عاوز اجيب لبس كويس منين :(

**MRBEBO** · 27-10-2014 08:27 PM

انا محتاج اجيب لبس كويس وشيك

سعره يكون متوسط وستايل برضوا

المشكله يا جماعه انا مش عارف اروح فين

انا كنت علطول بجيب من احمد نبيل او التوحيد و النور

وساعات من وكيكي

على فكرة الاماكن دي مش علشان بسترخص لا لاني مش عارف اروح فين

بس كل الهدوم اللي جبتها مش عجباني

استيل قديم او حتى وكيكي ماتريال تعبان او تلاقي الاستاف مش قادر يساعدك في اختيار حاجه لايقه عليك

ممكن اقتراحتكم لحاجه محترمه ومعقوله وشبابيه

ممكن في مصر الجديده الزيتون عمارات العبور كده او اي مكان تاني

**Ahmed_selmy** · 27-10-2014 08:46 PM

في عندك محل اسمه داندى في المعقول خالص....موجود فرع في ميدان سفير ( تقف تدى ضهرك للتوحيد والنور بتاع سفير وتعدى الناحيه المقابله حتلاقيه هناك )و في فبردوا فرع في السراج مول
لو عايز حاجه اعلي شويه في عندك ال outlet اللي عند كارفور العادى بيطل علي الدائري علطول....بس خلي بالك دا اسعاره عاليه شويه....يعنى التي شيرت المعقول بتتكلم في 250 جنيه وفي اعلا من كدا بكتير
وفي عندك السراج مول وجنينه فيهم محلات كتير في المعقول

**MRBEBO** · 27-10-2014 09:03 PM

طب داندي ده عنده حاجات كويسه دلوقتي ؟؟ اصل المكان ده قريب مني قوي

**ainshouka** · 27-10-2014 09:20 PM

فى كايرو فيستيفال اكبر تجميعه للمحلات زى ماركس ودبنهام
بس وقت التخفيضات بتبقى ساعات فيه حاجات لقط وسعرها كويس

**Anaslbda** · 27-10-2014 09:43 PM

بيرشكا وبول آند بير وزارا - سيتي ستارز

محلّات غالية بس لبس كواليتي ونضيف, استراتيجية الشراء كالتالي: تشتري شتوي او صيفي في آخر الموسم بتاع التشكيلة (قبل شهور الصيف على طول او قبل شهور الشتا) بيبقى في ديسكاونت وعروض خيالية, جاكيت مثلاً كان ب 380 تلاقية ب 120 ( بدون مبالغة والله) وتركنه للشتا اللي بعديه d: وهلم جرا.

نزّل الأبلكيشن بتاع المحلات دي ع الآيفون او الأندرويد وتابع الأسعار أوّل بأول.

**MRBEBO** · 27-10-2014 10:32 PM

لسه داخل سايت زارا متوسط اسعار القمصان 500 _ 400 كده أوفر !

**javierzanetti** · 27-10-2014 11:34 PM

عمارات العبور صلاح سالم مليانة ( مثلا shock ) و برضه الميرغنى كويس

**أبو آسر** · 28-10-2014 01:16 AM

انزل روكسي يا باشا شارع ابراهيم اللقاني في محلات كويسة هناك بجيب منها علطول أسعارها في المعقول ممكن البنطلون يبدأ من 150 : 200 جنيه والتيشرتات برده في رينج 150 أنا غالبا بجيب من محل اسمه Golden Man House وفي محل تاني بس ناسي اسمه بس الخلاصة هتلاقي محلات كتير وفيها تشكيلات معقولة ومش أوفر أوي في الأسعار
لكن لو عايز حاجة ماركة وغالية عليك وعلى سيتي ستارز وكايرو فيستيفال مول زي ما الشباب قالوا

**أبو آسر** · 28-10-2014 01:20 AM

المشاركة الأصلية كتبت بواسطة anaslbda

بيرشكا وبول آند بير وزارا - سيتي ستارز

محلّات غالية بس لبس كواليتي ونضيف, استراتيجية الشراء كالتالي: تشتري شتوي او صيفي في آخر الموسم بتاع التشكيلة (قبل شهور الصيف على طول او قبل شهور الشتا) بيبقى في ديسكاونت وعروض خيالية, جاكيت مثلاً كان ب 380 تلاقية ب 120 ( بدون مبالغة والله) وتركنه للشتا اللي بعديه d: وهلم جرا.

نزّل الأبلكيشن بتاع المحلات دي ع الآيفون او الأندرويد وتابع الأسعار أوّل بأول.

ممكن أسماء التطبيقات دي بالضبط ويا سلام لو لينكات يبقى كتر ألف خيرك

الموضوع: عاوز اجيب لبس كويس منين :(

LinkBack

أدوات الموضوع

عرض

-

-

-

-

المواضيع المتشابهه

محتاج اشترى غطاء للموتسيكل بس مش عارف منين اجيب واحد كويس

منين اجيب بارت سقف بسعر كويس ؟؟؟

حد يعرف ممكن اجيب جدي للذبح منين بسعر كويس دلوقتي ؟؟

منين اجيب مازدا 3 2009 زيرو بسعر كويس

اعرف اجيب مخدع كويس منين؟؟

الكلمات الدلالية لهذا الموضوع

المفضلات

المفضلات

ضوابط المشاركة