من باب التسلية .. ممكن تحكي لنا عن أول مخالفة وقفك الضابط عشانها، و إيه اللي حصل.
عرض للطباعة
من باب التسلية .. ممكن تحكي لنا عن أول مخالفة وقفك الضابط عشانها، و إيه اللي حصل.
أنا هابدأ بنفسي ..
أنا مبدئيا ملتزم جدا بقواعد المرور، حتى أصحابي لما بيركبوا جنبي بيتخنقوا من سواقتي الهادية، والإشارات والذي منه.
المهم كنت مسافر من المنصورة لاسكندرية، وأنا عمري ما بازود عن 90 كم في الساعة، لقيت لجنة قبل طنطا والضابط بيقولي الرخص، طلعتها له لقيته بيقولي مخالفة سرعة!
استغربت لأني ماشي وكل العربيات بتعديني، وقولتله سرعة إيه؟ قاللي كنت ماشي على 90 والطريق ده أقصى سرعة فيه 60، طبعا استغربت وسألته إزاي وأنا ما شفتش أي علامة بتقول الطريق 60، قاللي الجهل لا يعفي من المسئولية القانونية. ولأني مش يتاع مشاكل فضلت التصالح الفوري ودفعت الـ 150 جنيه.
ردار بس مدفعتش وكل مخلافاتي ردار وكنت بجيب الرخص بواسطه
بس خايف علشان كمان اسبوع رايح اجدد رخصه القياده
ربنا يسترها
اول مرة في حياتي حد يوقفني
كان في ميدان التحرير
وداخل ضارب العالي و مش رابط الحزام وماسك الموبايل
والاجدع معييش رخص خاللص؟
رحت مطلع الاموال و مروح سالم غانم
اول مخالفه لسه عاملها امبارح
زجاج ملون ولوح مخالفه للون والحجم وملصقات علي الزجاج الامامي
واتسحبت الرخص بس بلدك بتاعت شهادات وجت الرخصه تاني يوم الصبح بالواسطه
اول مخالفة عملتها كانت وقوف فى الممنوع رحت قضيت مشوارى حوالى ساعة كدة جيت لقيت العربية متكلبشة
مع العلم انى لما وقفت العربية مكنتش اعرف ان دا ممنوع ومفيش اى حاجة بتقول ان المكان ممنوع الوقوف فيه وفعدت ادور على الضابط علشان يفك الكلبشات وبعد حوالى نص ساعة لقيته فقلتله اى اللى يعرفنى ان المكان دا ممنوع الوقوف فيه قاللى فى يافطة متعلقة فى آخر الشارع
يعنى علشان اعرف ان ممنوع الوقوف لازم امشى لآخر الشارع وبعدين ابقى ارجع تانى اركن اذا مكنش فى يافطة
قلتله دا مش كلام منطقى فمردش وبعدين كان فى ناس كتير عربياتها متكلبشة
المهم فال للعسكرى فك الكلابش وقاللى خلاص بس متقولش لحد انك مدفعتش
اول مخالفة كانت من حوالي 3 شهور , و انا علي طريق رأس غارب/الغردقة الساعة 9 مساء كنت ماشي علي 170 كم/ساعة و اتصورت رادار طبعا اتسحبت رخصتي بس بعد ماعملت شوية اتصالات جبتها بعد حوالي 4 ساعات و الظابط قطع الايصال
هي كانت اول مرة اعمل فيها مخالفة و بصراحة انبت نفسي جامد و اقسمت اني مش هاعمل اية مخالفة مهما حصل لاني بطبعي ملتزم
