اجيب صينى ولا ابعد عن الشر

**tamer_fawzy** · 28-10-2014 09:22 PM

انا عاوز اجيب عربية فى حدود 40 الى 45 مش هى الاساسية بس لمشاوير الشغل والسوق وتكون مع زوجتى تقريبا 25 كيلو مشاوير فى اليوم وكنت عاوز عربية صغير فكنت بفكر a113 حاجة تكون حالة كويسة بس فى ناس قلولى عربية وحشة وبلاش والعفشة وحشة جدا واى عربية احسن منها وناس شكرت فيها
وفى زميل ليا شارى qq11 عربية اكنها زيرو بس العربية هبلاة من كتر التصليح هى زيها ولا مختلفة
فكت عاوز اعرف اجيها ولا اية لان شكلها عجبنى وكمان الموتور قوى والتكيف عامل اية فى الزحمة واية المشاكل الى فيها
ياريت الاجابة ضرورى لان قدامى عربية وكمان واحد جبلى سوزوكى سوفت حالة كويسة جدا وكذا ميكانيكى قلولى السوفت برقبة a113 كفاية مشكلة العفشة فيها فانا مستغرب لان فرق السنين 15 سنة وهى على 33 الف
فارجو الرد للاهمية

**hugan** · 28-10-2014 09:36 PM

مبدئيا ال113 اغلي في السعر من السويفت
مش اقل من 40 الف علشان تلاقي عربيه سليمه ونضيفه
السويفت خاليه من اي كماليات

الخلاصه اخي الكريم
من يفهم في السيارات جيدا
يعرف ان الصيني زيه زي اي عربيه
بتتصلح وليها صيانه وبيتغير ليها قطع غيار
من لايفهم في العربيات
ويحكم بخبرته الضعيفه او المنعدمه
ممكن يتقبل ان كل العربيات اللي في الدنيا بتتصلح وممكن تعطل
بالنسبه له امر طبيعي
اما الصيني لاء
ال113 بياعه ومطلوبه
لكن عموما عربيات اسبرانزا علشان ماتتعبكش
لازم تتصين عند المختص ليها مش اي ميكانيكي يشتغل فيها
وممكن يكون ده السبب في ان المكيانيكي بتاعك بيعقدك فيها
لائنه كده هايخسر زبون

وانتظر باقي الاراء

**kaza** · 28-10-2014 09:45 PM

ال 113 افضل عربية صغيرة في مصر واكتر الاسبرانزا طلبا في السوق - العفشة بتحتاج تربيط كل فترة بس دة حال شوارع البلد لكن في المجمل ممتازة وتكييف قوي وقدرة موتور هايلة واتساع داخلي مقبول حتي لاربعة بالغين وباور وزجاك وسنتر وفتبس ناعم وتعرف تركنها في اي حتي اتكل علي الله

**attaa11** · 29-10-2014 01:04 AM

بص يا باشا المثل بيقول ( الكيف علي قد الجيب ) هههه .. من اختراعي المثل ده علي فكره
المهم .. شوف حاجتين مهمين اوي في العربيه وفي اي عربيه .. اسعار قطع الغيار .. سعر اعاده البيع
نفترض انك اشتريت العربيه وانها معاك فعلا وحصل مشكله في المساعد الامامي وفي طنبوره وفي موبينه وفي مقص
افترض ان ده حصل فعلا وانك محتاج تشتريهم .. شوف سعرهم كام ؟؟ وشوف هتلاقيهم فين ؟؟
لو هتقدر علي مصاريفها ... هاتها ...
سعر اعاده البيع ....لو فكرت تبيع هتخسر قد ايه؟؟؟
اي عربيه هتشتريها اكيد هتعطل .. مع الوقت طبعا .. واكيد هتتصلح زي اي عربيه
بس انا مثلا عمري ما فكرت اركب الماني ..حتي ونا في الكويت .. الالماني ناررر في اسعار قطع غياره
وحتي الامريكي اللي ركبته والياباني .. كانوا ناررر .. بس ارخص من الالماني ..
انا في مصر اشتريت لانوس .. وحاليا .. اكسنت ار بي .. وربنا يستر :)

