الموضوع: سخان الغاز ..؟!

يا ابا اسر انا في نفسك وضعك بالظبط
كان عندي سخان كهرباء توشيبا ٥٥ لتر... المية كانت بتنزل سخنة في أي وقت و بغض النظر عن ضغطتها و خلطها زي ما انت عايز مع المياه الساقعة... مشكلته الوحيدة هي ان المياه السخنة بتخلص بسرعة... يعني ما ينفعش تطول في الحمام او حد يخش وراك علطول ياخد دش

لكن الغاز دخل و رحت اشتريت سخان اوليمبيك ١٠ لتر و بصراحة في الأول كنت على وشك اني ارجع السخان الكهرباء تاني من كتر ما كنت قرفان من الغاز... صوته عالي و المياة نازله بتغلي و مش عارف اخلطها بمياه فاترة لأنه بيفصل علطول... بس قعدت اقلل في درجة الحرارة و حجم الشعلة من البكر الموجود على السخان لحد ما نوعا ما الدنيا ظبطت و بدأت أأقلم نفسي عليه.... الميزة الاساسية ان في الشتاء ممكن تقعد تحت الدش السخن اليوم كله و المياه مش هاتخلص :)))

بالمناسبة ... السخان التوشيبا للبيع لو حد عايزه :)

المشاركة الأصلية كتبت بواسطة أبو آسر

أنا ركبت سخان أوليمبيك من يومين غاز 10 لتر
هو السخان كويس فيما يبدو للناس اللي متأقلمة على سخانات الغاز وصوته مش عالي ولا حاجة زي ما بعض الإخوة قالوا
بس للأسف أنا مش عارف أتأقلم معاه لأني بحب المية تكون فاترة يعني يادوب أول سنة سخونية وللأسف السخان أقل درجة حرارة بيديهالي هي 38 درجة وأنا ببقى محتاجها متزيدش عن 33 ده بالنسبة لغسيل اليد والوضوء لكن بالنسبة للاستحمام فمعقولة بس مش عارف في الصيف بقى هعمل ايه لأن هتبقى برده سخنة عليا
اتصلت على الفني اللي ركبه وحاولت أوصل لحل إني أنزل درجة الحرارة قالي مفيش حل غير إن ضغط المية يزيد لأنه عندك منخفض وكل ما زاد الضغط قلت درجة الحرارة وأنا عامله على أقل ضغط لأن المية ضعيفة شوية ويادوب بيلقط لما بفتح الحنفية على النص
فمش عارف يا جماعة هل في حل تاني غير موضوع ضغط المية ده ؟ أنا حاولت أقول للفني إننا نلغي شعلتين من ال5 اللي شغالين فضحك وقالي كده احنا هنخترع ! ما نخترع ياعم وإيه المشكلة بس نحل المشكلة لأني آخر ما هزهق هبيعه وأرجع أركب كهربا تاني بصراحة كان مريحني جدا وقعد شغال 8 سنين مقالش لأ

شكرا يا فندم على نقل تجربتك
بالنسبة لموضوع السخونية انا ما اعرفش اية السبب بس السخانات الغاز معظمها الفونيات او الشعلات بتاعتها بتبقى معمولة للبوتجاز مش الغاز و بيبقى فى مع السخان فونيات تانية للغاز !
لو ما كانش الراجل غيرها قبل التركيب شوف حد يغيرهالك اعتقد هاتفرق معاك و الله اعلم

الحمد لله جبت التورنادو ال 10 لتر الديجيتال و الحمد لله ركبته امبارح و ما شاء الله بيشتغل عل اقل ضغط ماية بدون مبالغة و فى 3 بكرات بتعدل منهم درجة الحرارة و بتعدل منهم ضغط المية اللى السخان يشتغل عليه و التالتة بتختار منها صيف او شتاء
و جربنا اقل ضغط مية فى السخان وقفلنا الموتور و كان فى خط مية بسيط نازل من الحنفية و بيروح و يجى و كان السخان ما شاء الله يشتغل لما المية تيجى و يطفى لما المية تضعف خالص و تروح !!