و الحمد لله حتي الان الامور ماشية و لما جددت الرخصة ماكانش في علي اية مخالفات
الحمد لله مفيش مخالفات لحد دلوقتى
ربنا يجعل كلامنا خفيف عليهم :funny34d:
أول مخالفه كانت تصوير سرعه 131 كم على الطريق الزراعى عند كفرالزيات بعربيه بيجو 504
والكلام ده كان من حوالى 12 سنه
اول مخالفه كان كلابش وانا راكن فوق الرصيف امام جامعه عين شمس كليه التجاره
اول مخالفه كانت في شرم الشيخ كنت لسه مطلع الرخصه مبقالهاش اسبوع
وقفني امين شرطه بعربيه الشغل وقالي الرخص اديتهمله بكل ثقه رابط الحزام ومفيش مشاكل قالي الرخص منتهيه قلتله رخص ايه قالي الاتنين قلتله انتا مبتعرفش تقرا دي الرخصه بقالها اسبوع دي لسه سخنه قالي اه صحيح رخصه العربيه منتهيه نزلت للظابط قالي رخصه العربيه خلصانه بقالها يومين قلتله ماشي في شهر سماح قالي لا ده تصريح والتصريح مفيهوش سماح وراح عامكل وصل للاتنين قلتله اسحب رخصه العربيه بس ليه تسحب رخصتي قالي بدام تصريح يبقي المفروض اسحب الاتنين والعربيه واخدك اعملك محضر قلتله ليه ياعم هو انتا مسكت معايا مخدرات انا بشتغل في الشركه الفلانيهبتاعه فلان قالي انا عارف طب خلاص ملوش لازمه قالي لا هسحب الاتنين وعارف ان انتا هتيجي بعد شويه وتجيب واسطه وتاخدهم
وفعلا حصل
انت فكرتني بمخالفة خنقتني جدااااا
مرة كنت مستعجل و عايز اخد المترو روحت ركنت العربية في شارع 9 عند محطة المعادي صف اول مع العربيات الهيئة الدبلوماسية و كان في عربيات بي ام و مرسيدس ملاكي عادي
المهم رجعت بعد 5 ساعات كدا لقيت عربيتي الوحيدة الملزوق عليها مخالفة انتظار و العربيات التانية مش واخد مخالفة زيي حاجة تنرفز :036:
بصراحة اتظلمت
أول مخالفة ركن في الممنوع سنة 2004 علما بأني لسة جايب العربية السنادي؟؟؟؟!؟!!؟!؟!؟!
أول مخالفة حقيقية سرعة علي المحور بعربية الشغل الحمد لله.
اول مخالفة فى حياتى كانت من اسبوعين تقريبا و كانت سير عكس اتجاه بس الحمد لله اتحيلت على الظابط شوية و خدت رخصي تانى :biggrin24:
في الكويت :-
كنت طالع فوق رصيف و جيت لقيت كل العربيات اللي فوق الرصيف عليها مخالفات بس الغريب لغاية الوقتي ( تقريبا من 11 سنة ) لم أدفعها و لو تنزل على كمبيوتر المرور خالص .
في مصر :-
كنت نازل أجازة و مش عارف موضوع الحزام في مصر خالص و ماشي عادي جدا مش عارف ملازم أول طلع لي منين و لقيته بيقولي مخالفة علشان الحزام و أخد الرخصة رحت تاني يوم جبتها و دفعت ( 55 جنيه) تقريبا.
