الموضوع: تقرير عن مازدا 3 2015 بعد اول 500 كيلو

الحمد لله استنلمت العربية يوم 16 هنا في الكويت والانطباع الاول اني فعلا احسنت الاختيار بعد حيرة ما بين الفلوانس والكورولا والسنترا العربية كجودة وخامات حاجة فعلا محترمة جدا جدا والشكل الخارجي فعلا مميز وملفت واحد شافها قالي دي واخدة من شكل الشارك الامامي علي احلى وواخدة من شكل الكيا والهيونداي من ورا بصراحة الشكل الخارجي تحفة ومتناسق
نيجي بقى للاداء ولو اني عارف انه لسة مش هيبان دلوقتي انا عملت 500 كيلو العربية نقدر نقول طلعتها لحد 30 تقيلة بس مع اعتبار اني مش بضغط على الدواسة عشان التليين وكمان ممكن احساسي بدواسة البنزين اللي في الارضية غريب شوية هاخد فترة على متعود على مكانها لاكن بصراحة بعد الاربعين سحب العربية لحد 100 او 110 مزودتش لسة عن كدة اكتر من ممتاز ومافيش صوت للمتور نهائي لحد 100 ودي السرعة الحالية ليا لاكن اعتقد هايكون مسموع بعد 120 لاكن دا الطبيعي لمواتير 1600 سي سي مع فتيس اربع غيار اما العزل الخارجي فوق الممتاز بس بردو لحد 100كم معلش كلها 500 كمان ونفتح السرعة والتكييف شغلته مرتين بس وبختصار تلاجة العربية الباور بتاعها فعلا دلع الدلع لايضاهيه الا لما جربت الفلوانس قبلها والنظام الصوتي هنا بدون شاشة لل1600 سي سي بس الصوت جميل فيها سبع سماعات تلاتة في التابلوه الامامي واربعة بالابواب روحت فصلت فرش داخلى لونين نفس الوكالة بس عملت خلفية الكراسي والابواب جلد ومن قدام خام عادي عشان الحرارة هنا نار بالنسبة لاستهلاك البنزين متوسط 8.5 لتر واعتقد هايقل وبيوصل 5.5 مع تشغيل مثبت السرعة على 90 الحمد لله راضي جدا عنها اللون اللي اختارته هو تيتينيوم فلاش ميكا قريب من الموكا بس اغمق شوية وبصراحة بيترب بسرعة هو شيك بس الفواتح احسن عشان التراب والاحمر بقى دا حكاية على جنب لوحده واي استفسار تحت امركم ودعواتكم
التقيم
خامات داخلية 10/10
شكل خارجي ازواق لاكن في اجماع على انه تحفة ومميز
الباور 10/10
صوت الموتور لسرعة 110 10/10
استهلاك البنزين حاليا كويس جدا ولسة هايقل بعد اول 5 الا الاف
الفتيس متعود علي الاربعة غيار فيعتبر طبيعي لاكن فيه تبترونك خمس نقلات بس مجربتوش
العزل الخارجي 10/10
العفشة اقيمها 8/10 في احساس بالمطباط بس يمكن عشان مالتي لينك وانا متعود على التورشين
وفي النهاية العربية ممتازة بس بقول انن سعرها عالي شوية في مصر وبصراحة بستغرب لما حد يوقول بلاش مازدا او شارك وهات سيراتو والا هيونداي انا مش شايف اي وجه مقارنة وارجو محدش يزعل والفلوانس كانت اختياري الاول بس التكييف طلع مقلب كانها مافيهاش تكييف هنا ودا طبعا اهم من الموتور في الخليج فصرفت نظر نها واستقريت على المازدا الحمد لله واي استفسار تحت امركم