**ahmedalaahosny** · 29-10-2014 10:59 AM

فيات سيينا هتبقى ف حدود التلاتينات
تكيف وباور وكل حاجه وانجكشن مش كاربراتير وفى منها ال 1400 وال 1600 سى سى
وهتبقى موديل اوائل الالفينات حاول كده لوتتفرج عليها على كونتكت كار

**bassemali** · 29-10-2014 04:14 PM

المشاركة الأصلية كتبت بواسطة attaa11

بص يا باشا المثل بيقول ( الكيف علي قد الجيب ) هههه .. من اختراعي المثل ده علي فكره
المهم .. شوف حاجتين مهمين اوي في العربيه وفي اي عربيه .. اسعار قطع الغيار .. سعر اعاده البيع
نفترض انك اشتريت العربيه وانها معاك فعلا وحصل مشكله في المساعد الامامي وفي طنبوره وفي موبينه وفي مقص
افترض ان ده حصل فعلا وانك محتاج تشتريهم .. شوف سعرهم كام ؟؟ وشوف هتلاقيهم فين ؟؟
لو هتقدر علي مصاريفها ... هاتها ...
سعر اعاده البيع ....لو فكرت تبيع هتخسر قد ايه؟؟؟
اي عربيه هتشتريها اكيد هتعطل .. مع الوقت طبعا .. واكيد هتتصلح زي اي عربيه
بس انا مثلا عمري ما فكرت اركب الماني ..حتي ونا في الكويت .. الالماني ناررر في اسعار قطع غياره
وحتي الامريكي اللي ركبته والياباني .. كانوا ناررر .. بس ارخص من الالماني ..
انا في مصر اشتريت لانوس .. وحاليا .. اكسنت ار بي .. وربنا يستر :)

الراجل ده جاب من الأخر ...

**tamer_fawzy** · 29-10-2014 05:28 PM

انا مش فارق سعر العربية معايا ولا حتى اسعار قطع الغيار انا بسئل هى كويسة من ناحية التكيف فى الزحمة واخبار العفشة اية وايضا الاعطال كتيرة ولا يدوب صيانة دورية كل 6 اشهر مثلا
وانا معايا تويوتا كورولا 2013 وكنت عاوز العربية دة لزوجتى ومشاوير حوالى 30 كيلو فى اليوم فكنت عاوز اعرف هكون مبسوط وانا ركبها ولا اية
انا بدور على عربية فى حدود 40 الى 45 وشفت ان السعر دة ممكن يجيب a113 نظيفة

**attaa11** · 29-10-2014 10:18 PM

المشاركة الأصلية كتبت بواسطة tamer_fawzy

انا مش فارق سعر العربية معايا ولا حتى اسعار قطع الغيار انا بسئل هى كويسة من ناحية التكيف فى الزحمة واخبار العفشة اية وايضا الاعطال كتيرة ولا يدوب صيانة دورية كل 6 اشهر مثلا
وانا معايا تويوتا كورولا 2013 وكنت عاوز العربية دة لزوجتى ومشاوير حوالى 30 كيلو فى اليوم فكنت عاوز اعرف هكون مبسوط وانا ركبها ولا اية
انا بدور على عربية فى حدود 40 الى 45 وشفت ان السعر دة ممكن يجيب a113 نظيفة

ادخل علي موقع كونتاكت كارز .السيارات المستعملة .. وحط رنج السعر بتاعك وشوف هيطلع لك موديلات ايه ؟؟
بس اهم نقطه .. انك تجيب عربيه فتيس اوتو ماتيك .. عشان تكون السواقه سهله للمدام ,,في الشوارع والزحمه وكده ...
وربنا يوفقك

**elkomyalto** · 31-10-2014 04:03 PM

السعر ده ممكن يجبلك لانوس دور كويس وهتلاقى
تقعد مع المدام كام سنه تتعلم فيها وتخبطها وبعد كده تصلحها بسيط
ثم تبعها بفرق سعر قريب مش هتخسر كتير
وتجبلها واحده تانى كويسه
ده راى ولك الحريه .. مشكلة الصينى فى مص العفشه وقطع الغيار مبتعمرش ولكن رخيصه