الموضوع: رايحين اسرائيل ليه

http://www.almasry-alyoum.com/articl...ticleID=184209

«حقيبتان من المعسل» تكشفان سفر وفد من وزارة الزراعة إلي إسرائيل

كتب هشام إبراهيم ٢٨/ ١٠/ ٢٠٠٨

بسبب حقيبتي معسل، حاول أحد العاملين في وزارة الزراعة تهريبهما إلي تل أبيب، تكشفت مساء أمس الأول، في مطار القاهرة أجندة وفد مصري رفيع كان في طريقه لإسرائيل للمشاركة في دورة تدريبية علي أساليب الزراعة الحيوية، تستغرق ثلاثة أسابيع.
كان الموظف «ف.ز» قد توجه إلي المطار بصحبة باقي المتدربين التسعة والعشرين، وأثناء إنهاء إجراءات السفر الخاصة بالطائرة المصرية «إيرسينا» المتجهة إلي تل أبيب، عثر ضباط الجمارك علي حقيبتين تحويان أجساماً غريبة، وبالكشف اتضح أنها عبارة عن مئات من علب «المعسل».
واعترف الموظف في التحقيقات بأنه قام بشراء هذه الشحنة لبيعها في إسرائيل لارتفاع ثمن المعسل هناك.
قام أحمد فؤاد، رئيس وفد «الغذاء العالمي» بوزارة الزراعة - عقب علمه بالواقعة - بالاتصال بأمين أباظة، وزير الزراعة، الذي أمر بإلغاء سفر الموظف القادم من محافظة المنوفية.
حاولت «المصري اليوم» الاتصال بوزير الزراعة للتعليق علي الواقعة، لكن هاتفه لم يكن متاحاً، نظراً لوجوده برفقة الدكتور أحمد نظيف الذي قام بزيارة سيناء أمس، وقالت المصادر إن البرنامج التدريبي للوفد المصري في إسرائيل مستمر حتي ١٣ نوفمبر المقبل.

المشاركة الأصلية كتبت بواسطة kh_talaat

موضوع التعاون مع إسرائيل (الله يحرقها ) في مجال الزراعة موضوع قديم بقاله أكتر من 15 سنة في مصر ومعظم الشركات الزراعية الكبيرة في مصر بتتعامل معاهم ، أنا مثلا مره كنت رايح مقابلة في شركة زراعية مصرية مشهوره أسمها Pico وعلى فكره سلسلة محلات لابوار تابع للشركة دي ، المهم في المقابلة كنت بتناقش في الشغل مع مدير في الشركة وكلمني عن تعامل الشركة مع اسرائيل في المجال الزراعي ، ولما أستنكرت كلامه قالي اسرائيل دوله متقدمة جدا في مجال الزراعة ومش عيب ان احنا نستفيد منها !!!!!!!

على فكرة انا برده حصل معايا نفس الكلام.
رحت اعمل Interview في شركة اتصلت ليا عايزيني اشتغل معاهم.
رحت وعملت الأختبارات بتاعتهم وكله تمام وجينا بقي للمقابلة الشخصية قعد اتكلم معايا شوية وسألني الأسئلة المعتادة وكده وبعدين دار الحوار التالي:
هو: احب الفت نظرك ان شاء الله لو حصل نصيب واشتغلتي معانا لمعلومة بما اننا شركة زراعية فإحنا لينا شغل مع اسرائيل وتعاون مباشر بينا وبينهم فهل عندك مشكلة في ده؟
انا: ايوة طبعاً
هو: ليه مالدولة بتتعامل معاهم عادي يعني
انا: قلتله التعامل معاهم في الظروف العادية جائز لكن اثناء الحروب يحرم التعامل معاهم
هو: بس احنا دلوقتي مش في حالة حرب معاهم الحرب انتهت خلاص من زمان
انا: حضرتك بتتكلم عن حرب دولية ولا حرب مع المسلمين؟ لو على مصر اه فعلا مفيش حرب بينا وبينهم حاليا لكن في حروب ليهم مع المسلمين في فلسطين وغيرها
هو: اااااه لا انا كنت بتكلم على ان مفيش حورب بين الدولتين حالياً بس عموما احنا كلنا كنت مترددين في الأول وانا اول ماشتغلت هنا كنت رافض بس بعد كده اقتنعت والدنيا مشيت عادي يعني
انا: طيب عموما حضرتك لما يحصل قبول في الوظيفة الأول نبقي نتكلم في الموضوع ده واكون فكرت يمكن اقتنع زي حضرتك
وانصرفت بهدوء ومشيت وطبعا كنت مصدومة ومتنكدة بس الحمد لله متصلوش بيا ومشتغلتش معاهم وحتى لو كانوا اتصلوا وقبلوني مكنتش هاوافق اشتغل معاهم برده.
يالا ربنا يسترها معانا يارب