الموضوع: إلى كل عاشق للسرعة وسباقات الشوارع

وبعدين يا أستاذ سبعاوى طول عمرنا بنشوف الأب والأم بيقولو لإبنهم لو هيخرج بعربية سوق براحة يا أبنى / خلى بالك من نفسك وهكذا إذن عندما يخالف الشاب هذه النصائح فهذا دون علم أهله فالماذا تدعى بحرقه قلب أبوه وأمه عليه وعلى العربية
أنا شايف أن حضرتك كنت قاسى جدا فى هذا الدعاء وشكرا

والله ياجماعة انا مش من هوات الجرى ولا الحركات دى
بس انا ليا رأى تانى

لية منقولش انها هواية زى اى هواية مثل اانا ليا صحابى ليهم هواية ركوب الخيل ومأجرين خيول مبالغ كبيرة جدا بس هتعملهم اية دى هوايتهم او كفهم فركوب الخيال فى ناس تانية مثلا هوياتهم لعب البلايستشن وناس تانية هوايتهم يطلعةبالاسبوع والاسبوعين فوسط البحر عشان يصطاده

واان شايف ان الشباب دول واللى بيعمله فالعربية من تجهزات اللى بنشوفها ان دى هوايتهم لكن مافيش مكان معتمد ليها عشان يتجمعه فيه فبيختارة اى ساحة ليستمتعه بهوايتهم......( مع اعتراضى على ازعاج المقيمين بالمنطقة )

ولو كان حد من الحكومة عملهم مكان مخصص لتفجير طاقتهم واستمتاعم بمواهبهم كونا مسمعناش عن الحوادث والضحايا اللى بنشوفها وبنسمعها وغير كدة كان هيعمل حصر للشباب دول وحافظ عليهم وبعد عنهم الخطر

وده رأى والاختلاف فالرأئ لا يفسد فالود قضية

والله العظيم انا مليش فالحاجات دى ولا بعرف اعملها بس منكرش انى بعجب بمهارات الشباب دول واللى عملينه فعربياتهم

ومن الاخر لما بنشوف عربية منهم بتمر منجبنا بيبان اوى الصرف اللى صرفة على العربية مش معقول يعنى هيبقى صارف كل الفلوس وهو مش لاقى ياكل ولا حتى منظرة

المشاركة الأصلية كتبت بواسطة MoToRiZeR

انا موافقك بس مش أي هواية تنفع تمارس في الشارع .. إذا كان الكورة في الشارع مزعجة ما بالك سباقات العربيات !! يعني مينفعش انا مثلاَ بحب الرماية و أجيب مسدس و أقف أنشن علي حاجات random في الشارع ! ده إسمه عبث .. و المفروض متتسماش هواية سباق السيارات المفروض يبقي إسمها سباق السيارات و تحطيم ممتلكات الأخرين و إزعاجهم و قتل بعض منهم .

لو مفيش مكان للسباقات دي مش مشكلة الناس اللي ساكنة أو ماشية في الشارع .. الشارع مكان يستخدمه الجميع من تنقل لمكان لأخر .. الموضوع أشبه إنك تلاقي واحد غريب داخل عليك شقتك و يقولك أصل معنديش مكان أبات فيه أعمل إيه يعني !! و هي دي مشكلتك إنت !؟ دي مشكلته هو .. و ده تعدي علي حقك .

صدقنى انا معاك والله وذكرت اعتراضى على الاسلوب ده بس نرجع ونقول لو كانه الشباب دول لقه مكان يمارسه فى هوايتهم مكنش حصل اى شئ من المئسويات اللى بنشوفها وبنسمعها

تعرف حضرتك اية مشكلتنا بجد اننا بنحل مشكلتنا بنفسنا ومبنفكرش فالأخر مع العلم ان الاخر ده برده بيفكر فحل مشكلتة برضة بفسة ومبيفكرش فيك

مافيش حد بيفكر لحل مشاكلنا كلنا عشان كدة هتلاقى العشوائية دى فى مجتمعنا كتير بس هتعمل اية لازم تدور على مبرر وتقدر تقنع بى الشباب دول

وزى مذكر بعض الاعضاء ان الشرطة طردتنهم اكثر من مرة وفأكثر من مكان بس برضة احنا لما فكرنا فكرنا نطاردهم مفكرناش فى حل مشكلتهم

اتمنى تكون فهمتنى

وبحى رد حضرتك جدا وتفهمك لكلامى

اهم حاجه دلوقتي فين تجمعهم عند المعرض ولا اشرف فرغلي اصل نفسي اتفرج قوي على الحاجات دي و كله بسبب المدينه بتاعتنا (مدينه التوفيق) مفهاش اي مجال ان حد يعمل اي حاجه بعربيته

المشاركة الأصلية كتبت بواسطة m_a_aboelsoud

اهم حاجه دلوقتي فين تجمعهم عند المعرض ولا اشرف فرغلي اصل نفسي اتفرج قوي على الحاجات دي و كله بسبب المدينه بتاعتنا (مدينه التوفيق) مفهاش اي مجال ان حد يعمل اي حاجه بعربيته

ههههههه يا باشا عند فرغلى
وكلها إسبوعين ويبقى كله عند المعرض