خلوا بالكوا.مطبات طريق السويس-ك 4.5 اتشالت
السلام عليكم ورحمة الله وبركاته
المطبين اللى معظم الناس كانت بتشتكى منهم وانهم سبب زحام شديد عند منطقة ال ك 4.5 بعد كوبرى الجيش للى رايح شارع الثورة واللى الجاى من شارع الثورة وطالع الكوبرى اتشالوا النهاردة.امتى وازاى معرفش ولكن على الساعة 5 كانوا اختفوا.
نخلى بالنا من ايه :
-البلاعة اللى فى نص الطريق اللى كانت بعد المطب للمتجه لشارع الثورة موجودة.
-النقرتين اللى على الشمال اللى جنب البلاعة موجودين.
-بروز فى الارض من تكسير المطبين موجود ومتساواش.
-موقف الميكروباص والاتوبيس العشوائى على اليمين موجود.
-ارجوكم خلوا بالكوا من اهم حاجة الناس والاطفال اللى بتعدى الطريق من المكان ده وطبعا فيه كوبرى مشاه ممتاز فى المنطقة ديه ولكن كبار السن مش هيعرفوا يستخدموه.
فخلوا بالكوا بقى وانتوا بتجروا.
ربنا يحفظ الجميع ويسترها على الجميع.