انا كنت الحمد لله من اسبوع وبعد بحث وتدوير عن نوع العربيه اللى اجيبها قررت انى اجيب هوندا سيفيك 93 ودورت على واحدة والحمد لله لاقيت واحدة وكشفت عنها وكانت كويسه يعنى جيدة جدا المهم اشتريتها والحمد لله اول مشكلة لاقيتها انه رافع العربيه بعلايات لانسر وده مش مظبط الثبات وبيخلى العربيه بتعوم جامد بس العربيه كانت جميله وحسيت ان سحبها مش بالقوة اللى سمعت عنها المهم مره وانا بقرص على غيار جابت دخنه بيضه وهنا بدات اقلق ورحت لميكانيكى وقالى طقم شنبر وعايزه شغل فى العفشة طبعا بما انى خلصت فلوسى لما اشتريتها مرضتش اجازف بفتح الموتور وبعدين وانا ماشى عملت حادثة خلتنى قفلت من العربيه جامد وحسيت انه فالها وحش جدا ... رحت بعتها بحالتها والحمد لله خسرت مبلغ ممكن علشان مخدش بالى كويس مع ان كان معايا ميكانيكى ويمكن قلة ضمير او المهم الحمد لله على اللى حصل بس العيب مش فى العربيه لانه فعلا العربيه دى باقل الامكانيات بتديك اللى انت عايزه