الموضوع: خلـــوا بالكوا !! علبة دريكسيون النتــmdــــرا أتشيعت .

السلام عليكم

انا حصل معايه موقف غريب جدا بصراحه

انا معايه MD و عامله 50000 ومتابع شكوى ملاك ال MD هنا من علبة الدركسيون

وركزت معاها عشان لو فيه صوت ولا حاجه

المهم انا كنت باسمع تكه خفيفه جدا جدا فى الدركسيون لما تكون العربيه فى وضع الثبات و احرك الدركسيون يمين و شمال - الصوت ده ظاهر من 2013 - بس مش مستمر

مش عارف هو موجود بس خفيف لدرجه انه مش بيشد انتباهي و لا هو بيختفي و يظهر

المهم روحت اعمل صيانة ال 50000 من اسبوع و المهندسه بتعات الاستقبال سألتني فيه شكوى من العربيه

قلت لا
بس ياريت حد يبص على علبة الدركسيون لاني عارف ان الموديل ده فيه مشاكل ، قالت مش شرط يظهر عندك وده على حسب طريقة السواقه

اخدو العربيه و لما جيت استلمها قالتلي - احنا غيرنا علبة الدركسيون فى الضمان

طب ليه - قالت انها كانت مبوشه شويه



مش عارف هما غيروها بالفعل ولا بتشتغلني بصراحه

ومش عارف هل هم ممكن يتطوعوا و يغيروها كده بسهوله لمجرد انها مبوشه بس

وهل ينفع اتأكد عند حد بره ان العلبه اتغيرت ولا ايه ؟

شكرا

المشاركة الأصلية كتبت بواسطة BUNSH

السلام عليكم ورحمة الله وبركاتة ..

عــــــــــــودة مرة أخرى من جديد .

النتــــــــmdـــــــــــرا 2012 وماخفـــى كان أعظم .
69000 km

من فترة ومن تــــانى صيانة كان ظهر عندى صوت طقطقة صادرة من الجزء الأمامى * كنت لما أدوس ع الفرامل والعربية واقفة كنت بسمعها بوضوح بعديها بقيت بسمعها عادى والعربية ماشية -أوقات وأوقات- لكن ع سرعات مالهاش صوت * !!

وطبعا رد غبور أن بعض الدفعــــات واردة بالعيب دة ولمحاسن الصدف أنهم مش عارفين أرقام الشاسيهات العربيات المتهببة بالعيب دة وبيتفادوها بتغيير *ورد الكبالن الرابر بالميتل* ولما سئلت الأخوة الافاضل هنــــا , استغربوا من موضوع الميتل دة .

ممـــــاطلة وبرود وحمادة مش موجود للغاية صيانة الــــ 60.000 كم *واتشد عليهم* قالك علبة دريكسيون وهتتغير فى الضمــان ومتقلقيش !

كان معايا أ-أحمد أبوزيد وساعدنى فى تخليص الموضوع دة *جزاة الله كل خير* وتم تغيير علبة الدريكسيون فى الضمان والصوت راح .




شوووية والصوت رجع تانى والعربية مع ووصلات نزلة المعادى وع سرعة 90 *تحس أنها بتلعب من وراء والدريكسيون فية هزة بس بمجرد ماتعدى الوصلة كلة بيرجع تانى زى ماكان*

كلمتهم وقالوا تعالى ع فرع العبور وكان ردهم هنغير علبة الدريكسيون تانى *لوجود عيب صناعة* وبالاضافة لمسامير الميزان *والحمدلله كلهم خلصانين ومش موجودين وهنطلبهم ونبلغك بميعاد التركيب*

الحاجة جــــت وركبتهم وقالوا ركبنا علبة جديدة ومسمار وناقصلك التانى وللأسف خلص تعالى بكرة ركبــــة بس هتسمع الصووت برضة لغاية لما تركبة .

ركبت كلة جديد فى جديد والمفأجاة الكبــــــــــــرى *الصوت مازال موجود لحد اللحظة الحالية* وبوجود 4 مهندسين وكام فنى ونزلنا الورشــة ومحدش عرف يوصل للحاجة وطبعا ردهم سيب العربيــــة عشان نعرف ونحدد العيب ونتعامل معاة .
-مسبناش العربية وأتحدد ميعاد تانى ع 10/29 -

** طبعـــا كان فية حبة غباوة ع مماطلة ومين بلغك بوصول الحاجة وهتتغير لية ومين قالك كدة - يعنى هتبلة عليكما مثلا ياولود ^%$&# - **

والمفأجاة التانيــــــة .. لما سئلت واحد معرفة *تاجر عربيات* أول حاجة قالها عن العربية بتغير علب دريكسيون !!!


ياترى موديلات 2015 فيها المصيبة دى ؟
ملاك الالنترا الــ MD حد سمع الصوت دة ؟
الصــوت دة ممكن يكون من أى ؟؟

فى رعـــــــ الله ــــــــاية