زينون كان فى واحد صاحبى بيقول عليه زينزن كنت بعد اتريق عليه للصبح
بقيت زيه اهه