اول مخالفة فى حياتى كانت من سنتين مكنش معايا رخصة العربية ومكنتش طلعت رخصة لسة ولما ملقاش معايا الرخص قالى ورينى بطاقتك اديتة كارنية الكلية وكان بيغلس وبيقولى ان العربية حتتسحب منى روحت راكن العربية وعملت طبعا تليفون مهم
5 دقايق والباشا الظابط كان بيعتزرلى على اللى حصل
اول مخالفة ليا كان بعد يومين من استلامى لرخصتى طالع على الزراعى قبل كفر الزيات لقيت لجنة بتوقفنى وبيقلى سرعة كنت ماشى على 100 الزراعى اخرة 90 وسحب الباشا الرخصة وطلعت انها لجنة من القاهرة وخدوا رخصتى على القاهرة وقعدت طبعا الرخصة شهر على مجت بس انا جبت تصريح مؤقت لحد مجت الرخصة
الحمد لله الحمد لله ولا مخالفة حتى الان
يارب قنا شر ضباط ومخالفات المرووور
ههههههه توبك حلو وفكرتنى بالذى مضى قبل ما ابيع العربيه
كنا فى مصر الجديده ادام الميريلاند انا وصحابى كنت بنفوت ع توكيل نايكى واديداس اللى جنب بعض المهم مش لاقى مكان اركن فيه فقولتلهم انا همشى براحه وانتوا ادخلو واخرجوا انا كنت ماشى هادى اوى اوى كان العربيه ماشيه فى السيانسيه خالص لقيت العسكرى فى المرايه بيكتب نمرتى رحت باصصله وقولته انا موقفتش العجل علشان تكتب نمرتى قاللى مانت مش لابس الحزام !!! قولتله لا فالح يا عسكرى نفر وعندت مع نفسى وحلفت انى مش هدفعله حاجه وخليها فى الاخر
سحب رخص عشان الفامية وتغير لون اللوحات
مره كنت فى المطار وكنت مستنى خالى واتصل قالى انا مستنيك عند مبنى كريستال مش معقوله هقوله فين كريستال ده وكنت ساعتها تانى مره اروح المطار ومش حافظه فسالت ناس كانت واقفه هو فين مبنى كريستال قالولى امشى كده وخش يمين ماتمشيش مع الطريق علشان لو فضلت ماشى هتلف مع الطريق وهتيجى هنا تانى المهم مشيت ونسيت الفاتحه وفضلت ماشى لحد ماتهت ولازم امشى علشان ولا هينفع ارجع وولا فى يمين ولا شمال فضلت ماشى لحد ماوصلت للناس اللى سالتهم فى الاول قالولى تانى مش قولنالك خش يمين قولتلهم مخدتش بالى من الفتحه هى فين بالظبط قالولى هتلاقيها كمان 200 متر كده على اليمين فضلت ماشى براحه علشان مايحصلش زى ماحصل الاول المهم لقيت ظابط فبقوله هو ده مدخل مبنى كريستال قالى اة لف زى ماجيت وخش علشان مش هينفع ترجع بضهرك قولتله مش هينفع ال 2 متر دول ارجعهم بضهرى والشارع فاضى قالى لا قولتله كل سنه وانت طيب انا اتاخرت على اللى جاى اجيبه والله قالى لا رجعت نص متر قالى انا مش قولتلك ماترجعش قولتله ماانا ماشى اهو قالى ماشى وقعدت يكتب فى نمره العربيه قولتله انت بتنقل النمر ليه طيب قالى علشان مش لابس الجزام !!!!!!!!!!!!!!!!!!!!!!
وساعتها لفيت تانى والناس شدت فى شعرها مني وخالى اتصل بيا وافتكرنى لسه ماجتش واني اتاخرت عليه وكان يوم زى الفللللل معلش انا طولت عليكم بس انا بحكى الموقف ...
على الدائري .............كانت مخالفة رادار(كنت ماشي على 100 و)
سألت الظابط : هي السرعة كام ؟؟
الظابط: 90
انا: وفين اليافطة ؟؟
الظابط : بعد النفق
انا: والردار فين؟؟
الظابط : تحت اليافطة
ومكنتش طلعت رخصة قيادة
الظابط قاللي فين رخصة القيادة قلتله في البيت
قام سحب رخصة العربية وكتب ( سرعة 100 و بدون قيادة)
وجيبتها في الاخر من غير واسطة ب 50 جنيه
رغم ان المخالفة 200 جندي
واديت للعسكري 20 جنيه
انا رايح الشغل مرة لاقيت كمين عن منزل كوبرى المظلات
كل اللى قال لى "على فين"
قلت له رايح الشغل
قالى اتفضل