ملاحظات اثناء التركيب :
* الفونيات او الشعلات ( على حسب كلام الفنى ) فونيات بوتجاز مش غاز و على كلامه كل السخانات اللى بتنزل بتبقى مجهزة للبوتاجاز و معاها فونيات تانية للغاز !
* الفنى اللى بيركب كان تبع شركة اسمها صيانكو تبع شركة الغاز و اللى فهمتوا ان الشركة دى هيا اللى بتركب لكل الماركات و بتديلك فاتورتين فاتورة بتتبعت للشركة بتاعت السخان مع صورة شهادة الضمان عشان يفعل الضمان
و فاتورة تانية لشركة صيانكو دى حق الفك و التركيب !
*انصح اى حد بالسخان التورنادو بس طبعا انا لسه ما جربتوش غير مرة واحدة و يوم واحد

الحمد لله و أسأل الله ان يبارك لى فيه و يعطينى خيره و يكفينى شره

شكرا ليكم يا جماعة واحد واحد و جزاكم الله خيرا كثيرا

المشاركة الأصلية كتبت بواسطة أبو آسر

العفو أخي الكريم
لا هو السخان بييجي أصلا متظبط على الأنبوبة والفني لما جه يركبه فك الفونيات ووسعها علشان الغاز الطبيعي ومعتقدش انه ينفع يركب فونيات أنبوبة للغاز
أنا حلي الوحيد إني أفصل شعلتين من ال 5 دول بس مش عارف أعملها ازاي !

هو حضرتك اقل درجة حرارة 38 حتى بعد فتح المية الساقعة ؟!
طب لو فتحت المية الساقعة الاول و بعدين قتحت السخنة حبة بحبة هاتفرق ؟

المشاركة الأصلية كتبت بواسطة medo.malek

الحمد لله جبت التورنادو ال 10 لتر الديجيتال و الحمد لله ركبته امبارح و ما شاء الله بيشتغل عل اقل ضغط ماية بدون مبالغة و فى 3 بكرات بتعدل منهم درجة الحرارة و بتعدل منهم ضغط المية اللى السخان يشتغل عليه و التالتة بتختار منها صيف او شتاء
و جربنا اقل ضغط مية فى السخان وقفلنا الموتور و كان فى خط مية بسيط نازل من الحنفية و بيروح و يجى و كان السخان ما شاء الله يشتغل لما المية تيجى و يطفى لما المية تضعف خالص و تروح !!

ملاحظات اثناء التركيب :
* الفونيات او الشعلات ( على حسب كلام الفنى ) فونيات بوتجاز مش غاز و على كلامه كل السخانات اللى بتنزل بتبقى مجهزة للبوتاجاز و معاها فونيات تانية للغاز !
* الفنى اللى بيركب كان تبع شركة اسمها صيانكو تبع شركة الغاز و اللى فهمتوا ان الشركة دى هيا اللى بتركب لكل الماركات و بتديلك فاتورتين فاتورة بتتبعت للشركة بتاعت السخان مع صورة شهادة الضمان عشان يفعل الضمان
و فاتورة تانية لشركة صيانكو دى حق الفك و التركيب !
*انصح اى حد بالسخان التورنادو بس طبعا انا لسه ما جربتوش غير مرة واحدة و يوم واحد

الحمد لله و أسأل الله ان يبارك لى فيه و يعطينى خيره و يكفينى شره

شكرا ليكم يا جماعة واحد واحد و جزاكم الله خيرا كثيرا

الف مبروك يا باشا و تدوبه فى حموم العافيه ان شاء الله ...

السخان ممتاز و راكب عند اختى من اول ما طلعت ماركه تورنادو من سنه 2010 و ضمانهم ممتاز جداً و مفيش منه اى مشاكل ..

مبروك مره تانى ..