وكيل بيجو فى مصر يطرح طراز 508 - 2015 كافة التفاصيل والاسعار

**khaled_afandy** · 06-11-2014 03:06 PM

المشاركة الأصلية كتبت بواسطة falcon77

امال فين حساس النقطة العمية والمريات الضم ونظام مراقبة ضغط الهواء؟ دا كلة مش موجود ولا اية

العربية باظت على فكرة من حيث التقفيل، زى ما تكون مش فرنساوى!!
فرق كبير جدا بين الدهانات المستخدمة فى موديل 2014 و 2015 + شالوا حاجات كتير.

**hossam_elwani** · 06-11-2014 03:54 PM

المشاركة الأصلية كتبت بواسطة wella3330

انا عملت التست درايف للشكل القديم في ابو ظبي و كانت الفئة اللي قبل الهاي لاين و دي كانت تنقصها فرش جلد و فتحة سقف لكن فيها الشاشة الديجيتال.

طبعا العربية مريحة جدا و فتيس 6 سرعات نقلاته ناعمة و غير محسوسة دا غير ان سحبها مرضي جدا بالنسبة لعربية 1600.

و كان في عرض عليها: سعرها 85 الف + تسجيل مجاني + تامين شامل لمدة سنة مجاني + صيانة مجانية لمدة 3 سنين

لكي الله يا مصر !!

كل ده ياااااااا الله

ده احنا بيتضحك علينا ضحك ياناس

**hossam_elwani** · 06-11-2014 03:59 PM

المشاركة الأصلية كتبت بواسطة khaled_afandy

العربية باظت على فكرة من حيث التقفيل، زى ما تكون مش فرنساوى!!
فرق كبير جدا بين الدهانات المستخدمة فى موديل 2014 و 2015 + شالوا حاجات كتير.

بجد !!!!!!!!!

سعر اغلى تقفيل وخامه اقل اوبشن اقل هو فيه ايه !!

**ooooosooooo** · 06-11-2014 06:25 PM

ياجماعة احنا مش عايزين نتكلم عن حاجة منعرفهاش غير لما نتاكد ....لازم نستنى حد يكون ستلم السيارة وهوة سيكون الفيصل فى كل هذا الكلام وعن تجربتة مع السيارة ومميزاتها وهل وجد بها عيوب ام لا ....لاكن وجة نظرى انا واعوذب بالله من كلمة انا اولا انا شايف ناس بتكلم عن التقفيل سيئ عن الشكل القديم طب ازاى ولية ؟ما هوة هوة المصنع اما بالنسبة للعربية من الداخل فالحكم هيكون للناس الى استلمت العربية نحن فى انتظار تقرير مفصل عن السيارة

**khaled_afandy** · 06-11-2014 10:00 PM

المشاركة الأصلية كتبت بواسطة ooooosooooo

ياجماعة احنا مش عايزين نتكلم عن حاجة منعرفهاش غير لما نتاكد ....لازم نستنى حد يكون ستلم السيارة وهوة سيكون الفيصل فى كل هذا الكلام وعن تجربتة مع السيارة ومميزاتها وهل وجد بها عيوب ام لا ....لاكن وجة نظرى انا واعوذب بالله من كلمة انا اولا انا شايف ناس بتكلم عن التقفيل سيئ عن الشكل القديم طب ازاى ولية ؟ما هوة هوة المصنع اما بالنسبة للعربية من الداخل فالحكم هيكون للناس الى استلمت العربية نحن فى انتظار تقرير مفصل عن السيارة

العربية موجودة فى المعارض للمعايتة، الفئة الأولى بقت مش فوى
حتى الكروم اللى بييقى حول زجاج الشباك و بيدى العربية رونق و شياكة، بقى فيبر يلاستيك زى الهونداى!

**شريف السيد** · 07-11-2014 12:23 AM

سؤال لمالكى 508 العربية بتمشى ب 92 ولا 95 وهل مؤثر على كفائتها

**Astra200** · 08-11-2014 07:37 PM

الفئة الأاولي بقت مش قوي لأنها ألفئة الأقل في بيجو ACess ودي أول مرة تنزل ---

العربية بتمشي 92 من أول ما نزلت ---

وهي سعرها في مصر كان رخيص --- واحد أعرفه في السعودية كان بيفكر يشتريها لقاها ب 100 ألف ريال

وغالبا بيجو كانت بتعمل "فرشة" في السوق وبعد ماتعرفت بدأ يغليها (عن طريق تقليل الكماليات أو نزول الفئة ألأاولي Acess

**ALshahba** · 08-11-2014 08:33 PM

رحت لمعرض صﻻح سالم وللاسف لم اجد 508 كانت اتسلمت وحيجيبو واحجه تانيه للعرض

ال508 الفئة اﻻولي والتانيه ﻻبوجد بهما فوج ﻻيت ولكن يوجد بهما اضائه نهاريه اما الفوج ﻻيت فهو فى الفئه الثالثه فقط
المرايات الضم فى الفئتين الثانيه والثالثه

لكن الجديد في الموضوع والجميل انه تم تزويد جميع الفئات بشاشة لمس داخليه
والفئتان الثانيه والثالثه بهم كاميرا خلفيه
جنط 17 فى الفئة الثالثه فقط والباقي جنط 16بوصه
وطبعا الشكل الجديد علي كل الفئات جديد

في امان الله

**chef** · 09-11-2014 11:53 AM

المشاركة الأصلية كتبت بواسطة eng wael

العربيه فيها عيب قاتل فرامل يد عاديه مش كهربا:-(

وهو ده عيب ؟ عموماا الفرامل الكهربا فى الفئه الثالثه (فل اوبشن - وستائر جانبيه وخلفيه )

**chef** · 09-11-2014 12:06 PM

المشاركة الأصلية كتبت بواسطة astra200

الفئة الأاولي بقت مش قوي لأنها ألفئة الأقل في بيجو acess ودي أول مرة تنزل ---

العربية بتمشي 92 من أول ما نزلت ---

وهي سعرها في مصر كان رخيص --- واحد أعرفه في السعودية كان بيفكر يشتريها لقاها ب 100 ألف ريال

وغالبا بيجو كانت بتعمل "فرشة" في السوق وبعد ماتعرفت بدأ يغليها (عن طريق تقليل الكماليات أو نزول الفئة ألأاولي acess

كلامك مليون فى الميه صح صح واؤيدك .. بس اختلف معاك فى نقطه صغننه ان البيجو اللى بينزل السعوديه وخاصه 508 اقل فئه من ناحيه الاوبشن بتعادل الفئه المتوسطه فى مصر..اما بخصوص صاحبك اللى لقاها ب100 الف ريال دى اعلى فئه ... وكانت معروضه للبيع 340 الف جنيه مصرى لا انها بس خليجى والمواصفات الكامله الخليجى مش بتنزل مصر