كده العربية 1300 اكيد وهو اللي مركبلها مكنة 1500
عرض للطباعة
عايز يا جماعه اعرف رأيكم في سبيرانزا a516 موديل 2007 ؟؟؟؟؟؟؟؟؟؟؟
أبعد عن الصيني " هتغلبك في اعادة البيع لو ناوي مستقبلاً تغير للأفضل " غير انها ضخمة كبودي ع الفاضي
هقولك رأي بما اني مالك اكسنت بس 1300
العربية لو حالتها كويسة هتبقي صفقة ممتازة ، انا عندي التكييف وعلي رقم 2 بكون متلج ، علي 3 او 4 الازاز عندي بيكون مشبر ! فمابالك بالموتور 1500..
أستهلاك بنزين هيوفر معاك اوي يعني التفويلة تكفيك حوالي 400 كيلو ! انا كنت بروح 6 اكتوبر رايح جاي واستهلاكي 1/2 التنك ودي مسافة حوالي 280 كيلو..
قطع الغيار اسعارها هادية " صيانة العربية عندي اخر كل سنة او سنة ونص بصرف حوالي 1500 جنية وبكون عامل سيرفس كامل ليها وسنة كاملة ببقي مطمن العربية تمام الا لو سافرت كتير ممكن في النص اغير زيت مرة وفلتر زيت
العربية سوقها كويس جداً " ناس بتوقفني في الشارع وتسألني لو ببيع او ناوي ابيع ويدوني ارقامهم"
الاكسنت عربية هتحفظها وهتريحك ان شاء الله بس دقق اوي وانت بتشتري علي اساسيات العربية
يعني سيبك من الصالون النضيف وشكل العربية الحلو من برة
لا العربية تترفع وتجري بيها علي السريع تشوف المكنة وتكييفها و العفشة والمساعدين تمام ولا فيهم مشكلة و في النهاية ميكانيكي وعفشجي وسمكري تكون ضامنهم يبصوا ع العربية..
اللانوس افضل من الاكسنت كشكل خارجي وياسلام لو كانت كاملة.. من وجهة نظري لكن هي ازواق وانا كان معايا لانوس 2 كاملة قبل الاكسنت وعربية حلوة اوي واسعار صيانتها وقطع غيارها متقاربة او تقريبا زي الاكسنت
لو قدامك لانوس و اكسنت والاثنين ممتازين - خد اللانوس لكن في النهاية خد العربية اللي حالتها كويسة وسيبك من اى كماليات
اللانوس 1 يعني موديل 1999 و2000
بتتكلم من 40 ل 45 حسب الحالة
واللانوس 2 دايو من 2001 لحد 2008 بتتكلم من 42000 لحد 50 او اكتر وحسب حالة العربية برضة
الاكسنت موديل 99 او 2000 بتتكلم لحد 40 الف
والاكسنت من 2001 لحد 2006 بتتكلم من 40 لحد ممكن 47 او 46 وحسب حالة العربية
يعني ممكن تلاقي موديل 2001 وبيبيع علي 45 بس تكون شركة برة وجوه وعموما صعب تلاقي في الموديلات المستعملة عربية شركة برة انما لاااااااااازم تبقي شركة جوة في اى موديل تشترية