اسبرانزا انفى 2015 استلام امس

**naros_701** · 30-10-2014 08:56 PM

الف شكر لكل الاعضاء الذين شاركوا
ده تقرير عن يوم واحد استخدام وماشى حوالى 50 كم فى اليوم ملاحظاتى ممكن تكون بحكم الركوب لعربيات اخرى او اكون مبالغ :

اولا فتحت غطاء السيارة الكبوت لقيت الوش اللى فى الموتور راكب من جنب و الجنب التانى لاء
ثانيا العربية بعد التشغيل بشوية 10 دقائق تقريبا مراوح التبريد تشتغل
ثالثا الفرامل خفيفة و ضعيفة عايزة تترجلش و فرامل اليد كذالك
رابعا صوت المرش عن التشغيل اعتقد فى خشونة
خامسا العفشة ناشفة شوية يمكن بتلين
بعد مشى شوية بالليل حسيت بسخونة بسيطه جوه العربيىة اعتقد من هوايات التكيف و التكيف مقفول اصلا
سحب العربية كويس مش وحش بس مقدرش اعدى عداد rpm عن 2 او 2.5 عشان مكتوب فى الكتالوج كده
للتليين
الفتيس ده حكاية معايه المرشيدير سعات ميعشقش من اول مره رغم انى دايس الدبرياج على الأخر
باسمع صوت مراوح تبريد الراديتير وانا جو العربية فتحت الكبوت لقيت مروحتين 2 مروحة جنب بعض شغلين فى نفس الوقت انا اعرف ان واحد اساسى لتبريد الراديتير و التانية تشتغل مع التكييف فقط او فى حلات السخونة الشديدة تعمل الاتنين مع بعض شيكت على مية التبريد القربة تمام
دى ملاحظاتى هل انا مبالغ يمكن
تقفيل العربية جيد جدا و اعتقد احسن من جيلى و كمان الفيرنا
ممكن العربية كل ماتمشى اكتر تتظبط اكتر انا متوقع كده او بعد صيانة الالف كيلو
الفرش الداخلى جيد مفتاح الكونتاكت المفروض كما هو فى الكتالوج هو و الولاعة حوليهم دايرة مضيئة للاستخدام اليلي بس هما مش منورين هل ده اوبشن اتشال فى التقفيل المصرى
الاءضاءة ممتازة سواء العالى او الواطى بمستوياته الخمسة او الشبورة رائعة
ححاول اوافيكم بكل جديد مع صور انشاء الله شكرا

**ARKOON** · 30-10-2014 10:20 PM

المشاركة الأصلية كتبت بواسطة naros_701

الف شكر لكل الاعضاء الذين شاركوا
ده تقرير عن يوم واحد استخدام وماشى حوالى 50 كم فى اليوم ملاحظاتى ممكن تكون بحكم الركوب لعربيات اخرى او اكون مبالغ :

اولا فتحت غطاء السيارة الكبوت لقيت الوش اللى فى الموتور راكب من جنب و الجنب التانى لاء
ثانيا العربية بعد التشغيل بشوية 10 دقائق تقريبا مراوح التبريد تشتغل
ثالثا الفرامل خفيفة و ضعيفة عايزة تترجلش و فرامل اليد كذالك
دا طبيعي في كل الموديلات المصري ومع اول صيانة بتتعمل هتحس بالفرق .
رابعا صوت المرش عن التشغيل اعتقد فى خشونة
حاول تشغل بعد ما الصفارة تسكت بتكون الرشاشات اشتغلت والعربية مهيئة للتدوير .
خامسا العفشة ناشفة شوية يمكن بتلين
اكيد
بعد مشى شوية بالليل حسيت بسخونة بسيطه جوه العربيىة اعتقد من هوايات التكيف و التكيف مقفول اصلا.
السخونة في البداية عادية العربية لسة جديدة . ( المهم تكون شيكت على السوائل كلها ومياة تبريد مضوبطة )
سحب العربية كويس مش وحش بس مقدرش اعدى عداد rpm عن 2 او 2.5 عشان مكتوب فى الكتالوج كده
للتليين
الفتيس ده حكاية معايه المرشيدير سعات ميعشقش من اول مره رغم انى دايس الدبرياج على الأخر
هوا بالفعل تقيل حبتين في الاول ومع الاستخدام بيلين ( ولو سقت الفيرنا او اللانسر حتحس انه تقيل اوي )
باسمع صوت مراوح تبريد الراديتير وانا جو العربية فتحت الكبوت لقيت مروحتين 2 مروحة جنب بعض شغلين فى نفس الوقت انا اعرف ان واحد اساسى لتبريد الراديتير و التانية تشتغل مع التكييف فقط او فى حلات السخونة الشديدة تعمل الاتنين مع بعض شيكت على مية التبريد القربة تمام
دى ملاحظاتى هل انا مبالغ يمكن
تقفيل العربية جيد جدا و اعتقد احسن من جيلى و كمان الفيرنا
ممكن العربية كل ماتمشى اكتر تتظبط اكتر انا متوقع كده او بعد صيانة الالف كيلو
طبعا هتفرق معاك كتير والصيانات الدورية مهمة جدا .
الفرش الداخلى جيد مفتاح الكونتاكت المفروض كما هو فى الكتالوج هو و الولاعة حوليهم دايرة مضيئة للاستخدام الليلي بس هما مش منورين هل ده اوبشن اتشال فى التقفيل المصرى
ايون اتشال عشان بيكلفهم كتير

الاءضاءة ممتازة سواء العالى او الواطى بمستوياته الخمسة او الشبورة رائعة
ححاول اوافيكم بكل جديد مع صور إن شاء الله شكرا

ألف مبروك العربية مرة تانية يا فندم .تحياتي.

