يا باشا انا غالبا في الرنج ده
بس ده قليل جدا من غير تكييف و في عربيات تانيه بتعمل اكتر من كده
عرض للطباعة
100 كيلومتر في 20 لتر انا اولع في العربية
مين قال الكلام دة
اذا كانت النويرا غول بنزين و اوتو
جوة البلد بتعمل من 180 -190
و على الطريق من 190 -230
الفكرة في عدة اشياء
1- طريقة سواقتك
2- نوع البنزين المستخدم و دورة الوقود و الرشاشات
3- البوجيهات و دورة الكهرباء
4- عمر المكنة وقوة الكبس
5- وزن العربية و حجم الكاوتش و نسبة الهواء فية + مستوى تماسك العفشة
انت كدة فية حاجة غلط عندك
مفيش حاجة اسمها 100 كيلو لكل 20 لتر دة لو عربية 8 سلندر ممكن هه شوية اصدقك
لكن عربية 1600 كامة واحدة يبقى كتير فحت
فية حدود للاستهلاك العالى
يعنى العربية فيها حساس شكمان خرب
بدل ما تعمل 200 كلم في الصفيحة تعمل 190 او 180
لو البوجيهات خربت
هتلت معاك اولا و مش هتعرف تمشي بيها و العربية تعمل 120 كلم في الصفيحة ودى اسواء حالة
وزيها لو المومبينة او حساس الكرنك باظ
لو رشاشات
حسب مستوى التهربيت هتلاقى العربية هتعمل مابين 140 الى 160 كلم في الصفيحة
هتعمل التالى
1- كشف كومبيوتر على كل الحساسات
2- من الكشف لو ظهر حساس خربان يتغير
3- شوف توقيت الرشاشات المفروض كلما كان التوقيت اقل كلما كان افضل التوقيت المثالى 1.3 ملى ثانية و التوقيت العادى يصل الى 2.5 ملى ثانية اكتر من كدة يبقى فية رشاش او اكتر مسيل
4- قياس كبس المكنة يعرفك العربية فيها تهريب ولا لأه لو حصل تهريب لازم المكنة تتعالج سواء شنابر او صبابات
5- قياس العادم وكلما زادت نسبة اول اوكسيد الكاربون تعرف ان الحرق سيء و يحتاج ضبط لتوقيتات الشرارات"دى كومبيورت مش هتعرف تعملها
و ضبط للتاكيهات الميكانيكيى المفروض يعرفها
واخيرا انا عاوزك تجرب تمشي سلانسية لفترة بمعنى تسوق العربية بصباع رجلك الكبير و على اخف ما يكون
وتمشي كدة فترة
تطلع هادى تزود هادى المهم رجلك متعديش الربع الاول من بدالة الاكسريتور
هتلاحظ تحسن واضح جدا في استهلاك البنزين و شوية شوية العربية هتبدأ تصلح نفسها في الاستهلاك "الكلام دة انا مجربة شخصيا " بعد ما غيرت طقم شنبر خففت رجلى جدا علشان التليين و استمريت بالسواقة بالطريقة الهادية فترة صلحت عربيتى مع انها رجعت تاكل بنزين بس مش زى الاول
الانوس بتعمل من 200 ل220 فى الصفيحه من غير تكيف على الطرق المفتوحة السريعة لكن ال 100 كيلو فى الصفيحه تبقى العربيه مش مظبوطه
غير الرشاشات
السلام عليكم
بعد اسبوعين تجربه وتغيير البنزينه الي بحط منها
واعاده الحساب مره تانيه عشان اتأكد زي ما قال الاخ moko
لقيت العربيه بتعمل 140 ك في الصفيحه فالعمل ايه لاني جاتلي صدمه
اكني راكب عربيه 2800 cc
.
اضافه لكلام الاخ موكو
انت تنجد الكنبه اللي ورا من اول وجديد لانه ساعات في نوع من السفنج مش كويس بيشم البنزين من الطرمبه اللي تحت الكنبه .. وده ممكن يهدر في البنزين جامد ...