دلوقتى لو بتقارن بين تخصص ميكانيكا وميكاترونيكس وهندسة طبية تختار ايه وليه بعيدا عن انا بحب ايه اكتر انا بتكلم على مجالات الشغل والاحسن من وجهة نظرك
عرض للطباعة
دلوقتى لو بتقارن بين تخصص ميكانيكا وميكاترونيكس وهندسة طبية تختار ايه وليه بعيدا عن انا بحب ايه اكتر انا بتكلم على مجالات الشغل والاحسن من وجهة نظرك
و الله أعتقد ميكاترونيكس هتكون مسكت عصاية من النص. لكن هتتعب شوية في الشغل عشان تقدر تلم باقي المعلومات اللي كانت ناقصاك في الكهربا و الميكانيكا لأن طبعا في الكلية مش هيقدر يغطي كل حاجة بياخدوها بتوع قسم كهربا و كمان قسم ميكانيكا.
Mechanical
السلام عليكم
أرشح قسم ميكانيكا
و جزاكم الله خيرا و بالتوفيق
ميكانيكا باور قسم ليه شغل كتير في السوق
ميكانيكا
ميكانيكا و ربنا يعينك عليها
ليه ما فكرتش فى قسم كهرباء ؟
لو متاح ليك قسم مدنى يبقى توكل على الله
هقولك على حاجه شوف الشعبة عندك امتى (يعنى هتدرس ميكاترونك فى اخر سنة بس ولا من اولى ولا ايه؟)
لو هتدرسها سنه واحده مش هتبقى قوى فيها لو هتاخدها سنتين او من اولى ارشحلك ميكاترونك
بس بصراحة ميكانيكا غلسة لو انت مش هاويها بلاش احسن
بقولك كده وانا مهندس ميكانيكا إنتاج ميزتها ان فرص شغلك اوسع طبعا الباور اوسع
وشوف انت مقيم فين لو فى محافظة نائيه زى حالاتى خليك 100% ميكانيكا
لاكن لو مكان مفتوح مش هتفرق
اوزن العملية وحدد انت بتحب ومايل لمين
لو ظروفك تسمح لك بالسفر بره المخروبة دى يبقى طبية أو ميكاترونيكس
لو مغروز فى الوحل زينا يبقى ميكانيكا ...باور أو انتاج مش حاتفرق
أكتر قسمين فى هندسة نسبة التشغيل فيهم عالية هما مدنى و ميكانيكا و ممكن هندسة إنتاج
طبية فرص شغلها حلوة مش وحشة. بتبقى يا أما في الSales او technical support في شركات الأجهزة الطبية او في الصيانة و دي المرتبات بتاعتها كويسة. المجال التاني اللي طبية بيشتغلوا فيه (يمكن اكتر من نص الخريجين بتوع طبية) هو ال IT و ال programming بتفريعاته و برضه سوقه حلو و مرتباته كويسة.
يعيب طبية انه بقى موجود في جامعات كتير خاصة و بالتالي بقى نسبة الخريجين كبيرة مفيهاش ندرة زي زمان
ميكانيكا و ميكاترونيكس معنديش خلفية عنه بس ليا واحدة صاحبتي طبية و جوزها مهندس ميكانيكا بيشتغل في مبيعات شركة كبيرة و كانت بتشتكيلي انه مرتبه صغير (مجابش 4000 بعد 7 سنين خبرة)
أهم حاجة انك تعمل استخارة و ربنا بأذن الله يوفقك للي فيه الخير
بالمناسبة انت جامعة ايه؟؟
طبية بالتاكيد
بس ليه كل الناس بترشح ميكانيكا عن ميكاترونيكس مع ان المفروض المستقبل مع ميكاترونيكس (الاسباب )
انت بتحب إيه ؟
بتحب تشتغل إيه يعني
بس عموما ميكاتورنيك ممتعه
انا ميكانيكا بور و لو كان الظروف تسمح كنت دخلتها
ميكاترونيك فى مصر هتتخرج منها هتبقى مش جاهز لسوق العمل بخلاف عماره ومدنى ببعض الاجتهاد البسيط هتلاقى نفسك ملم بمعظم الحاجات وبتعتمد على نفسك
طيب ما انت حسمتها اهو. طالما بتقول مش حابب مجالات طبية يبقى متدخلهاش. مفيش قسم في هندسة مش متعب في الدراسة, و المستقبل بعد كدة بتاع ربنا محدش يضمنه. أدخل حاجة انت حاسس انك ميال ليها عشان متندمش و ربنا يوفقك ان شاء الله
اهم حاجة تدرس حاجة انت بتحبها علشان تقدر تتفوق فيها و صدقنى لو تفوقت فى مجالك (ايا" كان) هتلاقى شغل منميز و بسهولة , اما لو مافيش مجال معين بتشعر انك ميال له ,فرأيى الشخصى انك تدخل ميكاترونيكس , لان دلوقتى مافيش الة ميكانيكية (Pure ) لازم هتلاقى فيها اجزاء الكترونية بشكل او بأخر , وهتلاقى نفسك محتاج تقرا و تذاكر الكترونيات علشات تقدر تتعامل معاها , فالافضل تدرس ميكاترونيكس من البداية و اعتقد ان مجالها هيكون اوسع من الهندسة الطبية , عمزما"ربنا يوفقك ان شاء الله للاختيار المناسب و زى ما قلت لك , اهم حاجة تخرص انك تتفوق فى مجالك أيأ" كان .
على فكرة انا مهندس ميكانيكا و متخرج من اكنر من 20 سنة
يابشمهندس اختصر وريح بالك طالما عندك ميول ميكانيكية ادخل ميكانيكا وسيبك من الميكاترونكس والمستقبل
لان بالوضع ده والصناعة فى مصر مفيش مستقبل
خليك فى الفرص الاكتر