المشاركة الأصلية كتبت بواسطة مواطن مصرى
نصيحه عن تجربه طالما انت المهم عندك هو السعر + مراكز الخدمه و الصيانه فعند حضرتك نوعين
زانوسى (اللى هوه كان ايديال قبل ما تتلغى ماركه ايديال من مجموعة اوليمبك جروب لاسباب يطول شرحها)
مميزاته
- مجرب عند كذا حد (انا و اخى و احد جيرانى) لفترات طويله (8 سنين الى الان عندى و 5 عند اخى)
- يعمل على اقل ضغط مياه (انا ساكن فى الدور الثامن و لما غيرت الموتور بموتور اقوى اضطريت اوطى ضغط المياه فى المحبس لانه كان شغال بقوه و صوته عالى)
- مراكز خدمه و صيانه فى كل المحافظات و خدمه عملاء ممتازة عن طريق رقم 19999
عيوبه
- لازم تغير له البطاريات مره كل سنه
- صوت التشغيل بيعلى فى حاله رفع درجه الحراره للحد الاقصى
تورنادو (ماركه تابعه لمجموعه العربى)
مميزاته
- متوفر بأكثر من لون حسب ديكور المطبخ او الحمام اللى هايركب فيه
- مجرب عند كذا حد (اختى - اثنين جيرانى)
- يعمل على اقل ضغط مياه (جارى فى اخر الدور الـ 12 مركبه و عايش حياته)
- مراكز خدمه و صيانه فى كل المحافظات و خدمه عملاء جيده عن طريق رقم 19333
عيوبه
- لازم يتركب بمعرفه التوكيل و الا تبقى خارج الضمان
* الماركات اللى انصحك تبعد عنها لعيوب فيها من تجارب بعض الناس
1- سخان المصانع الحربيه : حجمه كبير جداً و يعتبر موضه قديمه و انتهت رغم انه حمار شغل (متركب عند الحاج والدى من 30 سنه على الاقل و شغال بس بنعمله صيانات دوريه باستمرار) + بيحتاج تغيير جلده رداخ كل فتره + فيه موديل منه مفيهوش اشعال ذاتى مع فتح الحنفيه
2- اوليميبك : صوت تشغيله عالى جداً تحس ان فيه حريقه مش سخان + يحتاج تغيير جلده رداخ كل فتره
3- يونيفيرسال : محتاج ضغط مياه عالى + قطع غياره اسعارها غاليه جداً