هو ازاي العداد بتاع الامجراند لحد 240 كم/س .. و برغم كده بيقولوا اقصي سرعة للعربية هي 165 كم/س ؟!!! مش فاهم ايه الفرق !!
عرض للطباعة
هو ازاي العداد بتاع الامجراند لحد 240 كم/س .. و برغم كده بيقولوا اقصي سرعة للعربية هي 165 كم/س ؟!!! مش فاهم ايه الفرق !!
ياباشا العداد بيتكتب على حسب أقصى عزم للماتور وده بيكون على السرعة القصوى إلي مينفعش تمشي بيها فترة كبيرة بتكون سرعة لوقت بسيط
وطبعا الأر بي إم بيكون على حسب الكاتالوج 5800 rpm
السرعة 165كم/س دي السرعة إلي تقدر تمشي بيها مسافات كبيرة تسافر بيها مثلا ويكون إتزان العربية كويس
بعد كده الإتزان بيقل على حساب السرعة
لو مش هيفرق معاك الإمكانيات والكماليات والوسع خليك في الفيرنا
لو عايز عربية بكماليات ممتازة وصالون شيك خليك في الإميجراند
تمام بس انا كده كده معايا فيرنا بس قابلني مشكلة الوسع !! الفيرنا للاسف مش واسعه و بسافر كتير و هي للاسف ضايعه في الثبات علي الارض خصوصا ان الطرق زي مانتوا عارفين في الضياع !! ده اللي خلاني افكر في الامجراند
الامجراند ماشاء الله ممتازة
بس مشكلتي مع التخبيط لأني لسة في الاول
فاعتقد طالما انت كويس في السواقة يبقي هتفيدك كويس جدا ان شاء الله
مشكلتها العامة اعتقد في سعر اعادة البيع
ياريت لو حد يفيدنا عن سعر اعادة بيعها,
لو عاملة 5000 كيلو مثلا
ولو عاملة 1000 كيلو
ولو عاملة 30,000 كيلو
كل واحدة يبقي سعرها في حدود كام تقريبا ؟ لأنه سؤال محيرني, ياتري هتخس كام في سعرها, مع العلم اني شاريها بـ 87,000
بص انا وجهه نظري الامجراند مش هتقل بالعكس العربية من كلام الناس بتثبت وجودها كل يوم عن اللي قبله و قطع غيرها موجوده و رخيصه و كمان سعرها بيزيد كل يوم فاعتقد ان سعر اعادة البيع مش هيقل اوي و الخسارة هتكون معقوله ده رأيي .. بس الحمد لله انك شجعتني علي العربية :)
سيبك من كلام الكتالوج 165 والحوارات دي العربية ممكن تجيب معاك لحد 220 وممكن 240 كمان لو ماشي طريق مفتوح وفاضي و الهواء في ظهرك