السلام عليكم
موضوع خفيف كده بس مهم
الواحد بيتعذب عشان يعرف يجيب لبس كويس بقيمة مالية كويسة
على العموم انا بجيب من موباكو معظم اللبس خامات كويسة جدا و اسعار معقولة
وبدور على حاجة زيها .. حد عنده؟؟
وعلى العموم نسمع منكم
بتجيب لبسك من اين؟؟
عرض للطباعة
السلام عليكم
موضوع خفيف كده بس مهم
الواحد بيتعذب عشان يعرف يجيب لبس كويس بقيمة مالية كويسة
على العموم انا بجيب من موباكو معظم اللبس خامات كويسة جدا و اسعار معقولة
وبدور على حاجة زيها .. حد عنده؟؟
وعلى العموم نسمع منكم
بتجيب لبسك من اين؟؟
على فكرة انا مهتم اكتر بلبس للمكتب مش للخروج..
سفنتى
- وسط البلد
- نيو بورن
جنينه مول
تحديدا
ستريس stress
ليزر لاين laser line
الموضوع بيحكمه شوية سنك ، وذوقك وكمان ساكن فين
عمووووووما
كاجوال : seventy
استاذ ... حط كاجوال هادي ولذيذ ، بعتبره الافضل بين اقرانه
رينج الاسعار / تي شيرت او قميص 180 - 260 ج
بنطلون 250 - 300 ج
جاكت 450 - 550 ج
كمان ليه فرع outlet في طيبة مول هتلاقي فيه موديلات السنة اللي فاتت باسعار اقل
بس ايعد عن اللي في البوكس الخشب لان فيهم ديفوهات
هما للامانة بيقولوا وبوريك الديفو كمان بس عاااادة بتبقي حاجات فرز تاني ويمكن تالت احيانا
فروعه في كل المولات اللي في مصر
فيه كمان lois
ليه فروع في كل المولات واسعاره قريبة من اسعار seventy
وميزته انه اليومين اللي فاتوا كان عامل sale جاااااااامد جدا ويقال ان السبب هو النية لتصفية التوكيل ببيع البضاعة باقل سعر بعد اختلاف الشركاء
لو عاوز بدل ولبسك فورمال شوية يبقي guy larouch
ليهم فرع في عباس العقاد وفرع في وسط البلد اول شارع الشواربي وفرع في مساكن شيراتون بس معرفش فين
اسعاره : 950 - 1350 ج
لو ممكن تعلي شوية عندك concrete
طبعا روعة بس اسعار اعلي
فروعه في كل المولات وعنده ستوك في المنطقة الصناعية في اكتوبر وكمان ستوك في المعادي الجديدة ورا شركة موبكو او حاجة زي كده في شارع متفرع من ميدان الجزائر وده هتلاقي فيه موديلات السنة اللي فاتت باسعار اقل كتير زكطمان بيعملوا sale في اخر السيزون باسعار تحفففففة بس بيكون لايام معدودة وانت وحظك يا لحقته وملحقتهوش
فيه كمان ماريو باروتي ده وسط في السعر بين الاثنين
وهتلاقيه عند محل اسمه رويال كلوب في عباس العقاد
اسعاره 1200 - 1600/1700 مش فاكر لاني مرحتهوش بقالي فترة
فيه لو عاوز سعر اقل فيه لورنزو وفيه كمان تاي هاوس وفي ناس بتقول بتجيب تركي بس اغلبه خامات اي كلام ،، وبصراحة انا بشوف ان البدلة لازم تتجاب من محل كويس اذا كنت عاوزوها تعيش وتبقي حاجة محترمة خاصة لو بتلبس بدل باستمرار
ده ذوقي
وزي ما بيقولوا : لولا اختلاف الاذواق لبارت السلع
بالتوفيق
حد يجاوبني انا بقي
الشوز
الجزمة
البلغة
بتجيبوا منيييييييييييييين
انا بيطلع عيني يا جماعة لاني ببقي عاوز كلاسيك يكون ةنعله مريح اللي بيقولوا عليه نعل طبي بس شرط يكون كلاسيك لاني جزء كبير من لبسي كلاسيك
يبطلع عيني فعلا
حد عنده اقتراحات
متابع بس من اسكندرية