المشاركة الأصلية كتبت بواسطة mora_farahat
الشمع يوضع بعد غسيل السياره ومن مميزاته انه بيعمل زي طبقه كده رقيقه فوق دهان السياره بيخلي التراب يتشال بسهوله من على العربيه وكمان بيدي لمعه للعربيه.لو فضلت تستخدهه دايما كل شهر مثلا هيحافظلك على دهان السياره بحالته لانك لما تمسح العربيه بفوطه وعليها تراب مع كتر المسح الدهان بيطفي ويبقى فيه زي خيالات كده من تجريح التراب للدهان عند مسحه بيلاحظها قوي الملاحظه بس موضوع ان الدهان بيطفى لونه ده بيبقى واضح بعد فتره خصوصا الالوان الغامقه زي الاسود.المهم ان الشمع بيخلي سطح الدهان ناعم عشان بيبقى فيه طبقه فوق الدهات من الشمع فمع مسح التراب الدهان مش بيتاثر وهتلاحظ بعد وضع الشمع على الدهان ان سطح السياره بقى ناعم
انواع الشمع الكويسه اللي انا اعرفه في علبه صفراء اسمه تقريبا formula 1 على ما افتكر بحوالي 35 او 40 جنيه مش فاكر
انا كده وضحت اللي اعرفه على حسب معلوماتي