الموضوع: سؤال للمهندسين

طيب ما انت حسمتها اهو. طالما بتقول مش حابب مجالات طبية يبقى متدخلهاش. مفيش قسم في هندسة مش متعب في الدراسة, و المستقبل بعد كدة بتاع ربنا محدش يضمنه. أدخل حاجة انت حاسس انك ميال ليها عشان متندمش و ربنا يوفقك ان شاء الله

المشاركة الأصلية كتبت بواسطة ramy_2r

انت بتحب إيه ؟
بتحب تشتغل إيه يعني
بس عموما ميكاتورنيك ممتعه
انا ميكانيكا بور و لو كان الظروف تسمح كنت دخلتها

انا بحب العربيات ممكن اكتر حاجة بس ساعات بحس انه تتحب مش اشتغل فيها اما انى احب اشتغل ايه بصراحة مش عارف

المشاركة الأصلية كتبت بواسطة amr011111

ميكاترونيك فى مصر هتتخرج منها هتبقى مش جاهز لسوق العمل بخلاف عماره ومدنى ببعض الاجتهاد البسيط هتلاقى نفسك ملم بمعظم الحاجات وبتعتمد على نفسك

الفكرة انى مش حابب مدنى او عمارة وعارف انى فى ميكاترونيكك لازم تعليم ذاتى فى حاجات كتير فعلشان كده جت فكرت ميكانيكا بقا وخلاص

المشاركة الأصلية كتبت بواسطة محمد يوسف

يعنى لو ظروفك المادية تسمح انك تكمل دراسات عليا بره وبالتالى يتفتح لك مجال شغل بره

تسمح ان شاء الله وده اساسا فى الخطة بس فرضا حصل اى ظرف معرفتش اكمل او اسافر ايه الفرص هنا

المشاركة الأصلية كتبت بواسطة eslam.elrefaey

تسمح ان شاء الله وده اساسا فى الخطة بس فرضا حصل اى ظرف معرفتش اكمل او اسافر ايه الفرص هنا

لو مخطط للموضوع ده يبقى اتكل على الله واختار ميكاترونيكس أو طبية

لو على عزبة مصر العربية فيبقى ميكانيكا وتعافر بيها ... لو اشتغلت هنا بالطبية أو الميكاترونكس يبقى كبيرك مبيعات

اهم حاجة تدرس حاجة انت بتحبها علشان تقدر تتفوق فيها و صدقنى لو تفوقت فى مجالك (ايا" كان) هتلاقى شغل منميز و بسهولة , اما لو مافيش مجال معين بتشعر انك ميال له ,فرأيى الشخصى انك تدخل ميكاترونيكس , لان دلوقتى مافيش الة ميكانيكية (Pure ) لازم هتلاقى فيها اجزاء الكترونية بشكل او بأخر , وهتلاقى نفسك محتاج تقرا و تذاكر الكترونيات علشات تقدر تتعامل معاها , فالافضل تدرس ميكاترونيكس من البداية و اعتقد ان مجالها هيكون اوسع من الهندسة الطبية , عمزما"ربنا يوفقك ان شاء الله للاختيار المناسب و زى ما قلت لك , اهم حاجة تخرص انك تتفوق فى مجالك أيأ" كان .
على فكرة انا مهندس ميكانيكا و متخرج من اكنر من 20 سنة