مولد هوندا كاتم للصــوت ، أسئله واستفسار

**rotanamasoud** · 01-11-2014 06:12 PM

المشاركة الأصلية كتبت بواسطة boriooo

شكراً لاهتمامك ، ولكن للأسف الشقه في عماره ومش متاح ليا إني استخدم السطح ولا حتى عندي بلكونه

والشقه مساحتها صغيره ، شكلي هتجه للانفيرتر ، بس معلش هو بالنسبه لعيب اعاده الشحن وغلو

سعر البطاريه الديب سايكل ، إيه احسن نوع فيها ؟ وعمرها الافتراضي في حدود كام سنه ؟ يعني لو ده

اكثر عيب في سهل التغلب عليه على ما أظن .

حضرتك حتمشى فى اتجاهيين
الاول انك تحول كل اللمبات الى ليدات ودى حتوفر واط كتير جدا اللمبه الموفره 25 واط والليد 5 واط يعنى الواحده ب5 لمبات موفره
توفير الواط حيساوى وقت تشغيل اطول وراحه للانفرتر لانه بيشتغل بطاقه اقل من الطاقه القصوى= ثبات وامان وطول عمر للبطاريه
البطاريه الديب سايكل عمرها 5 سنوات من تاريخ الانتاج تصل ل7 سنوات بس لازم الانفرتر يكون سمارت تشارجر عشان يشحنها بطريقه صح
ولو حتجيبه جيبه دلوقت(على شهر 1 عشان يكون مفيش طلب والعرض اكتر للحصول على سعر جيد) من غير البطاريه وخلى البطاريه على دخله الصيف
ممكن تحط بطاريه عربيه جافه فى حدود 500 جنيه تقضى بيها الصيف وهى وعمرها معاك(اعتقد الديب سايكل بتبدء من 1500) ولو غيرت واحده كل سنه تعتبر مصاريف تشغيل معقوله ويمكن تعد سنتين تكون حللت تمنها

**canner** · 02-11-2014 10:12 AM

ممكن تحطه فى صندوق خشب مبطن بأسفنج صناعى و يكون فيه فتحه للعادم و فتحه تركب عليها مروحة لتهويه الموتور و ممكن تركب على صندوق العادم شكمان 128 و تطويله بس لازم تكون مجسوب حسابها صح علشان العادم ما يرجعش تانى على الموتور ح يكتم الصوت شويه كمان و توصله على المنور

**Boriooo** · 02-11-2014 06:38 PM

المشاركة الأصلية كتبت بواسطة rotanamasoud

حضرتك حتمشى فى اتجاهيين
الاول انك تحول كل اللمبات الى ليدات ودى حتوفر واط كتير جدا اللمبه الموفره 25 واط والليد 5 واط يعنى الواحده ب5 لمبات موفره
توفير الواط حيساوى وقت تشغيل اطول وراحه للانفرتر لانه بيشتغل بطاقه اقل من الطاقه القصوى= ثبات وامان وطول عمر للبطاريه
البطاريه الديب سايكل عمرها 5 سنوات من تاريخ الانتاج تصل ل7 سنوات بس لازم الانفرتر يكون سمارت تشارجر عشان يشحنها بطريقه صح
ولو حتجيبه جيبه دلوقت(على شهر 1 عشان يكون مفيش طلب والعرض اكتر للحصول على سعر جيد) من غير البطاريه وخلى البطاريه على دخله الصيف
ممكن تحط بطاريه عربيه جافه فى حدود 500 جنيه تقضى بيها الصيف وهى وعمرها معاك(اعتقد الديب سايكل بتبدء من 1500) ولو غيرت واحده كل سنه تعتبر مصاريف تشغيل معقوله ويمكن تعد سنتين تكون حللت تمنها

صح كده فعلاً انا ناوي اجيبه في عز الشتاء علشان العرض والطلب ، طيب حضرتك اعرف منين ان الانفرتر

سمارت ؟ غير سؤال البياع علشان محدش بيتقي ربنا اليومين دول ، وهل ممكن اجيبه دلوقتي واخليه سنتين او

ثلاثه بدون تشغيل ؟ ده مياثرش عليه ؟

**طارق _عبد السلام** · 02-11-2014 08:53 PM

كل الانفيرترات الهندى سمارت فى الشحن وآمنه فى الشحن .......... لكن الانفيرتر التجميع ما اظنش

ومن ناحيه البطاريه لو حسبتها بديل للبنزين هتلاقيها موفره وانظف والاستهلاك حسب عدد مرات الشحن والتفريغ .... وان شاء الله الكهرباء تتظبط وتبقى تمام لا نحتاج لحلول بديله

**Boriooo** · 06-11-2014 08:54 PM

المشاركة الأصلية كتبت بواسطة طارق _عبد السلام

كل الانفيرترات الهندى سمارت فى الشحن وآمنه فى الشحن .......... لكن الانفيرتر التجميع ما اظنش

ومن ناحيه البطاريه لو حسبتها بديل للبنزين هتلاقيها موفره وانظف والاستهلاك حسب عدد مرات الشحن والتفريغ .... وان شاء الله الكهرباء تتظبط وتبقى تمام لا نحتاج لحلول بديله

شكراً أ/طارق وان شاء الله لو احتجت حاجه اسمحلي ارجع لحضرتك : )