**tameromarw** · 31-10-2014 01:50 PM

مبروك عليك وربنا يملهالك بركة

**naros_701** · 01-11-2014 08:17 AM

شكرا ليك و للجميع كتير
لاحضت لم شيكت على زيت الموتور كان ناقص عند اقل من الحد الادنى min كملته بزيت موبيل حوالى نص لتر لحد ماكان بين ال Min و max
اتزان العربية كويس حملت عليها كان فيها ثلاث افراد و طفلين كان ارتفاعها عن الارض كويس جدا وفى المطبات معقولة
وكنت قابلت أ/ محمد و أ/ رامى ملاك برضه لل الانفى و شوية مقارنات بينها و بين الصينى تقريبا نفس التقفيل و الجودة انا مشتفتش فرق غير لون الفرش و الصالون و الايرباج و دركسيون المالتى فنكشن
حتى نفس صوت الموتور و المرش
و بكل جديد انشاء الله حتكب عشان الفايدة تعم

**bassemali** · 03-11-2014 01:47 PM

متااااااااااااااااااااااا اااااااابع معاك ...

**naros_701** · 03-11-2014 07:09 PM

شكرا للجميع
من يومين بدأت افحص العربية بتركيز بسيط من تحت لقيت مدهونة بمادة عازلة زى الانتركوت لحماية العربية من العوامل الجوية و المية و كده وده شىء كويس كمان لقيت ان الموتور مربوط على شداد بعمود من تحت قى نص الحوض السفلى للموتور كويس بس لما تيجى تركن تخلى بالك لان لو الرصيف كان اوطى سنة من الاكصدام حتخبط فى العمود السفلى اللى رابط فى الشداد
ياريت لو كان فى مصفحة تحت كارتيرة الموتور لانها بتحمى الموتور قوى يمكن ماحطوهاش عشان مخرج فرن الموتور يكون فى تهوية للفرن
بدات أخد عليها شويو بشوية ماشاء الله بحس بعزم العربية كمنوال
فى شوية عضة فى الفتيس للمارشيدير R فقط
نظام العفشة من تحت تحس انه ممسوك كويس بعددة وصلات
نظام الباور خفيف و سهل اكتر من الرينو للباور الكهربه ماشاء الله
نوعية الكاوتش كويسة R15/195/55 GT
يوجد اماكن لتثبيت كرسى الاطفال فى الخلف
و يوجد ايضا مكان و سلك جاهز اتوصيل سماعات خلفية صغيرة
وكل جديد ححاول ابينه فى العربية ENVY او Chery E5

**bassemali** · 03-11-2014 07:49 PM

اهم حاجه عيوب التقفيل المصري ظهر منها حاجه معاك .. يعني عدادات بتهيس .. فوارق ف الصاج .. مشاكل ف الكهربا .. كل دي عيوب التجميع المصري للاسف .. صحيح بتتظبط مع زيارتين تلاته للتوكيل على شوية زعيق بس بتبقى تضايق برضه بصراحه .. متابعين معاك وياريت كل ملاك الانفي يشاركوا ف الموضوع بملاحظاتهم وانطباعهم عن العربيه ..

**ARKOON** · 03-11-2014 08:13 PM

ابو الفتوح شغال على عربيتين تيجو وانفي فلازم يهتم بيهم .
جميع موديلات اسبرانزا اثبتت ناجحها في السوق المصرية واكبر دليل على ذلك وصول سعر السيارة a113
من 48 ألف حتى السعر الحالي 68 ألف .
موديلات التيجو في عام 2009 كان سعرها 84 ألف اليوم 105 ألف للشكل القديم و118 للفيس لفت : )

**mohamed_awwad** · 03-11-2014 08:14 PM

ربنا يباركلك فيها ويكفيك شرها انا كمان معايا انفى عاملة تقريبا 6800 كيلو العربية بالنسبة لموضوع صفيحة الموتور هو فى زى حماية كده من تحت الاكصدام الامامى عاملة زى صفيحة بعرض العربية من تحت بتحمى اى جاجة تيجى لمستوى الموتور لان انا حصل معايا انى عديت على حجر واتحشر عند الصفيحة دى ... وربنا يسترها علينا ويحمينا

**naros_701** · 04-11-2014 02:56 AM

المشاركة الأصلية كتبت بواسطة bassemali

اهم حاجه عيوب التقفيل المصري ظهر منها حاجه معاك .. يعني عدادات بتهيس .. فوارق ف الصاج .. مشاكل ف الكهربا .. كل دي عيوب التجميع المصري للاسف .. صحيح بتتظبط مع زيارتين تلاته للتوكيل على شوية زعيق بس بتبقى تضايق برضه بصراحه .. متابعين معاك وياريت كل ملاك الانفي يشاركوا ف الموضوع بملاحظاتهم وانطباعهم عن العربيه ..

شكرا للمتابعة
فروقات الصاج دى حاجات لاتذكر فى الباب الخلفى شمال ويمين لازم تدقق اوى عشان تشوف فرق كام ملى او الاكصدام الخلفى ناحية الفوانيس الخلفية شفت فروقات بسيطة فى العربية المعروضة جنب عربيتى فى المعرض و سالته عليها قالى دى بسيطة
اما الكهربه فلازم تستنى لحد ما كومبيوتر العربية يعمل تشيك على جميع المؤشرات سواء انجكشن او حرارة او زيت ........ الخ بعد كده تشغل و بتاخد 3 او 4 ثوانى عادى
المارش صوت خشن شوية وده شفته مع عضو معاه نفس العربية 2013 تقفيل صينى
الفتيس فى المارشدير بقى انعم شوية تقريبا ده كله مع التلين
شكرا