رد التوكيل على مقترحات أعضاء نايل موتورز

**tutankhamoun** · 29-10-2008 08:30 PM

السلام عليكم و رحمة الله و بركاته
شكرا لكل من رد في الموضوع و إن شاء الله الصالح العام هو اللي أحنا عاوزينه لينا أولا و للتوكيل ثانيا
لأن مصلحتنا مرتبطة مع مصلحة التوكيل

أنا بقول يا جماعة ننتظر شوية للناس اللي مشككة في الكلام

بالنسبة لغرفة الإستقبال الجديدة
أنا شفتها بعيني و العفش بتاعها وصل طبقا لكلام الأستاذ / آمر

بالنسبة لمكان 6 روافع الجديدة
أنا صورت المكان و الأستاذ آمر أن البدء في الإنشاءات قريب جدا و في خلال نوفمبر سيتم البدء في إنشاء الخرسانات و المباني و على أقصى تقدير سيتم تركيب الروافع و البدء في إستخدامها إن شاء الله في خلال الربع الأول من سنة 2009
يعني بالكتير شهرين أو ثلاثة إن شاء الله

بالنسبة لأسعار قطع الغيار سيتم الاتصال بالتوكيل مرة أخرى و محاولة مناقشة الأسعار و مقارنتها بأسعار السيارات الأخرى

بالنسبة لموضوع الشكاوى
يا جماعة الراجل مدير خدمة ما بعد البيع
يعني دي وظيفته أنه يسمع شكاوى العملاء لو حد عنده شكوى
يبقى ده شئ كويس إن فيه شخص تلجأله إذا حصلك أي مشكله في داخل التوكيل
يعني ده شئ إيجابي و ليس سلبي

لو حد عنده مشكلة أو أي شكوى يقوم بالأتصال بالمهندس / آمر و إن شاء الله سيتم حلها

أنا بس عايز الناس يكون عندها شوية تفائل و ثقة في الناس اللي بنتعامل معاهم حتى يثبت العكس

لان لو فقدنا الثقة في بعض ( عملاء ووكيل )
صدقوني عمرنا ما هانرتاح لبعض

من أول ديسمبر سيتم العمل بموضوع الحجز بالهاتف

الأستاذ المهندس / آمر يقوم حاليا بتجهيز ورقة عمل بها تفاصيل الصيانات الدورية للسيارة
و أسعارها و أوقاتها ............... ( طبقا لتعليمات بروتون ماليزيا نفسها )

أنا رآيي الإنتظار و رؤية ما سيحدث إن شاء الله و التفائل ووضع بعض الثقة في الوكيل حتى يثبت العكس

أنا آسف يا جماعة و الله فعلا تعبان جدا بقالي يومين منمتش و مش قادر بس كان لازم أكتب رد على كلامكم
و إن شاء الله غدا نتناقش في تفاصيل أكتر و يكون عندها جد جديد

و تحياتي لكم جميعا و شكرا

**elmadawy** · 29-10-2008 09:47 PM

يا استاذ توت انا شايف الكلام كله علي القاهرة طيب والاسكندريه ايه موقفها من الكلام ده

**ussamalh** · 29-10-2008 09:58 PM

الف شكر يا اخ توت على اهتمامك بخوانك فى المنتدى
لكن صدقنى كلام المهندس امر بيفكرنى بملف مصر فى كاس العالم كله عبارة عن مكيتات للاستادات مفيش حجاه واقع لكن ماشى المفروض على الاكثر نبتدى باول خطوة و هيا خدمه حجز الصيانة الى مفروض تبتدى اول ديسمبر

لكن ارجوك يا اخ توت كمل جميلك مع المهندس امر و بلغه ان كل اعضاء المنتدى ونا صدقنى هروحله كمان عشان يفهم ان قطع الغيار كده حرم جدا الاسعار دى و

وانا معاك ياستاذ مزجاجنجى فى ان الاميل لازم يروح ماليزيا و بسرعه عشان يوصل للتوكيل و بالاخص مالك التوكيل انه لازم يغير من طريقته فى ادارة التوكيل عشان يستمر التوكيل معاه لان المهندس امر و حبيب و احمد عبد الحميد كلهم موظفين بينفزوا سيساة عز العرب

اسامة