مشكله زوايا فيرنا 2015 ارجو الرد

السلام عليكم ورحمه الله
بإختصار شديد
العربيه كانت عندي ف كسره ف الدركسيون طلبت من توكيل العبور عدلها

المهم رجعولي العربيه بتحدف يمين وحاولت حلها معهم اكتر من مره وﻻزال الحدفه موجوده بعد ظبط الزوايا والترصيص
رحت لصديق ليا عفشجي بص ع الفردتين اللي قدام قالي الفرده اليمين مأخره لورا صباع عشان كده بتحدف معاك
معرفش هل العيب من المقصات وﻻ من الكاوتش والحل ايه ﻻن التوكيل ﻻزلت معاه ف مشكله الباور التي لم تحل الى اﻻن
العربيه عامله 3000 كيلو بسبب اني بروح لتوكيل العبور اكثر من مره عشان احل الباوروالحدفه اليمين
بجد زهقت عندي مشكلتين وهما السبب
ومش عارفين يحلوها وكل شويه ارحلهم انا شاري عربيه زيرو توجع قلبي بجد

صعب اوى اوى عربية زيرو يكون فيه تاخير فى العجل عامة للأسف مفيش حل الا انك تزن على دماغ الوكيل لغاية مالمشكلة تتصلح على حسابهم لانه حقك ، وعامة علشان تطمن اكشف زوايا فى مركز محترم وشوف التقرير هيطلع بيقول ايه

التاخير فى الفرد ده بيكون نتيجة خبطة جامدة وانت جايب عربية زيرو - اكشف على الموضوع ده عند حد تانى و تالت قبل ما تعمل اى حاجة

في كسره في الفرده اليمين بتخليها كمان بتحدف دي تالت مره يعملوها وترجع تاني في التوكيل معرفش دا سببها ايه
وصوت المكنه فجأه بقى عالي وفيها رعشه حاسسها
كان قبلها في صوت صفاره وغيرولي طرمبه الميه
بجد انا محتاج حل يا جماعه

اكشف بره الاول
علشان تعرف ايه السبب وتقدرتتعامل مع التوكيل بعد كده

انا كان عندي نفس مشكلتك وفضوا مبهدلني نفس الحوار حوالي ٧ شهور والله وفي الاخر الموضوع انتهي لما غيرولي ٢ كاوتش قدام