تقرير و استفسار في سيراتو 2015 بعد 200كم
استلمت سيراتو 2015 خليجي اول فئه ولكن يوجد بعض الاستفسارات :
1- لايوجد اوتولوك للابواب بعد سرعة معينة فهل من حل ؟
2- زر اللوك للزجاج يعمل على الزجاجان الخلفيان ولكن زجاج الراكب بجوار السائق لا يعمل عليه
3- عند فتح النور الداخلي يضيئ ازراز الزجاج بالكامل في باب السائق وكذلك الجزء العلوى من زر اللوك on ولكن off لا يضيئ و زر اللوك للزجاج لا يضيئ وازراز ضبط المرايات لاتضيئ ايضا وطبعا مفيش ولا اير باج ولا abs غير الاوكتافيا كان فيها الكلام ده
وغير ذلك السيارة ثباتها مقبول جدا لحد 120 لان السيارة لسه في التليين ( بالنسبة لانه كان معي اوكتافيا 2002 كنت بامشي 180 وباخد غرز والدنيا بيس جدا) ولكن احسن من سيراتو موديل 2010 بكثير فوق ال120 كأنك راكب فيرنا زباله في الثبات بس بفرامل احسن وكذلك الاستجابة للسرعة والكيك داون والتكييف ثلاجة والعزل اكثر من جيد والنور جيد جدا ( مش محتاج اركب زينون زي العربيتين اللي فاتو )
السيارة لون اسود وغيرت الزجاج بآخر اسود 4 جانبي + 1 خلفي فالسيارة في عز الحر وهي مركونة الجو الداخلي مش سخن ومعقول اوي بالمقارنة بأي سيارة اخرى ركبتها ( لانه كان معي شيفروليه لانوس 2012 زجاج فيميه ) كان الحرارة في الداخل استوائية ...... فالاسمر في العربية دي مع الفيميه الاسود وهم و السيارة واسعة و تقفيلها حلو والاستبترونيك فيها جميل جدا وبيطلع قوة الماكينة وعزمها عن الاوتوماتيك :ilikeit: